Video
Read full review
2022-04-23
415 views
朋友話好耐無食過放題，今日決定俾個胃大解放，平平地去左沙田廣場呢間食，因為睇過好多食評都話呢間勝價比高，咁就揀左食呢間。我地比較遲去到，好彩唔洗排隊，但入到餐廳見到都差不多坐滿人。沿途經過自助區，嘩! 都有幾多選擇，飲品櫃啤酒、汽水、果汁、茶，樣樣齊，值得一讚茶飲係除左一般牌子嘅樽裝茶之外，仲有自家製冷泡茶；清酒、梅酒都係任飲；沙侓、小食、湯、甜品、雪糕/雪條….. 琳瑯滿目，呢度嘅嘢食都已經咁吸引，期待坐低可以叫嘅嘢食。🍣食放題一定要食刺身! 基本講得出嘅都有得食，三文魚就最正，我地好好彩可以食到三文魚腩，夠晒厚身肥美，食落有少少魚脂。帶子、赤蝦都很新觧，食完可以再食。🍣壽司必選海膽山，絕對係回本食物，估唔到放題嘅海膽都咁高質，完全無惺苦味，仲有少少甘甜，壽司飯又唔會大大舊，真係食多幾件都得!另外仲叫左火炙岩鹽燒左口魚壽司，同埋鵝肝帶子壽司，味道都OK。🍤天婦羅有樣幾特別嘅，沖繩苦瓜天婦羅，第一次食苦瓜天婦羅，苦瓜同天婦羅脆漿又幾夾喎，點埋天婦羅汁，帶少少酸味，會更突出苦瓜的鮮味。🥓炸物無論係榴槤炸彈、吉列牛乳炸鮮奶、紫心香芋丸、芝麻雞翼都有驚喜，首先絕無油膱味，最怕食炸嘢會有果d千
我地比較遲去到，好彩唔洗排隊，但入到餐廳見到都差不多坐滿人。沿途經過自助區，嘩! 都有幾多選擇，飲品櫃啤酒、汽水、果汁、茶，樣樣齊，值得一讚茶飲係除左一般牌子嘅樽裝茶之外，仲有自家製冷泡茶；清酒、梅酒都係任飲；沙侓、小食、湯、甜品、雪糕/雪條….. 琳瑯滿目，呢度嘅嘢食都已經咁吸引，期待坐低可以叫嘅嘢食。
🍣食放題一定要食刺身! 基本講得出嘅都有得食，三文魚就最正，我地好好彩可以食到三文魚腩，夠晒厚身肥美，食落有少少魚脂。帶子、赤蝦都很新觧，食完可以再食。
🍣壽司必選海膽山，絕對係回本食物，估唔到放題嘅海膽都咁高質，完全無惺苦味，仲有少少甘甜，壽司飯又唔會大大舊，真係食多幾件都得!另外仲叫左火炙岩鹽燒左口魚壽司，同埋鵝肝帶子壽司，味道都OK。
🍤天婦羅有樣幾特別嘅，沖繩苦瓜天婦羅，第一次食苦瓜天婦羅，苦瓜同天婦羅脆漿又幾夾喎，點埋天婦羅汁，帶少少酸味，會更突出苦瓜的鮮味。
🥓炸物無論係榴槤炸彈、吉列牛乳炸鮮奶、紫心香芋丸、芝麻雞翼都有驚喜，首先絕無油膱味，最怕食炸嘢會有果d千年油味；其次係榴槤、芋丸、炸鮮奶都很香甜，榴槤炸蛋更有爆漿效果，一口咬落去，d榴槤漿不停漏出嚟，榴槤迷一定會鍾意。
🍢串燒牛舌大大片、翠肉瓜多汁；食過再叫多round嘅係溫室菠蘿，五個字足以形容，又甜又多汁!!
🍖燒物就食左蒜蓉牛油開邊芝士蝦、香草燒羊架同蒲燒鰻魚，鰻魚又係肥嘟嘟，好好味，鍾意食鰻魚嘅，記住呢個一定要叫; 而開邊蝦賣相同味道都係必叫之選。
最後飲埋梅酒🍶、食埋雪條🧊，枝咖啡味雪條有好濃嘅咖啡味，尤其係個咖啡脆皮，簡直係好似飲緊咖啡☕一樣。
太多好嘢想食啦，奈何個胃唔爭氣，一定要搵日再食過。仲有一定要讚，放題竟然無漏單情況出現😃，呢間放題真係平、靚、正!!⭐⭐⭐⭐⭐
刺身
93 views
0 likes
0 comments
海膽山
58 views
0 likes
0 comments
蒲燒鰻魚
49 views
0 likes
0 comments
香草燒羊鞍、蒜蓉牛油開邊芝士蝦
42 views
0 likes
0 comments
燒溫室菠蘿、鹽燒牛舌
36 views
0 likes
0 comments
Post
