呢間都算網紅店，好多人大力推介，嘅然今次過咗嚟路環市區呢度行，點都要試試。 因為剛食完午餐，所以唔敢叫太多嘢，一杯凍一杯熱咖啡，加幾隻雞翼就係咁。 凍手打咖啡，係軟錦錦咁，濃味帶小小甘小小苦澀味，但你話係咪好有或者好重咖啡味，我又覺得唔係，真係勉強收貨。 雞翼三隻一碟，下面有片面包墊底，雞翼Size真係細得可憐，好彩我剛食完午餐，所以無乜所謂。 喺路環市區仲要行一大段路至入到嚟，值唔值得就見仁見智，我呢～一次就夠。

去澳門快閃遊嘅話🇲🇴，梗係一過關就直接去大三巴嗰頭🏛️。我哋今次就介紹喺大三巴附近一間好有feel嘅日式小店🎌。舖頭裝修既有濃濃嘅日本風格🏯，亦都有啲現代感。原來係店主喺美國留學嘅時候📚，成日幫襯一間日籍廚師開嘅烏冬舖🍜，久而久之仲跟廚師學師🧑🏻‍🍳，將味道帶返澳門。 . 🥩日本宮崎A5和牛(100g)•壽喜燒($398) 手切嘅日本A5和牛，油香味同埋肉味都夠晒香口😍，而且肉質真係超級嫩身，烚完之後放入口，入口即溶💦！烚完之後點埋日本生雞蛋，蛋香味好濃🍳，配埋牛肉嘅油花，真係超滿足💕。日式高濃度板豆腐食物好滑，亦都有豆香味🫘，而且外層煎過，好有日本feel🍳。鍋裏裏面嘅茼蒿、舞茸菇等等配料🥗，都索晒壽喜燒鍋甜甜鹹鹹嘅鰹魚海帶湯味道，湯底係舖頭用咗日本昆布同埋柴魚片煲出嚟♨️。呢款鍋就就配比較粗身嘅讚岐烏冬，食落口感煙韌彈牙🫦，適合做湯烏冬。 . ❄️冷烏冬定食($78) 冷烏冬就揀咗舖頭推薦嘅稻庭烏冬，麵質比較幼身，食落口感亦都比較滑👅，好啱冷烏冬嘅食法。點埋冷麵汁，烏冬仲會掛起一啲葱花同埋蘿蔔蓉，味道清爽🎐。定食仲配埋關東煮四選，關東煮鮮甜嘅湯汁真係好香口🎏。油豆腐外層吸收咗湯汁，裏面就保留住軟滑、重豆香味😋。雞肉丸口感好好，而且肉味幾香🐥。昆布結吸收埋湯汁，份外鮮味，好正🌊。大根蘿蔔煮得夠腍身，配埋經典嘅關東煮做法真係好夾😝。

”👨‍🍳 米芝蓮一星大廚献艺，生日盛宴好味不停歇！“ 早排男朋友生日🎂帶佢去食餐好 有朋友介紹左呢間餐廳🍴 之前都想食好食既葡國菜😝 而一直都好想食到米芝連大廚🧑‍🍳 親自煮的菜單🫣咁橋生日遇上了 José Avillez 👨🏻‍🍳 好在一早book好左餐廳🍴 呢間餐廳佈置由Karl Lagerfeld 親自設計 所以真係好靚😍 多謝餐廳安排左最好的位置☺️ 去到之後先有2杯welcome drink 女人大左 點都俾燕窩吸引左🫣值得推介 Last Back Garden~ 男朋友鐘意甜野 所以叫左杯蜂蜜葡萄牙酒 2杯都超好飲🥰多謝bar tender 推介 一開始我係俾星空頂吸引左 飲飽食醉後俾服務同食物吸引左🥰 全餐服務超好 又好好推介❤️ 都擔心會唔會食唔飽 最後飽住翻香港🇭🇰 我好掛住紅魔蝦😿隻蝦好彈牙 加汁料真係好match 個乳🐷好出色😍脆脆的外皮 肉質鮮美 係所有都好好食😋連男朋友都超讚👍🏻 同原來甜品要配甜酒（砵酒）完美 我地影緊生日相時 大廚🧑‍🍳都再同我地影 超nice 的🥰有機會去其他地方再食 成功追星🤩😆d侍應都話好難得 平時佢好少係澳門架 整體評分 完美的一餐 慶祝生日🎂約會都好適🈴 📍味賞 (路氹城) 路氹城射擊路澳門上葡京綜合度假村THE KARL LAGERFELD 3樓301號 #masa#macao#foodie#michelin#thekarllagerfeld#portugal

因為屋企人睇錯資料，山長水遠由氹仔嚟到食呢間老記粥麵，嚟到發現係米芝蓮推介餐廳，之後睇下食評有咩餸好食，發現大家推介嘅餸都好唔同，而個menu真係超多嘢食揀，唔知嗌咩食就隨心叫啲鍾意嘅餸試下： 水蟹粥，可能係全澳門最好食嘅！粥底夠綿，蟹肉唔削多膏，好鮮甜！我見好多當地嘅街坊都叫咗！ 魷魚炒麵，有得揀濕炒定乾炒，我哋揀咗乾嘅，澳門啲魷魚真係好肥美，又大條又爽口彈牙，平時最驚啲硬嘅炒麵有油益味，呢度完全唔覺，麵身好爽脆，配埋個好惹味又適量嘅芡汁，真係冇得輸👍🏻 生啫黃鱔煲，一上枱滋滋聲，見得到嘅鑊氣！黃鱔好鮮好香，如果大舊肉啲就仲開心～ 菜乾豬肺湯，呢個真係懷舊味道，菜乾豬肺味邊個都搶唔到對方，豬肺好乾淨一啲腥味都冇，係飲得出嘅心機同誠意！ 雜薈炒河，係好足料嘅雜薈！有鮮魷、豬雜、雞肉～ 籠仔膏蟹蒸糯米飯，不得了地多膏，仲要唔係剩係隻蟹好食，個飯底都超好食，個飯充滿住碎嘅薑蔥，啖啖都好惹味👍🏻👍🏻👍🏻 終於都明點解啲食評個個都推介唔同嘅嘢食，因為求其嗌每一味餸都好好食🤤呢餐飯真係食得好開心，好有回憶嘅味道，係食得出嘅心機，侍應亦招呼得好好，見到街坊之間嘅交流都好有人情味，下次有機會嚟澳門都要再食！

去澳門🇲🇴食葡撻已經唔係啲乜嘢新奇行程🤨，不過傳統嘅葡式蛋撻你又試過未呢🌍？呢間傳統葡式烘焙店主打嘅係嚟自葡萄牙嘅傳統食譜🇵🇹，同港澳流行比較似燉蛋嘅葡撻唔同😝，傳統葡式嘅版本更加着重忌廉同埋香料調味🤩！貫徹傳統葡式嘅風格，舖頭嘅裝修亦都係正宗嘅歐式小屋🚪，店員服務親切🥰。 . 🥧傳統葡撻($12/個) 價錢合理，同其他葡撻相若😎。不過味道真係超級特別😍，傳統葡式嘅食法仲會加埋玉桂粉🧂，令到香味更加豐富，亦都可以按需要自己落糖霜增加甜度。餅皮超級香酥，而且唔油，感覺輕盈🎐，超級推薦。裏面嘅餡料超綿滑，比較重忌廉感，配埋肉桂真係好有歐式感覺🏰，好好食🤤。 . 🐮酥富匙千層牛肉($20/個) 喺澳門人嘅心目中，呢間舖頭另一個主打絕對係牛肉千層酥🥳！千層牛肉係嚟自葡萄牙北部Chaves小鎮喺160幾年前嘅配方🧑🏻‍🍳。加上舖頭嘅酥皮真係好正，夠曬香酥💥，而且配埋裏面免治牛肉嘅油花香味邪惡得嚟好香。裏面嘅免治牛肉口感夠軟👅，而且簡單嘅香草調味吊出牛肉香味🌿，好正。 . 🥭「康派」芒果汁($18) 嚟得呢度，飲品當然都要揀有葡國特色嘅🥤！芒果汁味道自然，唔會過甜，同時間果味唔錯😆。 . 🍍「夏派」菠蘿汁汽水($18) 呢款同樣係葡萄牙嘅特色飲品😆。我哋揀咗菠蘿味汽水，飲品由包裝去到味道都好有古早味💕，飲落味道亦都有波子汽水嘅感覺🫧。

總是對世紀咖啡有個情意結 去到官也街點都想排下隊😅 今次仲要分了2天到 因為第一日下午已售罄了豬扒包 恰巧第二天早上會再去 咁先食到豬扒包 . 厚蛋豬扒包 要等一陣佢即時整 熱辣辣 周圍都站立了不少人一吃豬扒包😆 可以選擇加或唔加厚蛋 但加了整體更吸引 🤩 花生奶油方塊 鋪滿了花生醬 花生碎 煉奶 都幾難唔好食🤤 而且方便分享 無咁有罪惡感 第一天食唔到豬扒包時好多人都會選擇佢 樽裝奶茶/咖啡 基本上每人都至少買一支 本身都驚佢甜 幸好不是太甜 但略嫌奶茶茶味不足 反而咖啡更出色 有香濃咖啡味

今次我哋喺澳門🇲🇴就搵到一間價錢合理，又有滿滿日本風味嘅Cafe🎌。我哋就揀咗坐樓上榻榻米位，真係好有feel🏯！而且憑消費仲可以換扭蛋代幣☄️，可以去對面嘅日係雜貨店扭優惠券，成個體驗好有儀式感😆。 . 🐮日式蛋黃牛堡丼($88) 裏面100%全部都係牛肉🥩，而且意想唔到咁超級厚！食落去口感超級滿足，牛肉香味、黑椒、香草調味真係好香🤤。配埋甜甜鹹鹹嘅洋蔥醬汁🧅，同埋流心蛋黃嘅蛋香味🐣，真係超級送飯。 . 🐄慢煮牛排丼($108) 火候掌握得啱啱好🔥，慢煮牛扒嘅賣相好粉紅好靚😍！牛嘅天然香味好吸引，配埋簡單嘅燒汁調味更加帶出肉香味♨️！而且珍珠米都煮得好綿香🍚，撈埋肉汁超滿足。 . 🍟炸粗薯條 配 蘑菇黑松露醬($40) 舖頭而家調製嘅蘑菇黑松露醬好特別😝，蘑菇同埋黑松露嘅味道平衡得好好，而且口感特別濃郁😋。粗薯條亦都處理得好好，外酥脆、內軟身💥。 . 🐥慢煮嫩雞胸沙律 雞胸真係夠嫩身，健康得嚟味道又夠香🤩。配埋雞髀菇、紅腰豆、鷹嘴豆，口感好豐富。而且成個沙律超級足料🥗，塞到滿滿。下面嘅沙律菜又柚子醋嘅酸香清新🍊，又有淡淡嘅麻油調味，味道好好。 . 🍰提拉米蘇•銅鑼燒($58) 舖頭嘅Tiramisu真係超級推薦🌟，酒嘅味道好香！而且口感超級綿滑輕盈，好似忌廉咁入口即溶嘅感覺🍦，真係好滿足。配埋銅鑼燒餅皮夾住，好特別。 . 🍮昭和布丁($38) 賣相真係超級精緻，打卡滿分📸！用嘅餐具已經好有儀式感，而且布甸嘅蛋香味超級濃郁🍳，配埋唧花扭紋型忌廉🧁，亦都好有奶香感，最頂仲有金箔👑，超級fancy。 . 🍋享•羅勒葉檸檬梳打($40) 梳打好夠氣泡感🫧，飲落清新。而且裏面用咗檸檬汁、青檸汁、仲有特色嘅羅勒葉香味🍃，所以除咗酸爽之外，亦都有啲東南亞島國風🏝️。 . ☕️手沖咖啡($55) 咖啡味道夠晒香濃，咖啡豆嘅烘焙香味好出♨️。加埋面頭嘅拉花配埋唔同嘅和式、洋食菜式😋，啱晒打卡。

有6間分店 早餐黎講唔算平 特別嘅係有機茶飲 跟餐+$3 原來係compress左嘅茶 但料同奶茶差唔多 第一次飲 係有少少咸咸地 不過其餘就同奶茶冇咩分別 都好飲嘅😎👌🏼 辣沙甸魚豬仔包 ($44) 呢個好似有澳門特色d 佢翻譯豬仔包係Macau bread😂 烘得勁脆 好食喎 沙甸魚唔係好辣 都唔惺 夾埋個豬仔包又幾好食👍🏼 另外就叫左個火腿炒蛋跟多士 ($48) 普通 大家想像到嘅味啦😂

係Google map無意中search到呢間 有4星米芝連餐廳😯 想食水蟹粥 決定試吓佢！ 入面裝修都幾靚 古色古香 Menu都好多野食 水蟹粥有得拼其他餸 亦有其他小菜粉麵叫 仲要唔使加一！ 水蟹田雞粥(細窩) ($198) 按人數可以決定揀大定細窩 配埋田雞成個粥更加甜 正😋 都好足料 蟹同田雞都好肉地 細窩都好大兜 2-3人食都夠 翅湯竹笙什菇浸花甲煲 ($128) 翅味就唔係好食到😂不過個湯好飲 入面有好多花甲同菇 竹笙都好爽口 又係好足料嘅一煲😎 椒鹽粟米 ($75) 勁惹味 又係份量大 好香口 食完一舊想再食多舊😋 蠔仔煎蛋角 ($98) 原本有d expect 好似煎蠔餅咁 不過唔係😂 似菜圃蛋但入面變左蠔仔 都多蠔仔 不過整體冇咩味 有魚露點下會好食d Overall每樣野水準都唔錯 特別係水蟹粥真係值得一試 唔近旅遊區 但味道更好👍🏼

難得過大海快閃，特別訂了婆仔屋吃飯。book了六時，準時到達，但外面已排着長龍，需要店員逐一逐一放入座，餐廳真的夠晒排場。但食客就像難民一樣，等配給。 先叫兩杯Sangria，味道正常。好懷念西班牙的日子。 叫了前菜葡萄牙黑毛豬煙燻火腿36個月，一隻隻黑毛豬放在走廊，不過不是即時切，已切成的火腿一碟碟放在預備桌上。如果可以見到即時就好了。 龍蝦燴飯 原隻龍蝦上，畫面非常震撼。 燒焗乳豬 等了差不多1小時才上枱，皮脆，但有濃濃豬酥味，只可以說我還是比較喜歡港式乳豬的味道。 整體而言，餐廳價格偏貴，食物質素沒有期望中的高，有點名過於實，下次也不會再來。

我哋今次嚟到澳門嘅第一站🇲🇴，就去咗一間好有特色嘅寵物共融空間裏面食嘢🐶。呢度集合寵物友善餐廳🍽️、寵物Cafe☕️、寵物日間托管🦮、寵物酒店🏡、寵物超市🛒幾大元素於一身，澳門人仲會帶埋佢哋嘅寵物一齊嚟食飯😝，喺咁大嘅空間裏面可以隨意跑跑跳跳😍。嚟旅行嘅我哋，其實同貓狗店長玩吓已經夠晒過癮🥰。 . 呢度嘅托管服務仲有接送服務🚌，唔需要擔心寵物每日嘅交通。呢度夜晚六點之後仲會有酒、Pizza、鋸扒等等🍷，放假過嚟夠晒盡興！除咗人食得開心，呢度都有寵物餐點🐈，甚至可以喺寵物超市買零食，同寵物一齊食餐好😋。 . 🍝萊卡蒜香帶子魷魚香辣蝦扁意粉 海鮮份量超級足料🌊！淨係睇意粉上面好澎湃咁鋪滿晒魷魚🦑、帶子🦪、蝦肉🦐，就已經覺得好爽！海鮮煮得啱啱好，嫩口彈牙，味道香口💕。蒜香同埋香辣嘅調味夠晒惹味🌶️，加上意粉嘅質地煮得啱啱好，辣得嚟好啱我哋口味🍝。 . 🌯菠菜蘑菇法式烤餅配雲朵蛋 喺香港好難食到嘅高質素😍！卷餅外層煎到香脆，而餅皮本身軟身🔥，完全唔會韌或者過厚。裏面嘅芝士同埋蔬菜蘑菇味道好香♨️，點埋酸香嘅檸檬汁🍋，加埋甜甜哋又蓬鬆嘅雲朵煎蛋🍳，同埋蛋味好濃嘅流心蛋黃，超級滿足😋。 . 🍹咖啡師傾情 好有層次，首先會飲到面層咖啡奶奶泡嘅烘烤咖啡豆香味☕️，同埋香水檸檬皮嘅特色香味🍋，然後下層仲有清爽嘅椰子水🌴。撈勻之後，感覺香得嚟夠清爽🎐，將幾種味道融和埋一齊，創新得嚟好夾。 . 🍵開心果抹茶雪頂 絕對滿足晒所有港女打卡願望📸！所有綠色元素集合埋一齊，既有甜香嘅抹茶牛乳🍃，又帶有啲開心果嘅果仁香味🌰，面層仲有好靚嘅聖誕樹形狀唧花🎄。仲可以倒埋濃縮咖啡落去☕️，層次更加豐富。

This place is so lovely. Staff are friendly. During summer u can enjoy to have swim outside the restaurant. Food are so delicious, good presentation. They also have the best wine from Portugal. Cozida Portuguesa must try and the salad that have beetroot.

天氣有啲熱 行完一輪最啱食返杯雪糕 揀咗呢個椰子雪糕 - $28 睇個門面都覺得佢係一間老店 (其實唔知係咪) 無咩花巧嘢 就係一杯好Plain嘅椰子雪糕 椰子味好香濃 食落好清甜 行到熱辣辣食就真係好透心涼

澳門有格調中菜-樂軒華粵菜餐廳


今次嚟到澳門，入酒店唔係嚟賭場🤣係去食好西先😂今次嚟到澳門十六浦索菲特酒店入面嘅中菜廳，被安排到窗邊位置，可以睇到澳門市景架，點心都唔錯，鹹水角夠香脆，蝦餃都大大粒架，一籠有5粒😂上面仲加上蟹籽

最特色係香脆五花腩，仲係用蠟燭熱住個碟上🤤切到一粒粒咁，方便一口一啖😂外皮好脆呀👍🏻坐得舒服，又夠格調，大家可以試試😊

澳門近期好hit 嘅酥皮焦糖蛋撻，長期都有人排隊😎 就算落大雨都一樣有人排😅 排到我地賣晒要等半小時先再出爐😭唯有等啦😋 酥皮焦糖蛋撻 $12 個皮好鬆脆，一咬就跌到成身都係，要小心食🤣 蛋漿就唔算好香滑😊 總括嚟講都好食嘅可以一試😋 覆盆子開心果可頌 $38 個皮脆跌到一咬又一地都係碎🤣 有覆盆子漿係入面酸酸地幾好味唔會太膩。 開心果味唔太濃唔太特出很淡淡的😊