OPPA Coffee Bar Restaurant

🧀芝士控又再出動！😎 身為一個專業嘅芝士控，當然要時不時去搜羅各式各樣用芝士製作嘅美食啦🤤 今次就同大家介紹返間好耐之前食過嘅韓國餐廳，大家都知韓國菜係好鍾意乜都加芝士嫁啦，而佢嘅熔岩芝士炒飯真係令我一試難忘😋 嚟得呢間餐廳食，一定要食佢最出名嘅芝士炒飯！而我同朋友都係為咗佢而嚟😍 個飯份量好大個，面頭同側邊都鋪滿咗好多好多嘅芝士碎🧀🧀 跟住oppa店員就拎起個火槍起勢咁燒佢，最後仲幫我哋撈埋添🤪 由於實在加咗太多芝士，佢拉絲嘅效果真係超級誇張，有成半米咁高🤤 味道方面都非常之唔錯，勁多芝士令我呢個芝士控超滿意，個飯燒完有燶燶哋嘅香味，每粒飯都拉哂絲，超邪惡，但又引唔住一啖一啖係咁食😳除咗熔岩芝士炒飯之外，我哋仲嗌多咗個牛骨湯，上到嚟熱辣辣☺️，個湯飲落好暖胃，齋飲就有少少過鹹🤭，但送飯又幾啱啱好！而佢係用咗幾舊牛𦟌，再加舊牛骨，份量都唔算少，而且牛肉幾腍，唔錯👍🏻 佢仲配左一隻大餃子同埋泡菜，餃子比較硬，但係幾足料，而泡菜就正正常常🤪總括而言，呢間餐廳嘅熔岩芝士炒飯真係極推介，雖然以一個飯嚟講貴咗少少🤏 但一場嚟到真係必食😋 嘢食方面好滿意，不過服務態度就有待改善🤨 皆因個oppa勁c