朝陽飯莊 (Closed)

12年前認識既同學仔，12年後有的已經結婚了。幸好的是我們的友誼不會變。由同學仔變成老友記，好知己。這份緣 好唔簡單。今次我們一行6人去食飯，也沒什麼目的，只為見見對方便夠開心了。選了這間 中餐廳，是因為之前偶然機會下試過，無論價錢還是環境，甚至是食物都非常一絕。出門口時唯持住飽到嘔既狀態離開。預先訂位留了隻片皮鴨，然後大家每人都各自點了份食物。整體而然，每款食物都是好好吃的。特別要提的是 小籠包 ，皮薄餡靚。片皮鴨 二食，除了傳統食法，我們還選擇了包生菜吃法。這裡適合任何聚會，有的是海景，服務也讚好，食物也很出色，價錢亦非常超值。朋友們也大讚， 詢問過後，他們有包廂的，就是5000蚊最低消費。跟親朋戚友黎就最岩。

食品味道極差。都吾知點解這店有好評😡8:30pm 要交枱，8:15pm才來片皮鴨及鴿鬆，又有最低消費每人$300。未離開已經粗暴執枱，趕客走！結果要加錢打包走。第一次寫評論，吾會再來😡😤

未黎之前我對呢個商場d餐廳都有少少偏見就係食view, 價錢貴！咁啱有朋友約星期5係尖沙咀食飯，打左幾間想試既餐廳都爆左！好奇怪呢間竟然有位！唔緊要啦！反正食完飯係樓上睇戲！到步時檯已經準備好！坐低左就左望望右望望！環境就舒舒服服！檯同檯之間有足夠空間！講到個View就真係唔錯啦！如果坐窗邊仲正！睇下有乜食，黎之前就訂左片皮鴨兩食！最後點左幾個涼菜，又叫左俺篤鮮！熱野就點左干扁四季豆，炒蝦，臭豆腐，炸子雞…等等！一般小菜價錢都相宜！唔會感覺俾人斬！D送黎啦！份量唔算太大！但又唔會太骨子！😀😀😀！片皮鴨就皮肉一齊片，不過好多地方都係咁片！用黎包鴨塊皮都做得唔錯！最後加個高力豆沙同沙鍋燒餅！哇！埋單$240！尖沙咀，有景，食物質素同味道唔錯！食得飽！呢個價錢性價比高！

我第一次在open rice 同any media寫野，E間餐廳Services  差都不得了！Good view 但係我以為去左深圳二缐底級食府！ 🙈🙈每一枱客人都要發火！ 🙈🙈🙈🙈🙈🙈🙈🙈🙈🙈滬江江尖沙咀味道同服務都差好遠！唔知點解同一個group

同屋企人提早打黎訂左位同一隻片皮鴨，本來訂左9個，早一日打黎同佢地講加多一個，個經理話冇所謂嫁。好啦，黎到個景真係一流，不過冇窗邊位，而且張枱勁逼。個張枱得9個位，多個都坐唔落叫經理幫我地換大枱，個經理淨係換枱上果塊板仲要黑面妙嘴好，服務態度都唔講，食物真係一般呢個係豆腐菜苗餃，真係個名同食物一樣，入面得菜苗，一粒肉都冇完全係冇味條魚較為特別，不過煮得都係一般片皮鴨，係食哂所有野大家都飽哂先上片皮鴨，真係片皮？似係片肉多啲完全食唔出啲皮有幾脆啖啖肉總括黎講，呢間餐廳服務同食物一般雖然食物好有構思，但味道就麻麻食完唔會覺得有咩咁驚喜

爸媽結婚紀念……同佢地慶祝食佢地鍾意嘅中菜…上海菜ｰ揀咗朝陽！入到去就安排我地坐窗口位，維港夜景的確冇得頂跟住當然係點菜先啦！今次嘅 片皮鴨真心令人有啲失望……皮唔多脆……肉唔夠嫩…其他嘅都尚算可以……招呼亦都ok...但招牌菜令人失望就扣咗好多分了……！

想來朝陽飯莊已很久了，今次外父生日決定要前來試一試，所以一早訂了位，還要預早訂烤鴨和生日壽飽。而此館位於 iSQUARE 27 樓落地大玻璃環境優美，遠望山頂近望文化，而且可以欣賞日落未食已今人淘醉。我們要求窗口位，所以有最低消費5人$1500。最美中不足就是朝陽脆皮油淋雞，雞肉十分乾很難入口，完全沒有雞的嫩滑最為敗筆，其它菜式絕對水準以上直得再次品嚐

P爸爸最愛吃片皮鴨，大嫂一早預訂了朝陽飯莊馳名片皮鴨與他祝賀父親節。位於i sqaure的高層食肆都擁有海景 ，由於今天是父親節，人頭湧湧的，有沒有海景已變得不重要了。先點了兩款小食，分別是豬凍手涷以及海蜇頭。豬手凍雖然味道偏淡，仍帶有些少豬肉香，份量夠大，抵食。海蜇頭的質感非常古怪，又實又硬，酸醋味太強勁，大家一致劣評。雲吞雞正常水準，雲吞都可以稱得上是皮薄餡靚，雞湯無味精有鮮味。輪到萬眾期待的片皮鴨，新鮮烤起，香噴噴的，令人期待啊！這裏的服務員片鴨的手勢非常熟練，轉眼間已將一大碟片皮鴨放在我們眼前。是肉多皮券的片法，啱晒喜歡傳統口味的P爸爸。新鮮熱辣吃的時候，鴨肉尚算濕潤， 鴨皮都算脆。可惜的是，係第二轉己迅速跌watt，鴨肉已變得很乾。麵粉皮老人家都嫌非常厚，也太飽肚了吧。另外也點了一些小菜送飯，蔡螃蟹味道不錯，可惜炒得過晒火，非常鞋口。P爸爸的炸醬麵分量十足，可惜味道差到一個頂點，那麵底腍都冇牙婆都啱食，那麵豉將法其實是OK的，偏甜，但由於麵條實在太腍了，影響了整體口感，吃剩了大半碟。甜品要了拔絲香蕉，是很傳統的做法，將新鮮炸起的拔絲放在冰水內，令脆皮更脆！香蕉被炸至香甜軟熟，

老公生日 佢至愛片皮鴨 決定去Isquare朝陽飯莊 夜景好似幾靚。預先訂左$398片皮鴨一隻。片皮鴨明明係食鴨皮為主 但朝陽的就肉多皮少 有點失望。但鴨香都是有的。肉質亦不錯。麵包皮亦都好軟熟。另外 點了小籠包。包皮算薄 夾起時亦不會易爛 湯汁和肉略微咸左少少。蕃茄大蝦蛋麵 其實好像屋企煮的家常麵。蕃茄湯底味夠濃 炒蛋亦算滑 大蝦係急凍蝦 普通貨色。麵條太腍 一夾就斷。整體來說 比較普通。最特別的莫過於有維港海景和幻彩匯香江以供觀賞。

第一次來到，食品質素不錯，服務也ok.我們點了母親節餐，$1088/4位用，但份量都夠六人食，我們再另叫四樣送。招牌片皮鴨我反而覺得一般，鴨皮是un多過脆。還有條乜乜貴花魚，我不喜愛，但我弟話幾特別，不停食。個拼盤絕不孤寒。整體係食得過的。

飯聚份子難得聚首香港，補祝聖誕又好，預祝新年又好，藉故聚聚。可能西方假期食得太多西式嘢，所以今晚我地選擇了食烤鴨。其實都冇乜頭緒，都是在openrice找到的。電話訂枱時會問埋訂唔訂鴨，3個人一隻可能會多咗D。但隻鴨真係要推介，烤得好香，真正皮脆肉嫩，一d都唔乾。好味過XX樓多多聲，價錢公道。+$78有炒鴨鬆。諗番都想食。另外再叫了小籬包，炒豆苗，蔥油餅，甜點係高力豆沙。全部都係水準之作。加埋維港夜景，真係冇得輸。我們早吃，人不多，很舒服，但到坐無虛席就嘈到頭痛，可能焗住d聲在室內，所以提議早D食。埋單$8XX，合理。

繼十月尾喺灣仔食過頭輪o既高級全蟹宴之後，肥肥家族十一月頭再應靚靚auntie推介，專程過海一試尖沙咀同樣有大閘蟹宴食，不過價錢更為經濟o既「朝陽飯莊」 。位於iSQUARE二十七樓o既「朝陽飯莊」擁有無敵海景 ，五人剛好被安排入座窗旁第二張細枱，大飽眼福。週一晚上，餐廳座無虛席，室內聲浪唔弱，據悉唔理股市上落，每逢蟹季亦是如此，故服務生亦忙過不停，幸好招呼尚算周到，座位都好鬆動舒適。不過除咗難以抵擋大閘蟹o既風情之外，其實好多食客都係為咗「北京片皮鴨」而黎，菜式好明顯要預訂，因為我地七點前到達，烤鴨一早已沽清 ！為咗要俾客人欣賞到靚景，店內光線柔和，大多都由天花上o既紅燈籠照明，好富中國味，唔怪得知有咁多外國遊客幫襯。以電話訂座時，小肥已為各人訂好$498一位o既「皇席蟹宴」 ，每客包有清蒸大閘蟹一隻、蟹粉魚翅一份、蟹粉籠仔栥飯一籠、清炒豆苗一碗、蟹粉小籠湯包一隻、及薑茶湯圓一碗。餐桌上可見架生齊全，一早已安排妥當。除咗續位計o既套餐之外，餐牌亦列有多款以大閘蟹烹調o既菜式供食客散叫。茗茶每位$15，同花生一碟同價。嗜酒o既長輩叫咗樽「5年龍山加飯」，$288一樽，另加話梅$

今晚同同事收工特登過海黎試呢間, 聽講呢到睇夜景一流, 如果放煙花既日子仲要預早成個月訂枱tim...我地4個女人, 其實樣樣望落去都好想食, 但食量唔多, 點左幾味...最特別係佢個片皮鴨, 你可以揀一鴨兩味... 片起既就包住d皮點醬食, 剩返既就炒麵食....另外仲有個 好好味既 恭親王羊腩肉 香而不蘇... 其實我本人好怕食好蘇既野.... 但呢個炸脆後 咬落仲有肉汁而唔蘇 令我一食再食三食.. 食左好多舊..   份量上 我覺得款款都ok 正常例牌份量.. 環境舒適, 如果同良朋聚餐傾計 係一個好地方!!!下次一定會再黎, 大家如果要黎試真係記得book定枱 真係好full下.....

今天請媽媽飲茶，當然因為投資股票得利，心情大好!媽媽是家中的第一個教我們投資的專家，她的心得是要買值得買的股票，不要人云亦云，跟着買細價股，因為細價股的回報高，但風險大!經過數年經驗，我也相信這個道理!朝陽飯莊的環境不俗，位於i square 27/F 高層，居高臨下一望無際，真舒服！我們入座己時一時半，所以很容易找到好的位置，也很近窗口！看看餐牌，我們點了朝陽粗炒，蔥油餅和窩貼！粗炒不油，粗炒真的很夠火喉，味道很鮮，令我食指大開!窩貼也熱辣辣，皮簿肉汁鮮甜，葱油味的葱很多，又很脆很香口!在朝陽中看香冮的景色原來真的很美！

之前都成日聽人講話呢度個景好靚,今日經開就專登上黎食~因為第一次食,所以淨係叫左兩樣餸,兩樣餸個造型都好靚,唔食得都睇得~第一樣係朝陽醬肘肉,其實有D似上海鋪食到嘅肴肉,不過呢個大件D,同埋肉嘅成份多D,而家冇咁肥膩,咸味做到岩岩好,讚!第二樣係豆腐餃子,單係個造型都已經值回票價,佢用一片薄豆腐,入面釀入蔬菜涵,鍾意食素嘅人一定好鍾意食~食肉嘅朋友例如我,都覺得呢個煮法好有新意,好清新!