Video
6-min walk from Exit B1, Exhibition Centre Station
continue reading
Telephone
28772680
Introduction
This brand was founded many years ago. It specializes in Italian dishes, such as pasta and seafood items. This branch features dark brown colour and elegant style. You can enjoy meals in a relaxing and friendly atmosphere at reasonable prices.
continue reading
Opening Hours
Today
11:30 - 23:00
Mon - Sun
11:30 - 23:00
Above information is for reference only. Please check details with the restaurant.
About Reward Scheme
今年五六月左右入去食，個日係為咗睇鴨仔嚟到灣仔，睇完之後落好大雨，所以都費時去太遠地方食，近近地就去咗鷹君中心，見到有間西餐廳就入去食. 一入到去，點完野食，等咗成九個字都仲未有野食…..個陣都二點幾，好啦，到野食嚟到之後，先係惡夢既開始，個pizza完全係凍，仲要連切都無切過 . 到咗呢刻，已經無哂胃口，於是就要求打包拎走，佢夠膽死拎個膠餐盒出嚟比我裝….豈有此理！ 一來完全唔岩size,二嚟真係好寒酸，Pizza Hut都唔僧比呢d盒你裝pizza啦，簡直離哂大譜.
continue reading
今朝冇時間食早餐，同事又狗約，所以單腳去搵食，行到來鷹君中心，見有間西餐廳，就入去坐低！我就點個午餐，餐湯、主食係魚柳、餐飲要黑咖啡！餐湯有麵包，麵包可以用黑醋同olive oil點。坐咗一陣，隔離枱兩位女士就要求轉枱，因為有滴水！又再坐一陣，我就見到我張枱都有兩大滴水，跟住侍應就拎咗餐湯、麵包來，餐湯就放係我個位對面，跟住又好快又來埋咖啡😂😂，餐都未食，咖啡又來埋🤣🤣！都算，頭先坐兩個女士張枱，來咗個男人坐，佢個set竟然來齊，我都未有得食！冇耐個侍應先來問我個主食到未😡😡，我話如果未煮，我想轉pastas,跟住主食終於到！好啦，正題，食評如下：餐湯： 蘑菇湯，正常水平，冇特別麵包： 唔似意大利，olive oil 黑醋都係一般主食， 餐牌冇寫咩魚，來到先知係龍脷、我自己都冇問咖啡： 因為太快來，所以變凍啡🤣🤣，black coffee 算唔錯，唔點酸，味濃服務係上面講晒，環境都有講啦！
continue reading
第一次來呢間餐廳食嘢，職員落錯單要我哋硬食，報警處理，永世唔會再來。落order嘅時候，首先手上揸住個set Menu揀咗嘢食之後，換咗一張散叫嘅Menu加多左個Pizza，最後買單嘅時候啲職員話我哋係散叫，張單多咗差唔多$200，同個職員了解情況嘅時候，職員態度極差，之後經理甚至出嚟鬧我哋：👨🏼（eng): 你哋識嘅前菜份量大咗，你哋一定知道，你哋肯定來過！ （勁大聲鬧我哋）我： 第一次嚟呢間餐廳又點知道你啲份量係大咗？同埋我好明確係叫咗一個set，之後先加一個Pizza！👨🏼：我啲員工一定唔會出錯，你睇都睇到你隔籬枱個前菜冇咁大，你點會睇唔到！同埋你睇到我啲員工攞住啲上菜俾人，有乜可能睇唔到！我： 首先我隔籬枱食緊意粉，另外一邊枱食完，再遠啲食緊主菜，完全睇唔到，同埋我係第一次來，仲要係你呢間餐廳最後嘅客人，點會知道你哋嘅份量！👨🏼：你哋個個都話第一次嚟㗎！你個Pizza呢？去咗邊呀！我： 食咗囉，啲嘢都食晒，你哋收走咗，唔使講咁多報警！同埋我要睇CCTV👨🏼：我當然會報警，CCTV老細喺度我自然會睇！我：點解唔而家睇？唔係我俾咩錢？👨🏼：比呢張囉！ （張錯單）全程爆鬧我哋，後來警察嚟到了解咗事情，10分鐘左右，個鬼佬經理笑口細細咁入嚟道歉，話咩 I never knew, 落單個員工係part-time，幫我哋解決返個價錢同上返個甜品🙄其實真心呢間嘢啲嘢食真係唔差，但啲員工真係差到落地獄，一開始上湯唔俾匙羹，等咗一輪，牛扒又唔俾刀，叫杯水叫咗四次都冇，呢啲小事都算。 仲喺度睇其他人評價話咩會計錯錢，喺度笑咗一笑。點知發生係我哋身上，仲要坐到離晒大譜！仲有，我哋叫嗰個牛扒係龍蝦+牛扒，來到得隻蝦仔，要我哋問先話龍蝦賣晒。講返張單，首先有乜理由以散叫嘅方式跟住個set Menu嚟叫？即係去McDonald‘s叫餐，薯條，漢堡包，嘢飲，全部分開落單有冇可能？其次龍蝦牛扒呢個組合只有set Menu先有，如果散叫只有牛扒，但係佢哋比我嘅係龍蝦牛扒。成件事就係唔合理，仲要俾人暴_，發生咩事？呢一世都唔會再去，去嘅人請小心啲，感謝閱讀。
continue reading
入到去叫嘢食起菜非常緩慢，每一道菜都要三催四請先有, 又話System有問題,叫我再落多次單. 叫三四次先可以要到茄汁，食到一肚氣。買單時發現佢將set dinner 沙律, 當成Al la carte 沙律甘計俾多成舊水，杯餐飲明明個set dinner包埋又收我45蚊搞咗一輪先將杯嘢當返餐飲計以後一定唔會再去！其實啲嘢食唔係差， 個意粉都幾好食。但啲侍應同老闆服務真係唔得、 非常令人失望。 以前間餐廳喺灣仔嘅時候我覺得好好嘅，搬咗之後實在太令人失望😮💨
continue reading
今晚同朋友去食飯，我問女店員邊隻飲品冇酒精，結果佢講錯咗俾我聽，嚟嘅時候杯飲品竟然有酒精。我同經理投訴，佢只係話 there is nothing I can do. 態度亦唔禮貌，整個體驗很差。
continue reading