朋友介紹十月初五街必食嘅雞湯米😋 原來係藥膳雞湯米$39😋 湯好熱，帶藥膳米酒香味👍 雞鮮滑不鞋👍 一碗份量十足嘅雞湯米有大量嘅芫茜係面，還有幾片冬瓜吸晒d 湯入口即溶😋 有幾粒雲耳，米粉都好多下次可以叫扣底😅 同行朋友們叫咗咖哩雞翼米$36 ，牛腩撈粗麵$36都好食👍 以呢個價錢真係無得輸😋

去年通關後昨晚第三次用餐，選了1酒4菜1甜品，Caesar Salad 意外的好，烤豬卷味道香但皮不像從前的脆，半份羊鞍份量適合可惜很肥，經理友善地換了，章魚是至愛，帶丁點異味，配料醬汁味道俱佳，蓋過了就費事作二度投訴。全晚沒什麼，到黎明時拉了4次，食的喝的通通噴水式報銷，食過的朋友皆如是。也算中高檔次酒店裡 fine dinning 的餐廳也失手，確實可惜，也捨不得那5星級的環境和服務呢。

蟹黃撈飯 - $58 我哋叫咗一個撈飯同一個撈麵 蟹肉蟹膏份量都好多 不過就未去到好香濃 但有好多蟹膏嘅油 撈落啲飯度好邪惡但好夾 對比起撈麵就有啲失色 底麵有啲淋同埋掛唔到啲蟹肉蟹膏 好似分開晒啲嘢嚟食咁 同埋同飯唔同嘅係 啲麵索唔到啲汁 令到整體感覺比較油膩 食落比較飽滯 所以都係揀返撈飯比較夾 呢個仲有極品蟹黃撈飯揀 其實姐係啲蟹肉蟹膏份量加碼 不過個人覺得普通Size都好夠 要留返Quota再食其他嘢

官也街的水蟹粥 今次嚟到澳門玩，住咗巴黎人，就近官也街。聽聞官也街的水蟹粥比較出名，而澳門朋友亦都推介所以，就試下呢個水蟹粥。 我哋早咗大概六點到已經去食，人流冇咁多。 兩個人食，叫咗一鍋水蟹粥，原來份量都非常之多，亦都有原隻嘅蟹喺裏面，鮮甜美味，粥底面滑，蟹肉亦都非常鮮甜。 另外叫咗一個蟹膏蟹肉西蘭花，呢個係非常失望嘅，絕對不推介！因為蟹肉不多，更淡而無味，仲要百多元一碟，相對水蟹粥比較係性價比高。 當日我哋得兩個人自己坐一張枱已是非常幸運，因見隔離大枱有三組人要搭枱，坐得非常不好。 環境真係一般，坐坐下後面又有人，真係以背脊黐背脊。朋友說如果唔係好急，千萬不要去厠所，因為去完廁所，你一定會唔開胃食唔落嘅。

呢個自助早餐，早前見不少youtuber 推介，亦係今次book 巴黎人的嘅重點推介，因為佢係號稱最豪華嘅自助早餐，裏面包括有龍蝦嘅 但好奇怪就算係住客都係沒有特別優惠。 朝頭早食龍蝦就真係未試過啦。 現煮的菜式有龍蝦，亦都有芝士扇貝和一個老鴿燉湯。雖然每次只可以order一款但係無限次order嘅。 下單後亦好快上菜。 蒜蓉龍蝦係唔錯嘅，我都order咗多一次，扇貝就一般，燉湯亦都非常之不錯。 飲品種類選擇多，比較驚喜就係有即開嘅原個椰青。 麵包,denish 等都係好好味，比較推介嘅就是egg Benedict。三文魚刺身非常新鮮， 熱盤選擇都非常多，一般早餐類，粥粉麵飯都有。另類一點，早餐居然有雪糕食。 由於係早餐時段，人流多，枱與枱之間比較密，亦都幾嘈吵。 環境同擺盤係非常之靚嘅。尤其是擺麵包的旋轉木馬真係打卡熱點 雖然價錢，以早餐來說，真心幾貴，但絕對值得一試

之前聽同事朋友推介，去澳門嘅時候可以去試下呢個愛麗絲夢遊仙境嘅下午茶 聽同事講一定要book位，但因為行程上面我哋唔想咁多掣肘所以就當時去到碰下運氣 當日我哋冇book枱只是早咗半個鐘頭去，咁居然仲有最後一份嘅下午茶，我哋非常之好彩嘅 呢間邱吉爾餐廳，係倫敦人酒店內，佈置非常之靚呀，同埋當日嘅主題喺愛麗絲夢遊仙境，所有嘅侍應同都著上咗一啲高模啦同埋啲特別嘅服飾嘅 當日去到嘅時候因為早咗啦，咁我哋坐咗一陣咁跟住就見到一隻好大嘅兔仔走出嚟同我哋影相呀， 好驚喜呀，佢仲會擺唔同嘅pose添呀真係氹得人哋好開心。 下午茶套餐呢嗰個擺盤做得非常之靚呀，充滿夢幻，絕對是打咭必備，而每一種嘅點心呢都係好好食嘅，絕對係睇得又食得。 絕對係非常之享受呀咁同埋一路食呢亦都一路呢有一個表演進行㗎喎 套餐包咗呢tea or coffee, 咁我就叫咗熱咖啡，而另一半就叫咗一個凍咖啡，之後見隔離枱原來呢佢如果飲英式tea嘅話呢佢會係一個好得意嘅茶壺嚟嘅 總括呢一個呢絕對係一個非常值得推介嘅餐廳同埋一個體驗。絕對會想再去。

前一日食咗個下午茶套餐愛麗絲夢遊仙境，令我回味無窮。 今次住巴黎人的我，又再次被這餐廳吸引，幫襯早晨自助餐。環境佈置同昨日愛麗絲夢遊仙境的，有少少不相同，沒有了夢幻，但傳統英式嘅設計味道。 由於係英式，佢有燒牛肉之餘，居然有英國傳統pub food 特色 yorkshire pudding, 完全勾起返我當年喺英國讀書嘅生活點滴。Egg Benedict 做得不錯，比較驚喜是中式的點心，以迷你蒸籠盛載，每籠一粒，著實不錯，特別推介炆牛肚，入味又霖，超驚喜，絕對需要一試！ 環境舒適，不嘈雜，空間合理。我的枱更可望著倫敦人的水池，歎一杯熱咖啡，真有點在英國渡假的感覺，總括而言，是一餐非常享受又豐富的早晨之旅。只是一點可惜的，是這餐廳的員工居然不懂廣東話，只一直跟我說普通話，令我以為自己去了北京😅這裡不是澳門嗎？ 對比巴黎人自助早餐，這裡我會感覺更高級舒服。

買左肉心、杏粒、蛋黃杏仁餅各一，蛋黃味係口腔爆發。咬開肉心同蛋黃都有肥肉芯，送茶一流，每包9塊，好抵食。 肉切餅，一打開袋已經好香。餅身較硬，同杏仁餅好唔同，要啲牙力。食到無添加的味道，唔會整式整水，好自然咁一塊接住一塊放入口。光酥餅 輕輕較實/濕個種，最重要唔甜。 見到櫃台的紫菜肉鬆卷膠盒裝驚住食唔哂，職員仲介紹紙盒裝鳳凰卷，一樣出色，份量十足，送禮自用都得。

上星期和媽咪一起去澳門出差，順道在澳門為母親節提前慶祝。極度推薦位於皇都酒店的上海菜餐廳——梓園，這家餐廳曾獲得眾多獎項，環境舒適寬敞，古色古香的設計讓人感到愜意。非常適合和長輩一起享受美食。 我們提前預訂了四人桌，因為星期日的中午時段比較擠滿，所以建議大家提前預訂座位。我們點了三個冷盤、兩份主菜、一份點心和一份甜品。每道菜的味道、外觀和份量都令人非常滿意。總共花了$769（每人$192），吃得非常滿足✨✨ 上海小籠包 $50：一份有六隻，內裡的肉質十分鮮嫩多汁，口感非常滿足。 上湯銀杏腐皮火腿津白 $110：香濃的奶油完全被津白吸收，每一口都非常多汁入味。不過火腿的份量稍少，金華火腿的鹹鮮味較少。 樟茶鴨（半隻）$180：半隻樟茶鴨的份量很足，四個人吃都還剩下一些。皮色金黃，鴨肉紅潤，滋味十足。 蘿蔔絲拌海蜇 $90：個人覺得味道有點酸，不太推薦。 醉鴿 $120：醉乳鴿的水準很高，外觀精緻，不過酒香不算非常濃烈。 高力豆沙 $50：外層爆滿的砂糖咬下去有嗦嗦聲，中層蛋白軟綿綿，豆沙的甜度剛好。  麻醬雞絲粉皮 $100：非常推薦！我本身是雞絲粉皮的粉絲，這道菜的粉皮晶瑩通透，搭配爽口的青瓜絲，口感很平衡，非常好吃！ 除了出色的上海菜，梓園的環境舒適而且服務周到。另外，皇都酒店的住客可以享受九折優惠，結帳時記得出示房卡。

餐廳資訊ℹ
梓園上海菜館
位於： 澳門皇都酒店
地址： 澳門得勝馬路2-4號2-4號皇都酒店2樓
營業時間：　11:30 - 15:00; 17:30 - 22:00 (星期一休息)
電話號碼： +853 2855 2222

Healer Bar🍷 澳門隱世洞穴酒吧🇲🇴 一間地方唔大但好有氣氛既酒吧🍹 好岩同朋友一路傾計一路Chill😎 食物方面都好特別🍽️ 小編叫左蟹多士🦀（推薦🌟） 另外如果想打卡記得叫埋Lucky Star🌟 全杯酒都會有火花💥慢慢燒杯野飲🍹 成件事好Fancy 好似睇咁煙花咁😍 A hidden cave bar in Macau 🇲🇴, this place may be small but it is packed with atmosphere. It's the perfect spot to chill with friends while having great conversations. The food offerings are also unique and special. I highly recommend trying their Crab Toast 🦀 (highly recommended 🌟). And if you're looking for a photo opportunity, don't forget to order the Lucky Star cocktail 🌟. Each drink comes with a sparkler 💥, creating a fancy and mesmerizing experience, just like watching fireworks in slow motion. 😍

🌟超平民𝓕𝓲𝓷𝓮 𝓭𝓲𝓷𝓷𝓲𝓷𝓰體驗🥂🌟
𝑹𝒆𝒔𝒕𝒂𝒖𝒓𝒂𝒏𝒕 𝑵𝒂𝒎𝒆 🍽️: 𝑨𝒖𝒓𝒐𝒓𝒂
𝐿𝑜𝑐𝑎𝑡𝑖𝑜𝑛📍: 𝑴𝒂𝒄𝒂𝒖
𝐶𝑢𝑖𝑠𝑖𝑛𝑒 🥂: 𝐼𝑡𝑎𝑙𝑖𝑎𝑛 𝐶𝑢𝑖𝑠𝑖𝑛𝑒 🇮🇹
𝐷𝑖𝑠ℎ𝑒𝑠 📸：
𝘼𝙥𝙥𝙚𝙩𝙞𝙨𝙚𝙧:
1. 𝑊𝑖𝑙𝑑 𝑀𝑢𝑠ℎ𝑟𝑜𝑜𝑚 𝑆𝑜𝑢𝑝 磨菇濃湯🍄
ᴄʀɪsᴘʏ ᴘᴏʀᴛᴏʙᴇʟʟᴏ | ᴛʀᴜғғʟᴇ ᴄʀᴇᴀᴍ

2. 𝐻𝑒𝑖𝑟𝑙𝑜𝑜𝑚 𝑇𝑜𝑚𝑎𝑡𝑜 𝑆𝑎𝑙𝑎𝑑 原種番茄沙律🥗
ʙᴀsɪʟ ᴄᴏɴᴅɪᴍᴇɴᴛ | ᴀɢᴇᴅ ʙᴀʟsᴀᴍɪᴄ

𝙈𝙖𝙞𝙣 𝘾𝙤𝙪𝙧𝙨𝙚:
3. 𝑆𝑒𝑎𝑓𝑜𝑜𝑑 𝑅𝑖𝑠𝑜𝑡𝑡𝑜 海鮮意大利燴飯🍚
sʜᴇʟʟғɪsʜ ᴇᴍᴜʟsɪᴏɴ | ᴇsᴘᴇʟᴇᴛᴛᴇ ᴘᴇᴘᴘᴇʀ

4. 𝐵𝑟𝑎𝑠𝑎𝑡𝑜 𝑃𝑖𝑧𝑧𝑎 燴牛芝士薄餅🍕
ʙʀᴀɪsᴇᴅ ʙᴇᴇғ | ᴛᴀʟᴇɢɢɪᴏ ᴄʜᴇᴇsᴇ

𝘿𝙚𝙨𝙨𝙚𝙧𝙩：
5. 𝐶𝑙𝑎𝑠𝑠𝑖𝑐 𝑇𝑖𝑟𝑎𝑚𝑖𝑠𝑢 🍨
ᴍᴀsᴄᴀʀᴘᴏɴᴇ | ᴇsᴘʀᴇssᴏ | ᴋᴀʜʟᴜᴀ

🥂𝑆ℎ𝑎𝑟𝑖𝑛𝑔 𝐿𝑢𝑛𝑐ℎ 𝑆𝑒𝑡 $308 (2 𝑃𝑒𝑟𝑠𝑜𝑛𝑠)
🌟𝐶𝑜𝑛𝑠𝑢𝑚𝑝𝑡𝑖𝑜𝑛 𝑝𝑒𝑟 𝑝𝑒𝑟𝑠𝑜𝑛：𝐻𝐾𝐷 $180

我地五個人食，野食黎到先知份量咁少，真係呆左，一個人食就差唔多，你地員工又冇同我地講份量少會唔夠食，已經唔平架啦，個拼盤25蚊一粒牛肉粒，早知散叫冇咁嬲，食到一肚氣
價錢同份量唔成比例，叫左拼盤完全中哂伏，問員工可唔可以轉返散叫又唔理。 牛小排$88-3塊
豬腩片$48-3塊肥豬肉
牛肉粒98蚊-4粒
響鈴$26蚊-3舊

已經好耐冇去澳門 成日都見到好多人分享呢間雞蛋仔 有段時間仲要排好耐先有得食 最誇張聽過係要兩個鐘？ 好彩我去果陣唔使排隊 見到Menu已經十五十六好多都好想食 不過真係唔肚餓 揀咗最熱門嘅葡撻味 雖然冇之前咁誇張，要等咁耐 但由於都係即叫即制 最起碼要15至20分鐘～ 喺側邊望住佢點樣整 勁重手，整咗勁多葡撻餡入去😆😆✨ 真係完全係值得等架🤤🤤 外脆內嫩 omg 好滑好嫩好creamy😍😍 實係好香燉蛋又好似布甸咁 絕對無失望🫶🏻 下次想試下其他味 但係澳門必食葡撻，一定要試！🥳

上個月同朋友去澳門🇲🇴其中一日中午去咗食法國菜😍餐廳位於巴黎人入邊,適逢係復活節🐣所以餐廳係3月29-31號中午推出咗復活節午餐套餐🍽️餐廳環境華麗,地方寛敞,staff親切有禮👍🏻 Easter Lunch Set Menu 每位$348+10% Staff會先上法式麵包🥖 麵包外脆內軟😍配上牛油好好味😋 前菜 自制法式鵝肝酥皮凍肉派伴醋漬蔬菜 鵝肝味道幾濃,配上伴菜,中和到鵝肝嘅油膩度👍🏻 牛油果大蝦及櫻桃番茄沙拉伴雞尾酒醬 底部係一塊牛油果,大蝦爽口彈牙😋配埋沙拉菜,味道清新😍 主菜 烤杏仁菠菜釀羊鞍伴法式白酒燉煮朝鮮薊 羊鞍軟嫰,肉汁好juicy😍醬汁好入味,配菜吸收哂醬汁嘅精華😋 香煎封門柳牛扒伴黑松露烤焗馬鈴薯片配青胡椒汁 牛扒叫咗5成熟,可惜有少少過熟,牛味幾濃😋點埋胡椒汁,味道惹味😍 甜品 復活節彩蛋：希臘乳酪慕斯，杏仁達克瓦茲伴覆盆子啫喱及雪葩 甜品賣相好可愛❤️復活節彩蛋裏面係希臘乳酪慕斯同覆盆子啫喱,質地軟滑😍味道酸酸甜甜,唔會膩👍🏻旁邊嘅雪葩味道都係酸酸甜甜😋 套餐包含一杯熱咖啡或熱茶 Latte Americano

舅父登陸大壽，我又有口福了！來到澳門馳名的李康記，一嚐美味的傳統粵菜( •̀֊•́ ) ̖́- 🌟時令冬瓜盅 冬瓜盅湯十分清甜，盛滿了鴨肉、瘦肉、蝦、蓮子、冬瓜、菇片，非常足料👍🏻添多碗是基本吧lol 🌟荔芋香酥鴨 必吃的傳統手工菜🚨香酥鴨的外層是一層薄脆的炸粉漿，香脆不油膩！內裡是軟綿綿的芋泥，芋泥同時已融入鴨油香，邪惡又美味💜底層是薄薄的一層起骨鴨肉，確實酥香美味！再淋上秘製醬汁，簡直是畫龍點睛，將其鮮味提昇，喺我食過最出色的荔芋香酥鴨，誠意推薦(ॢ˘͈ㅂ˘͈ ॢ) 🌟乳豬 我好中意食乳豬，每次婚宴都好期待呢道菜，不過我唔鍾意食皮肉分離果種❌呢度就好岩我口味：乳豬件是皮連肉斬的(✌︎˙˘˙✌︎) 外皮脆卜卜，同時吃到有炭火燒的焦香🤤脆皮下是一層香腴的肥膏，脂肪下一層鮮香的豬肉，入口軟嫩多汁，忍不住吃了兩大件.ᐟ.ᐟ / 🌟黃皮老虎兩味 西蘭花炒球 炒球的魚肉大大件、啖啖肉，炒得惹味又吃到魚肉的鮮甜，就連西蘭花也特別好吃😋 涼瓜枝竹炆頭骨 炆魚骨更為出色，炸過的魚骨骨肉相連，愛輪骨的就知道這個部位最為肥美😍而且滲透了香噴噴的芫荽清香，就算食唔哂大家都打包番盒✌︎·͜· 🌟美極煎中蝦 煎中蝦充滿惹味的蒜香，不單是只有蝦殼掛滿汁，背脊開了邊的關係，蝦肉都滲透了豉油的香味，同時又鮮甜彈牙！蝦殼仲脆到可以食添，再啜啖蝦膏，又一出色的菜式😚 🌟金華玉樹雞 起骨雞件嫩滑彈牙，就連雞胸肉的部位一點也不鞋💯與鹹香的金華火腿同吃，鹹鮮美味！ 🌟奄仔蟹蒸糯米飯 奄仔蟹蓋非常多膏，將蟹膏與飯粒撈勻同吃，超！邪！惡！膽固醇我不怕😈軟糯的飯粒已吸收海鮮的精華，十分鮮香美味！而且夾雜許多已拆肉的蟹鉗肉，很足料🥰同樣推介必吃，尤其喜歡吃蟹肉但不想拆蟹殼的朋友仔們(๑•̀∀- )و / ⭐️如意羅漢上素 ⭐️壽桃包 ⭐️紅豆沙湯圓 後期開始太飽，已經唔太食到呢三道菜🫣試左兩啖紅豆沙，好滑好似食緊BB蓉咁，味道偏甜！ / 是晚食到滿肚腸肥，但呢個肥肥既卡路里用得好值❣️好耐冇食過咁好味既手工菜，雖然大家去澳門玩應該會比較想食葡國菜或卜卜蜆，但有機會的話非常推薦大家試試這裡的懷舊菜🥹❤️🫶🏻