豐信餃子店

Open Now

Now Closed

🌟餐廳：豐信餃子店📍地址：太子汝州街17號地下A號舖💰價位：$50～$100⏰營業時間：星期一至日 08:30 - 18:30📱電話：2895 0020秋冬最鍾意就係食湯餃/湯麵，今晚同朋友揀左人氣大熱既「豐信餃子店」，晚市時間超受歡迎，大排長龍，大家想食鮮味十足既餃子，記得早d 黎攞位啦～———————————————————🔹涼伴海蜇涼拌海蜇爽脆Q彈，醬汁微微酸，開胃又清爽～———————————————————🔹酸薑流心皮蛋大大隻份量十足～流心皮蛋入口綿滑，蛋香味濃，皮蛋黃令人齒頰留香！好鍾意自家醃制既酸薑，甜甜辣辣，爽脆又解膩～———————————————————🔹招牌秘汁拼盤招牌拼盤有齊滷水雞翼、滷水蛋、滷水牛腱、滷水雞腎，夠哂豐富！自家秘製醬汁滷香味突出，夠晒入味，我就最鍾意滷水雞翼同滷水蛋，雞翼大大隻肉質嫩滑，滷水蛋索滿濃郁嘅醬汁，食落特別惹味～———————————————————🔹南瓜粟米鮮肉餃 （金沙煎餃）濃郁嘅鹹蛋黃配搭南瓜粟米鮮肉餃，簡直係完美嘅組合～好完美咁結合芝士粟米同埋豬肉～芝士同埋粟米咬落味道好濃郁，帶點拉絲，甜甜地好正，加埋爆汁嘅豬肉，食落好滿足～🔹

第一次試呢間餃子店俾佢嘅人龍嚇親🤣 喺條街冇乜人嘅時候唯獨佢有條長長嘅人龍😅 一坐低食就知食物質素好有驚喜😍 除咗餃子高質之外小食都好有亮點食得出食物好用心☺️⭐️ 雲耳椰菜鮮肉餃拼南瓜粟米鮮肉餃 🎃嚟到必食嘅就係佢嘅招牌金沙煎餃💛滿滿嘅鹹蛋黃真係香口又邪惡🍳乾身又唔會太鹹增加咗風味 南瓜鮮肉餃嘅味道好清甜🧡 雲耳椰菜餃就充滿爽脆嘅口感個人好鍾意🤩⭐️ 小棠菜鮮肉餃拼芝士粟米鮮肉餃 🧀估唔到小棠菜好好正🥬 值得一讚佢嘅菜好新鮮唔會淋曬咁🥳 芝士粟米鮮肉餃都唔會太漏帶淡淡既鹹香🌽 佢嘅椰子海帶湯亦係另一亮點🥥 淡淡既椰子味好自然好滋補⭐️ 薺菜馬蹄鮮肉餃拼香菇鮮肉餃 🍄特別鍾意馬蹄嘅清甜感中和左肉味🥕另外香菇餃嘅香氣同豬肉好平衡呢🥩⭐️ 涼拌皮蛋 🥚非常值得一試因為皮蛋本身質素好高自帶流心🤤 輕輕用涼拌點綴已經帶獨有嘅蛋香🌶️⭐️ 香煎豆腐 🤍豆腐新鮮又嫩滑煎到火候啱啱好🔥⭐️ 菊花蜜 🌼⭐️ 清熱潤喉羅漢果甘草茶 🍀飲品質素都唔錯清熱得嚟唔會太甜💚 非常推薦羅漢果茶食到羅漢果嘅甘甜😜

推介椰子鮮雞豬骨濃湯一直都好想試邪惡金沙煎餃但次次都忍唔住想飲湯今次同堂家姐食完Lunch未係好飽經過推薦佢試👍🏻叫左雙拼 +$2薺菜馬蹄鮮肉餃拼芝士粟米鮮肉餃 $55+$2薺菜馬蹄好有咬口芝士粟米芝士味好濃仲有少少拉絲超鍾意食芝士嘅我好滿足🫶🏻小食類都好抵食海蜇$22仲有好多款小食想試下次多啲人要試埋金沙煎餃🥟去左好多次都未試到煎餃需時大概二十分鐘舖頭長期好多人排隊建議用app㩒定票等位先去到唔洗等咁耐

咁啱經過餃子店鋪內較細，但吸引唔少食客喺門口排哂隊，見Menu 超過成10多款不定時推出時令創新餃子，我哋又試吓我哋叫咗個一款小食+餃子雙拼海蜇$22海蜇爽口，麻油味白🌽薺菜馬蹄鮮肉餃+芝士粟米鮮肉餃（各5隻）豬骨雞湯湯底浸住脹卜卜嘅餃子，皮薄多餡馬蹄餃清清地食到一粒粒嘅馬蹄有口感芝士粟米餃濃濃的拉絲十分有驚喜而且個湯好好飲

本身想去另一間，點知去到先發現無開。就轉左黎呢間。職員按排左我坐係收集廚餘房隔離張枱，垃圾桶打開。本身已經唔開胃。有職員不停係我隔離執人地食過既碗同包垃圾。所以我睇到個職員一路包垃圾，執客人食完既碗，一路用同一對手套上菜。覺得好不衞生。2人一共叫左4隻味麻辣白菜，東菇肉餃 （雙拼煎餃）雲耳椰菜，薺菜馬蒂 （雙拼湯餃）煎餃皮又厚又硬，唔脆，油膩。2款煎餃肉既比例好多，麻辣白菜係8:2，東菇9:1，完全食唔到東菇味。因肉比例太多又係同一隻肉，都唔似食緊2款餃。菜脯切得太碎又唔夠野味。唯一可取係肉多菜少所以足料？但我自己就著重比例要平均，什至有d味可以菜多過肉。湯餃好好多，2款湯餃肉同菜比例好些，但都係肉偏多。湯底ok但唔會想飲晒佢。小食叫左煎豆腐同蓮藕粒。豆腐唔錯整體黎講，湯餃正常發揮，煎餃完全唔得。加上衞生環境差，唔會再黎。唔明點解要排隊。

朋友介紹黎太子食呢一間長期都要排長龍嘅餃子店，星期五差唔多夜晚八點過嚟，排隊20分鐘左右，比想像中好，餐廳服務員亦都好有禮貌，雖然係熱門舖頭，但係都保持良好態度。.見到佢哋隔離有一間新鋪裝修緊，希望以後新鋪裝修完，唔需要排隊就可以食到。.佢哋嘅餃子選擇好多，不過夜少少就會好多都賣晒，想食到心儀嘅款式，都係最好早啲嚟。.全部湯餃都係配椰子海帶鮮雞豬骨濃湯，湯餃揀選咗香菇鮮肉餃拼麻辣餃，另外再叫咗個芝士粟米鮮肉餃拼拼椰菜金沙餃。仲有啲小食例如甜蜜蜜雞中翼、秘汁雞腎、香煎豆腐同上湯時菜等等。.湯餃方面，2款餃子裏面個人更加鍾意出面好少地方可以食到嘅麻辣餃，辣度恰到好處，帶辣香而不嗆喉。怕辣嘅話可以加埋$12一支嘅羅漢果甘草茶，清爽低甜，好解辣，而且$12黎講都真係好大支。.煎餃方面，金沙餃幾特別，鹹鹹香香，不過要說個人嘅Favorite，就係咬落去有拉芝🧀感覺嘅芝士粟米餃，甜甜鹹鹹，惹味。.小食推介香煎豆腐，外層香脆內裏滑溜，幾juicy。～～～豐信餃子店 (太子)太子汝州街17號地下A號舖

呢間餃子店超級多人排隊相信係因為黃店等候時間大約1小時多😳😳韭菜鮮肉餃拼香菇 7隻加粗麵 $55個湯係椰子海帶鮮雞豬骨濃湯 每一隻餃子都好多肉！椰菜鮮肉餃7隻轉即煎餃 $41需時大約15分鐘 餃子好大隻 餃子皮比較厚身 食幾隻已經好飽～招牌秘汁拼盤 $47個人最推薦是這個拼盤 因為滷水汁十分入味 有雞翼滷水蛋雞腎同埋牛展～ 香煎豆腐 $19總共三件整體都仲係好滑 配埋啲蔥花要一齊食會更加香上湯時菜 $16是日係菜心大大條！青檸蜜 $12清熱潤喉羅漢果甘草 $12兩款飲品都好解渴同埋健康！ 豐信餃子店 (太子)太子汝州街17號地下A號舖

呢間位於太子嘅餃子店好出名 出名大隻足料 平日六點倒去都大排長龍 見到擴建中 而家仲係店仔細細 唔想等嘅話真係要試試非食飯時間過去😂😂好彩大家都快食快走都唔算等好耐🍲🥟湯餃-椰子海帶鮮雞豬骨濃湯芫茜鮮肉餃($45/7隻)南瓜粟米鮮肉餃($42/7隻)一人一碗湯餃 因為個椰子雞湯好吸引 但叫完有啲眼闊肚窄 因為啲餃子超大隻 一隻等於平時兩隻 而且啲料塞得好充實 勁飽肚 休息左幾次先食得曬😂😂🥟煎餃(+$17轉邪惡金沙餃)芝士粟米鮮肉餃椰菜鮮肉餃($57/10隻）如果食多啲款 可以叫10隻雙併餃 金沙係必叫 啲咸蛋味令到餃子好惹味 餃子皮都好脆 不過因為金沙本身都濃味 同本身淡味啲嘅椰菜餃比較夾 同芝士撞埋就岩重口味嘅朋友喇🤤🤤🥘香煎豆腐($19/3件)煎得好脆 再有淡淡椒鹽味 外脆內軟 係好惹味嘅小食🤓🍹菊花蜜 ($12)羅漢果甘草茶($12)兩樽都幾大支 而且飲得出係自家製 原汁原味 食煎餃下火就岩曬🤭🤭

平日放工嚟到太子附近已經見到小店湧現人龍，不過今次冒名而嚟就等下。小店地方淺窄，大家都迅速食完，翻枱都算快嘅。餃子有分煎餃同湯餃。椰子湯底熬制4小時，鮮甜。🥟芫茜鮮肉餃 餃子皮身厚薄適中，芫茜香濃惹味。🥟芝士粟米鮮肉餃 + 邪惡金沙餃 芝士趁熱食會帶拉絲效果，煎餃表層鋪滿鹹蛋黃碎，鹹香味濃。麻辣白菜鮮肉餃 混合着花椒嘅麻味同辣椒嘅香辣。秘汁雞腎份量唔少。涼拌雲耳份量多到差唔多倒瀉，雲耳爽口，帶微微麻辣。 甜蜜蜜雞中翼雞肉夠嫩滑酸薑流心皮蛋皮蛋黃半凝固，幾滑溜,蛋身Q彈爽滑。香煎豆腐煎得啱啱好。

啲肉熟咗都好似生肉咁，勁恐怖嚇到我第一次食評就係呢到寫啲肉咁嘅色似落咗好多加工嘢，啲味都好奇怪我仲以為自己煮十分鐘都唔熟仲特登拆一嚿餡出嚟再煎睇下咩料😅，點知都係一樣色見到有人留言職員話係醃到咁嘅色，真係想請教下落啲咩調味可以醃到咁雖然隻餃好大隻，但就係太大隻完全係加重咗我難受嘅負擔😅個湯又係勁重添加劑味精味個啲評價話好食個啲係咪打手仲要勁多好評？？？落超市是但買一包都好食過呢間，起碼唔係奇怪肉先😅

༺ 豐信餃子店༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 豐信餃子店𖠚ᐝ 秘汁滷蛋($18)𖠚ᐝ 紫甘藍粟米鮮肉餃拼南瓜粟米鮮肉餃($44)⚑ 太子汝州街17號地下A號舖☽‎⋆.•* ¨¨¨¨¨¨¨¨¨食後感¨¨¨¨¨¨¨¨¨*•.⋆☽‎➳ 紫甘藍粟米鮮肉餃拼南瓜粟米鮮肉餃($44)湯底是椰子海帶鮮雞豬骨濃湯，單飲已經好清甜～餃子大大隻好足料，皮滑餡料好多！紫甘藍粟米鮮肉餃好特別，口感爽口🥰南瓜粟米鮮肉餃南瓜好綿密，兩款餃子仲有粟米，令味道好甜😚➳ 秘汁滷蛋($18)一共有兩隻，而且好入味😚☽‎⋆.•*¨¨¨¨¨¨¨¨¨餐廳資訊¨¨¨¨¨¨¨¨¨*•.⋆☽餐廳座位唔多，平日夜晚去都要排隊！不過好似即將擴建，相信遲啲會有更多座位😆

韭菜餃、粟米餃同芹菜餃，呢三款餃子都係街坊鍾意嘅選擇，每款都有佢獨特嘅風味同口感。韭菜餃嘅餡料由新鮮韭菜同肉絲混合，韭菜嘅清香同肉絲嘅鮮美完美結合，食落去既香又唔膩，而且韭菜嘅特有香味能夠令人食慾大增。經典嘅組合，令人每次食都感到特別滿足。粟米餃則加入咗甜甜嘅粟米粒，同傳統嘅餃子餡料一齊包裹，煮熟後嘅粟米粒甜美多汁，同肉餡嘅搭配令整個餃子食落去又甜又香，好適合鍾意嘗試新口味嘅朋友。芹菜餃嘅餡料用咗大量嘅新鮮芹菜同肉絲混合，芹菜嘅清新口感同肉絲嘅鮮嫩相互輝映，令每一個餃子都充滿咗脆爽同鮮美。芹菜嘅特有香氣亦能提升整體嘅風味，係愛好健康飲食嘅朋友嘅好選擇。無論係韭菜餃、粟米餃定芹菜餃，每款餃子都係用心準備，保證新鮮同美味。搭配一碗熱騰騰嘅湯或者少少醋同辣椒油，無論係做早餐、午餐定係晚餐，都係滿足同愉悅嘅選擇。

豐信長期都勁多人排隊，今次平日晏晝都排左半個鐘先有位，但都值得嘅（當然有得再快啲就更好，應該開咗新店會好啲）椰菜鮮肉拼香菇鮮肉金沙餃：💖💖💖💖.5啲餡食得出有事先調味，即使加左金沙，連埋外面嘅咸蛋黃都唔會過咸。外皮酥脆，煎餃就一定油啲，但對比另外兩間出名嘅餃子店嚟講，已經冇咁油；椰菜鮮肉因為有菜嘅關係冇咁膩，兩款都多餡又多汁，每粒都好大舊。麻辣白菜鮮肉拼芝士粟米鮮肉煎餃：💖💖💖💖麻辣白菜鮮肉微辣唔係好辣，而且係川式嘅麻辣，我諗嗌譚仔10小可能都可以一試。芝士粟米豬肉煎餃嘅芝士味超濃，唔係噱頭，應該有一半都係芝士，加左粟米係入面有好啲（可以加多少少😋），不過都可以同人share，唔係就會易膩，雙拼同嗌7隻都係嗰好選擇。柑桔同青檸蜜：💖💖💖💖柑桔係咸柑桔，咸咸甜甜加上係冰凍嘅，都幾解膩；青檸蜜有少少微酸嘅味道，好解渴。呢兩款飲品都好適合同煎餃一齊食，如果唔想飲汽水都可以一試。招牌秘汁拼盤：💖💖💖💖有滷水雞翼、蛋、牛腱同雞腎，雞翼好滑，全部都唔會話浸到好咸，如果想食濃果啲就點多啲滷水汁，不過我食得唔重口味，覺得原本都夠晒。建議兩個人想食多幾款一定要嗌雙拼同七粒，就會啱啱好！

餃子肉質很硬 衛生不佳 上一手食完店員只是用手把廚餘潑在地上餐具用到蝕晒都冇換 很殘舊的樣子環境擠迫 搭枱同對面你眼望我眼價錢不貴 餃子5x 飲品1x 但不算好吃 不值得排隊一試

外賣咗椰菜湯餃子7隻！！點知入面嘅肉係生嘅!!!!!!!!!!!!!!!!!!!!!!!!未熟囉！！！！口感1pat野!!! 椰菜又冇乜..味又唔同左！！！超級勁難食……….！食左啖….就作嘔..仲要搞到肚屙！！🥲🥲🥲🥲🥲整開埋其他既黎睇都係一樣…..打電話返去又冇人聽……….非常失望！以前食過好多次都唔係咁樣….唔知道係廚房有變動定點…..成個餡同菜脯完全唔係以個樣野…如無意外不會再幫襯。