普慶餐廳
The Astor
Open Now
Now Closed
4
4
571 Reviews
Taste
Decor
Service
Hygiene
Value
|
70799
Copied to Clipboard
326
88
47
| Restaurant: | The Astor |
|---|---|
| Info: |
To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.
For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign
Video
Exit B1, Jordan MTR Station, Exit C, Yau Ma Tei MTR Station
continue reading
Telephone
27101901
68060664 (WhatsApp)
Introduction
The restaurant has seven cuisine areas, offering a variety of international dishes. All kinds of iced seafood are sourced from worldwide. The seafood is fresh and diverse. They also have instant seafood and instant meat cutting. The buffet is open for lunch and dinner.
continue reading
Opening Hours
Today
06:30 - 21:30
Mon - Sun
06:30 - 21:30
Public Holiday
06:30 - 21:30
Public Holiday Eve
06:30 - 21:30
Above information is for reference only. Please check details with the restaurant.
About
News
Mother's Day Special
2024-04-30
During the Mother's Day weekend, The Astor will be offering selection of special holiday dishes, including Stir-Fried Celery with Clams, a nutritious Pork Lung Soup, Peking Duck, Steamed Red Grouper, and Mentaiko Pasta. The dessert section also features a variety of heartwarming specialties, such as Osmanthus Cake, Steamed Egg White Custard, Strawberry Flower Tart, Japanese-style Strawberry Choux. For every two guests enjoying the dinner buffet, a complimentary Raindrop Cake with Bird's Nest will be served as a luxurious delicacy to celebrate the occasion.
During that period, the restaurant will help you capture these precious and unforgettable moments with instant cameras!
*Subject to 10% service charge
*Food items will be adjusted according to seasonal availability
More
About Reward Scheme
RELATED ARTICLES
今晚食員工晚宴自助餐。公司選址去香港逸東酒店地舖個間普慶餐廳。我個人第一次去呢間食自助餐。重要係地庫。一入到去，好似去咗泰國或馬來亞夜巿。因為燈光主色調為橙紅及黃。有種蘭桂坊酒吧街感覺。星期一至四晚餐，成人$658，小童長者$478。依家好多自助餐廳，只要出示樂悠咭，就可以享用長者優惠。單單看個Buffet Line，美食檔放置在不同區域餐桌。即不是單一條 Buffet Line。而是放置成 Food Court。依地理環境，個人認為前身係美食廣場。美食區有分酒吧、海鮮、中式、西式、泰式、印式、港式、日式、素食及甜品。我個人食自助餐，都要遵守三大原則：不要拿過多美食，浪費食物。每次拿一個國藉美食。食出該國美食原味。食自助餐前不要進食，以免自己吃不下自助餐美食。飲品方面，我個人係酒吧區點咗楊枝甘露。有芒果味帶點蘋果味。第一碟冷盤。我個人揀咗手撕雞、泰式無骨鳳爪及腐竹海帶。手撕雞肉質香滑。無骨鳳爪及腐竹海帶入口清新。夏天第一道菜係凍食有開胃感覺。第二碟全海鮮。我個人因為腸胃好敏感，不宜食生蠔。但餐廳無熟蠔。只好同師父講不要生蠔。全盤海鮮用冰鎮上。食落好清涼。鮮蝦肉質肥美。長腳蟹肉帶甜。全部海鮮屬上等食材。第三道係靚湯上場。杏汁豬肺湯加蕃茄湯。豬肺湯清甜帶好重杏仁味。飲落好暖身。蕃茄湯個湯底太厚、太濃。麻麻地好飲。第四碟係日式熟食。我個人揀咗天婦羅、烤東菇、串燒雞翼、炸蝦餅。天婦羅即炸即食。全部炸物金黃色。單睇賣相滿份。烤東菇好鮮甜。串燒雞翼及炸蝦餅肉質美味。第五碟中式。個美食檔係遼東燒味。燒味檔有油雞、燒肉、東星班、炸魷魚球。燒肉全部混入醬汁。食落滋味無窮。東星班肉質美味。炸魷魚球入口香脆。個個同事都讚個燒味檔最好。第六碟龍蝦。我只點咗半隻。好大隻。龍蝦肉好彈牙。肉質鮮嫩。但個人唔建議食一隻，因為好易飽肚。第七碟係水蟹粥。個人加入炸油條及花生。混入澳門街最有名既水蟹粥。有蟹肉味又有花生油條味道。多重美味。第八碟係東南亞美食。我個人點咗印度薄餅加泰式炸魚餅。兩者都係帶有異國風情味。第九碟係雪糕。我自取pancake，再要求師父抽奬式替我加兩款雪糕球。自已再DIY。熱食pancake 混加凍食雪糕。又要親熱食又要親凍食。一凍一熱，口感好特別。朱古力及士多啤梨味雪糕都好好味。第十碟係甜品。我揀咗水果、果凍及蛋糕。水果好新鮮。果凍及蛋糕好精緻。睇得出個廚師功力好深。
continue reading
平日晚餐利用快閃的買二送二優惠，平均每人$390。這個價錢食自助餐真係大癲，亦間接反映今時今日香港中高檔食肆開始做唔掂。自助餐要有嘅嘢都有，未能盡錄。由於我唔鍾意食生蠔及凍海鮮，、刺身，因而未能評價。中菜有樓下逸東軒加持，絕對不用擔心。今日係杏汁豬肺湯，顏色奶白，豬肺一舊舊任食。比起逸東軒稍稀但仍足夠香濃。燒味、海南雞一流，其他中菜包括蒜蓉粉絲蒸蟶子、生炒骨等亦都出色。限量片皮鴨一般，開邊蒸龍蝦亦限量供應，肉質較韌不太新鮮。黃金蟹粥極鮮美，不妨一吃。西餐的燒春雞、燒豬腩肉都出色。牛肉鮮甜稍韌。意大利雪吞、海鮮酥盒、南瓜忌廉湯等都水準以上。日式有各種天婦羅和串燒，味道中上。還有越式豬頸肉、印度咖喱、巴東牛肉等。甜品有即叫即整的雞蛋仔、十款口味的haagendazs及其他糕點。淨係食雪糕都值啦。迷你心太軟有驚喜。飲品方面，楊枝甘露很出色。服務方面，換碟速度十分快，每次去攞嘢食返嚟都已經被執好。總括嚟講，我願意俾六七百蚊食依餐，400蚊唔夠絕對物超所值，但原價就唔太值得。唔知唔喺快閃優惠嘅時間品質肉容有冇分別喇。
continue reading
唔知大家有無食過逸東酒店既自助餐經過幾年 依加變左 新穎又有香港情懷風格既自助餐 -裝修 好工業風 好有心思 加入左60年代 大排檔 同冰室既混合體 打卡影相都好靚-會場好大 野食款式都幾多 基本 生蠔 長腳蟹 大蝦 凍盤都有 好少可會見到自助餐有海南雞飯 好搞笑-每人會附送一杯野飲 茶餐廳野飲都有😂 而且係鐵飲管 好環保🙏🏻 整體不錯 $548+1 一至四 抵d
continue reading
普慶餐廳在週末和公眾假期都有提供下午茶自助餐 (Tea Buffet), 用餐時間為15:15 - 17:15, 兩小時。適逢復活節, Tea buffet的主題於3月23日從芝士主題轉為「肉罷不能南美洲」, 主打無限量供應巴西烤肉、南美洲國家特色美食及甜點。肉類包括牛肉、春雞、豬肉、香腸等輪流供應。小編一早在KLOOK預訂了3月29日的Tea buffet, 預先付款 $298/位免加一。小編也有預先做好功課, 知道tea buffet的海鮮選擇頗為有限, 只有海蝦和青口, 一早已經做好期望管理。Tea Buffet的餐點區域比正餐時段少, 冷盤海鮮區、日式刺身區、飲品區都沒有開放, 而本身在正餐時段供應燒味的區域則變成了飲品區, 變相連燒味也沒有提供。原本冷盤海鮮區會一拼提供Cold cut和沙律, 現在沙律區搬了去熱盤區, 變相熱盤的選擇更加少。$298/位來說, 食物的選擇確實是偏少, 不建議海鮮愛好者來吃Tea Buffet, 絕對會令人失望。至於主題食物方面, 巴西烤肉的確包括牛肉、春雞、豬肉、香腸, 但是春雞undercooked, 裡面的雞肉還是粉紅色的, 烹調時間明顯不足。小編拿的牛肉剛好是大概5成熟的部分, 本身牛肉像是沒什麼調味過, 要依靠一旁的調味料才有味道。龍蝦海鮮飯表現正常, 只是吃不到龍蝦, 和沒什麼飯焦。其他食物, 例如nachos、蕃茄螺絲粉、泰式炸豬扒都不過不失。甜點方面, 除了小蛋糕、生果、M字開頭的雪糕以前, 還有炸油條 (Churros), 一旁還有Nutella和garnish讓客人自己裝飾, 算是比較特別的一環。總括而言, 如果衝著「肉罷不能南美洲」或者海鮮而來的朋友大可不必, 但如果想找一個地方輕鬆閒聊兩小時、吃點東西的話普慶餐廳Tea Buffet確實不錯。值得一提的是侍應服務勤快、主動收盤子、非常有禮貌。
continue reading
成日都聽人講介紹呢間buffet好好食，一直都想去試，今次見到OpenRice有個預購優惠， 1500幾蚊四位，買二送二，好抵喎每人都唔使$400 ，於是就嚟試吓啦，喺OpenRice訂座，只要你想揀嘅時間訂到位就即係有位，唔知點解唔係好多人買，好容易就book到想去嗰一晚，喺OpenRice俾咗錢之後，到時直接去就得，食1830-2130。佢之前酒店已經會喺WhatsApp度send個訊息俾你提醒你去，仲問你使唔使加錢買定生日甜品， $68有拿破崙蛋糕$88有個蛋糕上面有壽桃造型，都幾靚，不過我就冇加，不過我都有喺酒店個Remark度寫咗喺生日慶祝，到最後酒店都有送咗一個小小嘅生日甜品俾我哋，呢個就估唔到嘅。講講有咩食先啦，海鮮有美國生蠔、青口、翡翠螺、蟹腳、小龍蝦，唔使攞碟，職員會直接放喺個冰桶度俾你，你話要咩，佢就會放落個冰桶度俾你，生蠔都係每人只限取兩隻，都係會放落個冰桶度俾你。美國生蠔，講真都幾腥，就算我之後已經擠咗好多檸檬汁，都係好腥，同埋明明見到個職員已經洗得好乾淨，前前後後洗晒，但係都仲有好多蠔殼碎喺入面。唔知係佢本身雪得耐，定係用個冰桶裝俾我哋嘅問題，啲海鮮普遍都雪到冇晒味，青口冇乜味，大頭蝦膏甚至腥，蝦就反而OK，而蟹腳算係最好食，唔係剩係得鹹味，有少少蟹腳嘅鮮甜，蟹腳算係可以encore，但係我哋都只係食咗呢幾隻。刺身有三文魚、油甘魚、吞拿魚、赤蝦、八爪魚，講真冇帶子真係有啲遜色，刺身都係全部放喺冰桶度俾你。刺身方面，普遍都係冇乜味，雖然見到啲刺身切得好厚，而且三文魚算係幾肥，望落唔錯，三文魚算係比較好，其他全部都係雪到冇晒味，都係唔知係咪因為個冰桶影響啦，全部都冇乜味，而赤蝦就還好啦，都預咗係有少少腥。除咗刺身仲有啲迷你壽司，仲有迷你嘅魚生飯，都幾多選擇，另外仲有好多日式硽漬物。個自助餐主題叫得龍蝦生蠔蟹腳自助餐，龍蝦當然係另一主角啦， 6:30開始食，龍蝦係要七點先開始供應，仲要原來係7:00 7:30 8:00 8:30 ，呢四輪會出一次， 7:00攞晒，要等7:30佢再蒸好先至再有，每一輪開始之前5分鐘，就已經會有人排隊，每次大概係出兩三籠左右啦，總有人係攞唔到，而我自己就四輪都有食到。佢有兩隻味，一隻蒜蓉粉絲蒸龍蝦，一隻芝士焗龍蝦，會輪流供應，所以全晚係食咗每樣兩隻，但係其實講真未必每個人都可以食到，而且可能每個人只可以食到一隻，都係要睇你有冇出去排定隊，感覺龍蝦供應有啲少，而蒜蓉粉絲係好食過芝士焗。龍蝦好多膏好多米，幾大隻。飲品方面都唔係自己斟，係有一個叫做水吧嘅counter，行過去話你想飲咩，佢就會沖俾你，有普通嘅檸茶檸水奶茶，亦都有一堆茶包俾你揀，例如茉莉茶、綠茶、洋甘菊嗰啲，亦都有楊枝甘露、西柚汁、橙汁，店員會即刻斟俾你，每人每次攞一杯。楊枝甘露算係比較唔錯，就係白色起晒泡呢杯，幾creamy同埋幾香椰味。刺身隔離就係一個日本爐端燒counter，有燒牛肉燒秋葵燒雞翼，另外有炸番薯炸蠔炸牛肉薯餅炸芋頭，另外有鰹魚湯烏冬自己舀，配料有鳴門卷，有昆布等等。鰹魚湯唔係好濃鰹魚味，反而好勁芝麻油味，個人覺得一般，而個烏冬都好淋。最好食係燒雞翼，好脆東南亞counter，有燒豬頸肉、金邊粉、燒牛仔骨、燒烏頭魚，另一邊有紙包魚、牛腩、海鮮意大利飯、意大利雲吞，另外仲有素食區，有啲炒栗子、燒南瓜等等。豬頸肉有少少鞋，牛仔骨同埋魚都幾好食，另外紙包魚都好食。自助餐必備嘅即切牛扒counter，有即切嘅牛扒、燒春雞、脆炸豬腩卷，脆炸豬腩卷算係幾新鮮啊，平時都好似冇見過有，不過個皮有少少韌，豬腩卷偏肥。牛扒少少韌，春雞可能因為係食雞髀所以還好，另外仲有薯條可以自己夾，反而覺得薯條係最好食，另外側邊有好多調味料，可以自己揀，呢個調味料幾好，有喜馬拉雅海鹽、日本竹炭鹽、韓國海鹽，仲有好多其他醬去點啲肉，例如番茄他他、芥末醬。甜品方面都幾多選擇，有即煎pancake、有雞蛋仔、有迷你小葡撻、蘋果雪耳糖水、好多小小杯仔嘅蛋糕，雪糕有大概10個味道，movenpick，有好多切餅蛋糕，仲有2045先會出現嘅心太軟。食到八點幾，職員無啦啦每枱就會放低兩個火焰雪山，唔係每人一份，因為我哋四個人都只係得兩份，佢喺一個位度燒完，就攞過嚟，係冇睇住佢燒嘅，燒完之後有好多酒精喺個碟底，好苦，但係入面都還好，就係一舊朱古力雪糕，最下面有少少朱古力海綿蛋糕底，出面白色嗰啲有啲苦，但係如果連埋個雪糕一齊食就還好。之後店員突然送上一個生日慶祝嘅迷你小朱古力蛋糕，呢個係估唔到嘅，原來會有得送，都唔錯幾好食。總結覺得食物款式都算多，但係主打嘅海鮮同刺身都係一般，熟悉同甜品反而仲好食，另外龍蝦供應得太少，唔能夠每個人都食到，呢個就有少少差，務態度都唔錯，如果優惠每人$400左右食一食都OK，但係原價就好似有啲唔值。
continue reading