Video
8-min walk from Exit B, Causeway Bay MTR Station
continue reading
Telephone
28339190
Opening Hours
Today
12:00 - 04:00
Mon - Wed
12:00 - 02:00
Thu - Sat
12:00 - 04:00
Sun
Closed
Above information is for reference only. Please check details with the restaurant.
About Reward Scheme
Recommended Dishes
City Dancer Grill & Live Music Bar📍灣仔灣仔道232號恆匯中心30樓唔知大家對儀式感有幾大追求呢？會唔會記住某啲特別日子，藉此機會慶祝一番？我同朋友經常會係放工後見面食飯，之前都分享過好多快食之選。但今晚比較特別，我同佢都有着得比平時返工正式，為嘅就係慶祝一下兩年前我哋第一次去街嘅呢一日。雖然聽落好似有啲無厘頭，但因為我哋都唔太喜歡喺大時大節同人迫、硬食貴價，所以喺呢啲非假日嘅平日，隆重地慶祝一下對我哋兩個有特別意義嘅日子，反而更加開心。我揀咗呢間位於灣仔嘅bar，一心諗住book個空中花園同佢撐下檯腳，點知天公不造美，全日都落大雨，雖然到埗時已經停雨一段時間，天台嘅地下都乾咗，但雨後天氣潮濕翳焗，所以我哋選擇坐係室內，慶幸店員安排咗我哋坐喺對正跑馬地嘅窗邊，有得睇住靚景共進晚餐。雖然同預期唔同，但當晚夜景幾靚，背景播嘅港台音樂亦係我哋耳熟能詳嘅歌，店員亦好有禮貌，情調氣氛都令人滿意。介紹食物前，想特別highlight一下當晚最享受嘅moment。其實揀呢間餐廳嘅其中一個原因，係想同朋友感受下live band music嘅用餐氣氛，不過我哋都唔太肯定係咪每一晚都會有駐場歌手表演，所以係食緊嘅過程中都有留意舞台嘅動向。食完一樣又一樣，連天台嘅夜景都睇埋，都遲遲未見有歌手樂手，我哋都打定輸數，諗緊一定係因為平日晚上嘅關係，所以無live performance。正當有少少失落時，喺店員送上甜品嘅同時，燈光被調暗、有三位音樂人上台準備，我哋即刻有返心機。後來先知道，原來晚上九點鐘開始，先會有live music聽，所以衝住音樂而嚟嘅朋友要留意啦。呢晚有齊琴手、結他手同主音，三人先輪流獨唱，然後再唱下duet同harmonies，首首歌曲都好經典，歌手樂手們仲好識搞氣氛，除咗有為場內慶生嘅客人唱生日歌，見到我哋坐埋一齊拍手打beat，主動話要唱返首情歌俾我哋聽，令我哋更加投入。我想藉此機會多謝當晚嘅表演者，各位嘅演出非常有水準，歌藝了得，而且演繹經典金曲時有加入自己嘅風格，為我哋帶來一晚精彩表演，令呢個紀念日更加難忘。 💰$48鴨油焗薯仔 🥔Side Dish主要有各類菇菌、蔬菜同薯仔菜式供以選擇，由於我想食薯仔，但又唔想食得咁油膩，所以揀咗鴨油焗薯仔。望落細細兜嘅薯仔事實上有十多件，表面烤焗得金金黃黃，撲鼻而來陣陣鴨油香氣。薯仔口感軟糯不乾粉，烤焗過嘅表皮略帶脆口，食落啖啖鮮薯味，好食！ 💰$238慢煮西班牙豬架配蘋果醬 🐖我揀咗慢煮pork rack做main，配上香甜幼滑嘅apple purée同醬汁，味道清新不膩。豬肉肉質紮實，自身帶有濃香豬肉鮮味。外層輕輕烤過後帶有焦香，內層肉色粉嫩多汁，口感味道均恰到好處。配菜車厘茄、露筍亦唔馬虎，前者一咬爆汁，後者幼嫩無渣，食材相當新鮮。 💰$288日式醬燒煙燻白鱔 🎣煙燻白鱔以木製長方盒呈上，廚師會將蘋果木碎望入抽屜內燒香，蓋上盒蓋以香煙燻製白鱔，造型吸晴，適合打卡。打開盒蓋一刻，白煙隨隨飄出，蘋果木香氣四散，滿足視覺嗅覺。白鱔肥美肉厚，魚皮煙韌，塗滿特製日式醬汁後才燒，件件魚肉都帶有醬汁嘅濃香同木燻後嘅香氣，味道口感更勝一般炭燒鰻魚。 溫馨提示，鱔肉近中線位置有些少幼骨，食用時要注意呀。 💰$78栗子合桃慕絲蛋糕 🌰我哋一人點咗一份甜品，朋友揀嘅栗子合桃慕絲蛋糕，栗子mousse口感綿密細滑，同海綿蛋糕層層相間，配上脆脆堅果底層同合桃碎，層次豐富，味道清甜淡香。 💰$78比利時脆朱古力慕絲蛋糕 🍫我就揀咗用上比利時朱古力製作嘅蛋糕，mousse夾心有脆脆嘅朱古力碎，亦有混入榛子醬整餅底，增加口感。
continue reading
今天朋友話想食好西, 於是我們便去了灣仔這間高級餐廳吃西餐.跟餐+$58經典蟹肉龍蝦湯:龍蝦湯真的好鮮味, 幾好飲, 而且蟹肉份量都多, 不錯.是日餐湯: 南瓜忌廉湯忌廉幾香滑, 南瓜幾香甜, 甜甜地幾好飲.跟餐的法包: 法包好香軟, 還吃到淡淡的麥香味, 不錯.炭燒紐西蘭肉眼配薯菜 ($198):肉眼扒煎得好香口,不會太熟, 不會太生, 真的是剛剛好.而且肉質鮮嫩, 不會太韌, 幾好食. 同埋炭燒真係特別有風味.烤西班牙黑毛豬架配烤野菜 ($178):擺盤同貌相都好靚, 好吸引. 黑毛豬煎得好香口, 好好食, 不會韌, 肉質鮮嫩多汁, 幾好食.跟餐點了杯洋甘菊茶, 吃西餐我最喜歡就是配花茶, 其中洋甘菊我覺得好清香, 法式龍蝦汁海鮮薯蓉批 ($168):薯蓉幾香口, 好香滑, 龍蝦汁亦都好香好鮮味. 海鮮都好足料, 幾好食, 真的不錯, 同埋龍蝦汁同薯蓉都幾夾.廚師精選甜品:一set 3件小口的, 非常精緻:最上的是比利時脆朱古力慕絲蛋糕, 我個人最喜歡吃這一款甜品, 因為本身自己都喜歡朱古力, 而這款朱古力又不會太過甜, 甜度剛剛好, 真的很好吃.中間一款是栗子合桃慕絲蛋糕: 栗子味都幾好食, 不錯.最下一款是焦糖蘋果蛋糕: 食到淡淡的蘋果香味, 不錯.
continue reading
約左一個好耐冇見嘅朋友吹水，緊係要去啲氛圍感chill嘅餐廳😎今次就搵左間有得飽覽馬場&海景嘅bar👍🏻去到真係嘩左聲🤣天台景又chill又靚😍問waiter先知今日有live brand，咁靚景唯有留待下次睇😎三文魚子牛油果多士 & 西班牙火腿蕃茄莎莎多士 $128三文魚子牛油果多士: 牛油果蓉好creamy 🥑配上微鹹三文魚子好開胃🤤好食西班牙火腿蕃茄莎莎多士：蕃茄蓉+紅蔥頭碎食落比較濃味😉而生洋蔥嘅辣味，配埋火腿嘅鹹香又意外地夾😋香草燒三黃雞伴美式焗薯 $198三黃雞即叫即整，皮薄之餘又香又脆，而且雞肉肉質鮮嫩，食得出用香草醃製過，所以有淡淡香氣🤤推介必叫😋虎蝦仔煙肉蕃茄意大利麵 $188意粉軟硬適中，仲掛滿蕃茄醬汁juicy又惹味😋 虎蝦大大隻同爽口，份量都幾多👍🏻推介經典蟹肉龍蝦湯 $98好香龍蝦味🦞飲落好creamy，配麵包食又唔錯焦糖蘋果蛋糕 $78上面嘅焦糖慕絲配上酸甜嘅蘋果蓉，食落好有層次感，又中和焦糖嘅甜膩😎整體嘢食高質，天氣好可以去outdoor天台望住靚景食飯😎又可以選擇喺室內餐廳聽住live show吹水，絕對會再encore嘅一間餐廳🤟🏻
continue reading
上網見到呢一間有live Band好有氣氛， 而且仲有上層可以坐室外望住個海景食飯幾浪漫咁。 一於帶另一半嚟撐枱腳。❤️三文魚子牛油果多士 推介❤️呢個其實佢有兩個款式，一個係三文魚子再加牛油果蓉，另一個係蕃茄果蓉加少少紅蔥頭碎。 三文魚子鹹鹹地配合牛油果蓉嘅清淡嘅味道，魚子嘅鹹味解咗牛油果嘅膩！ 仲要麵包係烘得啱啱好上盤熱辣辣好脆口！ 蕃茄蓉加紅蔥頭碎加巴馬火腿，個味道就比較搶。 甜甜酸酸咬落去生洋蔥嘅味道辣辣地好有口感再加埋巴馬火腿嘅鹹香味，前菜嚟講我覺得非常開胃。蒸焗比目魚配山薯半龍蝦蟹肉牛油汁蒸焗嘅方式，令到冇平時蒸魚嗰種感覺。 有少少脆面，亦唔會好乾身。 醬汁調味得好好，而且魚冇乜骨！側邊嘅side dish 有一啲炸薯仔蔬菜同埋估唔到有龍蝦肉。 🤣😂虎蝦仔煙肉蕃茄意大利粉意粉軟硬適中，醬汁調味酸酸甜甜有少少煙肉嘅香味，仲有唔少虎蝦，都幾抵食！焦糖蘋果蛋糕味道非常特別，佢有一層嘅焦糖，有一層蘋果蓉，最後下面就係蛋糕。 食落去上面甜甜地，下面蘋果蓉偏酸。所以整體嚟講味道配合得幾好，幾有層次。
continue reading
Salmon roe avocado & Spanish ham tomato toast 三文魚子牛油果多士 & 西班牙火腿蕃茄莎莎多士兩款多士一款重味D, 一款清新D好睇又好食, 飲下酒食少少TAPAS就是爽Spanish slow cooked pork rack 慢煮西班牙豬鞍紅酒香草汁豬鞍既肉汁好好咁保留到, 肉質依然嫩真係慢煮先做到呢個效果配菜多而且調味幾好, 反而紅酒香草汁味道唔夠突出如果配個蘋果醬應該更加正!Black truffle risotto個汁煮到好少少似薯泥feel松露味夠rich但唔漏risotto迎合左香港口味, 無生米既感覺帝女花之庵遇 Never say goodbye紅茶, 桂花,蜜糖, 龍眼vodka,紹興酒女士苜選, 味道係甜甜地既茶好易入口小心地滑 caution wet floorZacapa 冧酒做底再加一系列既香蕉味同苦朱古力味飲品伴隨香蕉乾片, 飲完一啖食一塊再飲會更加厚香蕉味除左室內, 餐廳有一陣空中花園可以飽覽跑馬地 & 灣仔景色可惜今晚落雨, 花園無人只有雨水LIVE BAND方面閒日9點鐘開始, 星期5,6就10點開始係灣仔有格調又有LIVE BAND既飲酒食飯好地方!
continue reading