Video
2-min walk from Exit D4, Causeway Bay MTR Station
continue reading
Telephone
23662108
Opening Hours
Today
12:00 - 23:30
Mon - Sun
12:00 - 23:30
Above information is for reference only. Please check details with the restaurant.
About
今日禮拜五又約咗同事Happy Friday lunch去食燒肉, 去返公司附近嘅燒肉one, 之前都食過幾次,不過同事未食過,就介紹佢黎食吓上次就冇晒A4和牛三角肉套餐，今次終於有啦, 叫左日本A4和牛三角肉套餐同埋朋友叫宮崎A4和牛牛肩胛套餐套餐就包咗珍珠飯、麵豉湯/沙律/枝豆、甜品，套餐再加牛肉仲有半價幾抵，所以我哋都各加左一碟宮崎A4和牛牛肩胛套餐和牛入口即溶，表面充滿油花，啲油滴落去即刻搶火，但係油得黎又唔係好肥，好正，一燒佢就捲埋左一齊，揀咗個紫菜溫泉蛋飯，撈埋個蛋漿落啲飯度，充滿蛋香味餐廳有好多調味料可以揀，配搭返唔同嘅燒肉日本A4和牛三角肉套餐和牛三角肉相對就冇咁肥，大塊少少，相對冇咁多油花，牛肉非常嫩滑，好好味，味道濃郁跟餐有汽水食完主食，最後就有個甜品，我揀咗泡芙，朋友揀咗雪糕這家燒肉餐廳的環境尚算舒適，唔會太迫，座位都闊落，可以同同事吹吓水食完滿足嘅呢餐，充滿能量繼續返工
continue reading
燒肉ONE係一間日式燒肉速食店，呢到主打快靚正嘅一人燒肉，用親民嘅價錢就可以食到靚牛肉啦，仲全日免收加一添！呢到最特別嘅就係有成15種唔同點牛肉嘅醬汁可以任君選擇～牛魔王燒肉套餐💰HK$240呢個牛魔王套餐可以一次過試哂4種唔同嘅牛肉，有澳洲M8和牛胸腹、美國牛小排、美國牛頸脊、美國牛板腱，跟餐仲加咗南美洲牛舌(+$19)，套餐本身仲包咗麵豉湯 、紫菜溫泉蛋飯(+$18)、雪糕、日本罐裝蘋果汁(+$15)！如果鍾意食冇咁多油脂嘅牛肉，叫呢個套餐就啱晒啦！呢四種牛肉都牛味濃郁，而且肥瘦均勻！追加嘅牛舌薄切得來亦好有咬口～日本宮崎A4和牛牛肩胛套餐💰HK$300日本宮崎A4和牛牛肩胛(100g)，紫菜溫泉蛋飯(+$18)，沙律，雪糕，追加日本A4和牛三角肉(+$54)！A4和牛牛肩胛油花滿佈超肥美，一食落去啲油脂爆曬出來，入口即溶肉質軟嫩，令人食過返尋味！A4和牛三角肉就肉質感重啲，油脂冇A4和牛牛肩胛咁多～美國牛頸脊💰HK$58肉質鮮嫩，牛味香濃～紫菜溫泉蛋飯超正，勁多紫菜碎再加埋流心嘅溫泉蛋同啲飯撈埋一齊，配燒肉真係一流～雪糕係CoCoBerry嘅沖繩鹽味雪糕，咸咸地嘅雲呢拿味，幾特別～總括來講，呢到座位濶落好座，抽油煙系統幾好，食完唔會成身都好大浸油煙味，重點係用良心價格就食到咁多靚牛，真係大滿足～
continue reading
呢間餐廳就位於世貿中心對面 都好易認平日晚餐唔使等位直入佢啲套餐全日都供應，抵食，又唔使收+1🔥不過整體來講呢味道同質素都唔算太好.🔥D餐 美國牛小排＋美國牛板腱套餐 200g $158美國牛小排＋美國牛板腱 (200g)配日本新潟A+珍珠米飯，麵豉湯,CocoBerry雪糕米飯仲可以揀唔同嘅份量 價錢一樣🤭特別推介牛小排 油脂尚算豐富.🔥I餐 牛魔王燒肉套餐$188澳洲M8和牛牛胸腹＋美國牛小排+美國牛頸脊＋美國牛板腱 200g.配上日本新潟A＋珍珠米飯 ，麵豉湯，日本泡芙M8和牛不過不失吧 覺得有少少物非所值都係鍾意食牛小排 牛板腱多啲 感覺上性價比更高😂.另外仲叫左 🔥魷魚鬚天婦羅(50g) $28.0🔥日本甲羅燒额 $48燒鰻魚串(2串）$58.燒鰻魚好好食 😋夠晒肥美，不過要記得自己控制火候🤣🤣 仲可以自己配埋啲醬汁甲羅燒用嚟撈飯真係好正😋另外，佢嘅炸物魷魚鬚天婦羅都好食😋😋.另外要一讚嘅係餐廳有超過20種醬汁俾你自己選擇真係花多眼亂 又排你揀😂😂不過整體來講 而家咁多間一人燒肉店呢間真係比較遜色其他餐廳嘅質素明顯比較好希望佢會改善一下
continue reading
今日行過銅鑼灣見到街頭有人派傳單，抱住一個去試吓嘅心態，揸住張傳單入去，問個侍應侍應就話「呢張用唔到呢張用唔到」欠佢債咁款，即刻感覺好唔舒服，啱啱坐低隔離座有個姐姐食緊，佢都話態度非常之差，頭先對我仲差！侍應的態度非常之惡劣，個個十問九唔應，黑口黑面，就算因為下午茶價錢較平，態度也不應該這樣差，環境亦非常之嘈雜，音樂好大聲好嘈，聽個電話都要行出門口，唔明白這間燒肉的態度會咁差麵豉湯味道很怪，牛肉質素惡劣，雪藏味很濃，仲未解凍一嚿嚿就拎出嚟，黐住晒夾唔到落去燒，啲飯係硬到食唔到，我諗啲長者會更加難食到，食過的燒肉店最差的一間，以後絕不會再幫襯，亦衷心唔推薦！
continue reading
燒肉ONE係日式一人主題燒肉店，有全日燒肉套餐，有多款肉類選擇，美國牛肉、西班牙五花肉、亞洲豬頸肉、日本雞肉，可以單點或多款肉拼盤組合，總有一款啱你。每個座位都有一人烤爐，非常方便，調味架更加有多款調味料，燒肉汁、黑椒汁、蒜蓉汁、和牛汁，你講得出嘅調味料都有🤫餐廳貼心到準備咗醬料嘅簡介，客人一定可以揀到啱自己嘅味道。肉類選擇太多，每樣都想試嘅我最後揀咗肉拼盤組合🙋🏻♀️組合入邊有牛胸腹、美國牛板腱、南美牛舌、美國牛小排。除咗主食，套餐仲包咗前菜同飲品，性價比好高！和牛油脂分佈平均，牛肉質量好好，咬落去好嫩滑，而且燒得岩岩好，入口即溶，保留咗牛肉嘅鮮味😋🐮牛舌切得好薄，燒得好入味。🐮牛小排有驚喜，肉質鮮嫩多汁。🍙紫菜飯份量好多，配埋啲牛肉一齊食，一定夠飽肚。🥠日本泡芙一客有三粒，好creamy，過足口癮。燒肉ONE📍銅鑼灣東角道26號怡安大廈地下1-3號舖
continue reading