Greyhound Café (MOKO) (Closed)

一直都想食呢間，終於食到店鋪好大間，坐得舒服，一班朋友聚餐岩晒大頭蝦雜錦海鮮配泰式辣椒醬$328好豐富又足料，有兩隻大頭蝦、細蝦、蛤、魷魚、粟米，個汁非常好味，好香XO醬同辣味食到停唔到脆炸芋頭及粟米粒 $68炸物出色，炸到金黃色，唔會油膩，好香脆泰式甜酸明鱸魚 $298個湯底酸酸甜甜，越煮越入味，原條大魚，魚皮炸過，食落更香口原味千層蛋糕 $78佢地原味千層蛋糕好出名，細滑又唔會太甜新鮮雜果千層蛋糕 $78加入新鮮水果，食落更有層次

眼利嘅朋友仔見到你見千層蛋糕應該估到係邊間餐廳🥸⋯聽講佢哋嘅招牌椰子千層蛋糕好好味，諗唔到食咩就決定Try Try，大熱天時最緊要有冷氣☃️⋯坐半露天位置比較chill，有啲啲泰國夜市嘅感覺呢~另外記錄一下嗰排好做作扮文青，一邊食一邊睇係圖書館借嘅書。To be honest…已經放棄咗呢個想養成嘅新習慣😂————————————————👅和牛咖哩金麵（$168）👍🏻個咖喱湯底真係好香辣好濃郁，明知好肥都忍唔住飲多幾啖，蛋麵同頂頭嘅炸脆麵索晒湯汁，和牛粒份量都唔少，諗返都回味緊😋👅黃咖哩海鮮炒河（$138）👍🏻雖然賣相冇其他班靚仔，但係味道都唔錯，黃咖喱香氣十足，油潤有鑊氣，特別係河粉煙煙韌韌。I like it🫦👅招牌脆炸單骨雞翼（$78）👉🏻炸炸粉嘅單骨雞翼，同樣有泰式香料味，食起來感覺普普通通🆗，好似未稱得上係招牌喎👅招牌椰子千層蛋糕（$78/Slide）👍🏻唔似傳統嘅千層蛋糕要有16至17層餅皮，呢件只有10片皮皮，層層相隔係厚厚嘅Cream同埋泰國鮮椰子肉🥥，所以口感會特別有層次，咬到爽口嘅椰子肉，幾有特色👅Coconut Shake（$68）👉🏻就係為人熟悉嘅椰汁沙冰🍸，感覺

落錯單sorry都冇句。仲唔滿意個客要換。換完出嚟細份到嚇人，朋友話上星期食明明大碟啲，都唔知係咪專登。叫杯檸茶完全冇甜味，我當佢唔小心放漏左糖啦。呢個價錢有更好選擇最重要佢份量咁細，真係玩死人—————芝士蛋糕嚟，香蕉一pat pat爛爛地，好唔新鮮；芝士餅稀冧冧，唔足料，比起之前食爭好遠。呢間嘢真係每況越下，嘢食又細份又唔好味，再唔培訓吓啲員工，真係等執粒。佢係煮得好食嘅，不過人手太少啲員工可能有啲手忙腳亂

晚餐諗住清清淡淡叫個海鮮沙律，點知個沙律裡面d三文魚塊，烤帶子同d沙律汁極咸，d三文魚塊仲唔係好新鮮，臭臭地，咸味都掩蓋唔到d唔新鮮既味道，食兩舊都頂唔順，個泰式汁又苦苦澀澀，都唔知落左d咩，重要價錢貴賣158蚊

又到左一星期一次嘅開心星期五啦唔知點解食差唔多嘅野食, 午市比晚市便一大截今日就同大家睇下Greyhound嘅午市套餐有啲咩<泰式炸蒜魷魚>係入正題之前先同大家推介一試難忘嘅泰式炸蒜魷魚炸魷魚份量算多, 俾香口嘅炸蒜包裹住, 沾上清新但帶辣嘅醬料, 特別又好食<海鮮冬蔭公炒螺絲粉>正餐方面, 大食妹嗌左海鮮冬蔭公炒螺絲粉做主食本身覺得份量咁少可能唔夠飽, 估唔到大蝦超大一隻, 啖啖肉之餘仲帶有膏裏面仲有帶子同唔少魷魚添冬蔭公醬汁酸酸地好開胃, 配搭螺絲粉亦唔錯<蘑菇湯>午市套餐包含是日例湯或沙律二選一, 大食妹見例湯係蘑菇湯好happy可惜蘑菇湯比較稀, 味道亦較淡<Thai Iced Coffee>餐飲就嗌左Thai Iced Coffee味道偏甜

寫住外賣自取8折，已經估到外賣餐盒唔會有特價。但原來$118 的lunch set都冇特價。返到屋企（新界）先發現俾漏兩杯泰式奶茶，打去又冇人聽。$88一盒包，$136一盒海南雞，乾啃。激死！冇下次。

星期日喺旺角搵地方食lunch 唔容易，呢間相對早開門，又坐得舒服，所以今日約咗幾個朋友過嚟食lunch。Book 咗頭11點，入去嘅時候舖頭仲未有其他客人。點左和牛咖喱麵，酸辣湯蝦麵，菠蘿海鮮飯（另外兩個已經唔記得係乜嘢）……除咗菠蘿海鮮飯之外，其他食物全部非常鹹，又或者超級重口味。例如我嘅和牛咖喱麵，啲咖喱汁非常極度濃，味道濃到一個點，就算再加一碗水都仲OK。牛肉非常之乾，賣相比較勉強，個樣同餐牌入邊嘅相都差好遠。朋友話佢嘅酸辣湯蝦麵，非常之鹹，我哋係餐廳逗留個幾鐘，佢飲咗四杯水有多。今次用膳嘅唯一positive feedback,就係職員服務都算OK。我哋離開餐廳嘅時候啱啱過咗一點，但餐廳只係坐左三成….唔知係咪同食物質素有關係。星期日旺角都坐唔滿嘅話，相信餐廳負責人應該好好諗吓點解。

平日嘅下午，餐廳唔多人，突然好想食佢嘅千層蛋糕，見到竟然有tea set，即刻試一試。平時單件$75，依家$68包野飲。兩頭望不停揮手，好耐都冇人黎落單，原來咁大個場只有兩個服務員，可能下午茶時間好多人休息緊。*椰子千層蛋糕*最欣賞嘅係蛋糕好大件，比起其他Cafe嘅袖珍size，呢件算係非常慷慨。裏面有滿滿嘅新鮮椰子肉，加上千層蛋糕嘅忌廉，非常好食而且唔會太甜。不過椰子千層蛋糕嘅忌廉比其他口味多好多，如果係原味就唔會有咁多忌廉，怕忌廉嘅可以揀其他口味。

下午茶時段，揀咗香蕉芝士蛋糕加杯凍檸茶。首先，舉手叫侍應落單，中途有另一檯舉手截停，侍應竟幫佢落單先，我已經覺得有啲燥。依度唔係茶餐廳，落單按客人舉手次序，係基本禮貌。一件芝士蛋糕，唔係要製作，我已經等咗20分鐘先舉手問一問，點知個侍應連行過嚟都懶得，企喺好遠好遠咁要我用口型同佢講有乜需要。講完之後，佢知我催單，西口西面咁用口型話我知出緊。芝士蛋糕嚟，香蕉一pat pat爛爛地，好唔新鮮；芝士餅稀冧冧，唔足料，比起之前食爭好遠。呢間嘢真係每況越下，嘢食又細份又唔好味，再唔培訓吓啲員工，真係等執粒。

依間泰國菜你睇門面未必會發現到，因為喺門口已經有啲好精美嘅蛋糕放晒喺櫥窗度。加上佢嘅裝橫你未必睇得出佢係一間食泰國菜嘅舖頭。但係你又唔好俾佢嘅裝橫呃到，佢啲食物嘅質素有一定嘅水準，加上佢嘅選擇都非常之豐富。原來有好多唔同嘅cake俾你選擇。佢嘅食物除咗可以令你可以止一止泰國嘅味道，亦有好多唔同fusion菜嘅款式俾你有更多嘅選擇。飲品方面亦都會有一啲泰國特色飲品再加其他特色飲品。所有舖頭裏面都會見到有好多客人喺度嘆緊下午茶。同一個地方可以滿足到唔同嘅口味，行過不妨試一試。

於opening rice 訂坐主食有85折，但個Menu已經加晒價！食物嘅質素亦👎🏻👎🏻呢個所謂嘅蟹肉煎蛋餅$118，真係好食到不得了，蛋有蛋煎裏面乜都冇！只係得面頭嗰少少蟹肉，真係多謝晒😒咁就收你$118！越式蟹肉春卷$88食落去好似食緊一粒街市肉丸🤨一啲蟹肉味都冇！之後呢兩樣我都唔記得幾錢呀！不過每款都一定係過百，好似普通牛腩粗麵冇特別，豬頸肉正常🤷🏻‍♀️但呢個價錢呢個質素完全唔成正比，喺OpenRice訂位有八五折優惠，但埋單嘅時候佢冇計到85折，同侍應講番先至做返個優惠🤦🏻‍♀️

環境唔錯，適合三五好友high tea兼傾計。個餐擺盤好靚仔，d野食好食。尤其個牛肉，配合d醬汁真係yummy yummy。個蛋糕都唔錯，好食。份量係足夠兩個女仔食，如果情侶可能勉強d。

因為近公司, 這間店已去過數次,覺得滿意度一般, 今次再次光顧,是因為同事告知, 最近去過覺得唔錯, menu update 咗, 服務態度唔同咗, 可以再去試下😉午市套餐有多款選擇揀咗個A+B+C嘅 Lunch set $118A= 沙律/餐湯 （選一）B= 主菜C= 餐茶🥣忌廉蘑菇湯好多碎粒蘑菇在湯內湯夠滑口及有嚼口感, 但略嫌不夠熱♨️🥗凱撒沙律（是 A 的二選一之選）羅馬生菜夠新鮮脆口醬汁適中🥗牛油果蟹子沙律 （主菜）火箭菜夠新鮮, 牛油果太少及砌得好細粒, 其實唔expect主菜嘅沙律,係只有一款菜！雞肉炒金邊粉金邊粉炒得夠彈口,好惹味😋香茅肉碎炒蛋飯肉碎少少辣辣地, 味道食落開胃撈埋飯一起吃, 唔油膩最後餐茶叫咗杯🥤泰式凍奶茶

放假同fd 去moko 行下，中午食個lunch . 揀左呢間餐廳，主打新派泰菜叫左墨魚汁海鮮意粉同2件西餅 墨汁意粉幾特別，意粉好爽口，唔會多汁到‘章’住個口 。我叫左 奶茶千層蛋糕，奶茶味十分濃郁，夾層忌廉香滑，最高幾塊曲奇造型特別之餘，牛油味也十分香濃，質地薄脆👍🏻抵讚

喺放假嘅時候瞓到中午是常識吧，起身啱啱好就夠鐘食返個靚Tea 🤤見到呢間餐廳好多人都話唔錯，加上見到個下午茶塔賣相又真係有幾吸引，係唔想諗嘅情況之下就入咗去。🌝下午茶 $298 (2人份量）上層：鮮香煎牛柳粒配香蒜汁、泰式辣汁青木瓜沙律、薄切三文魚配泰式辣汁中層：是日特選千層蛋糕 (泰式奶茶千層蛋糕）、朱古力布朗尼、芒果糯米飯，椰子紅寶石下層：招牌脆炸單骨雞翼、泰式沙爹雞柳串、新鮮蔬菜沙律、脆炸粟米蟹肉餅配甜酸醬、泰式炸蝦配魚餅球、泰式炸蒜魷魚、豬柳串燒、炸越式蟹肉春卷呢個下午茶塔賣相打卡得嚟而且份量都好足夠，最後仲有少少食唔晒添😂第一層主要係冷盤同埋沙律，中層就係甜品，而下層就係串燒同埋炸物。上層同下層因為都係用上泰式的醬汁所以感受到滿滿的泰式風味，酸酸甜甜仲非常開胃🤤當中脆炸粟米蟹肉餅的獨特口感就最印象深刻。中間的蛋糕係泰茶千層蛋糕，啲cream幾滑，食得出香濃既泰茶味。椰子汁紅寶石即係椰青浸住士多啤梨，飲落有好香嘅椰子味，但越飲就越覺得甜😂😂而飲品我就揀咗泰茶，但略嫌有啲過甜