喜樂廚房 (Closed)

今天下午要剪頭髮，剪髮之前要食個LUNCH先，通常剪頭髮等都要等一段時間，繼續去女人街睇下有咩食，見呢間未食過又入去食下。有下午茶，午餐，小菜散叫等，大多數也是$30內，有野飲跟。我地兩個人就要左兩個餐，叫左一個香茅豬扒撈麵，另外就叫左一個涼瓜肉碎炒蛋飯。先說撈麵，這個也算是招牌菜之一，來到的時候賣相也不差。麵弄得軟硬度適中，不會過淋，它有一些醬汁在底，不過那些醬汁挺辣的，但又唔會辣到完全食唔到既。香茅豬扒份量適中，也炸得乾身香口，不過比較少肉，但不是難吃的。另外那個飯與我們相像有點出入呢，賣相不算很討好，涼瓜切得很大塊，不過幸好不算太苦，味道是較清的。不過它的炒蛋真的有點問題，吃下口是有點漿的感覺，不像平日的炒蛋呢，似加了粉去炒似的，沒有什麼蛋香和滑度可言，所以這個不好吃..... 而且兩杯飲品雖然跟餐，不過也是非常淡口呢。結果這裡食物一般，不是特別出色，價錢與附近的店子差不多，所以下次未必會選擇這裡呢。

Set Lunch $30連凍飲馬拉盞鮮蝦肉碎炒飯整體味道不錯，我叫咗少油都算有少到飯都幾大碟個人覺得馬拉盞味可再濃多少少鮮蝦略細隻同不算多，仲有係有蝦腸未起肉碎略少改善下就更好喇其實佢嘅Lunch選擇都好多款式，有機會都會再試其他款式

今天正是幕後大老爺的大結局日子，我與朋友四周搵有電視的餐廳，誤打誤撞入了這間餐廳。從餐廳的四周裝修，應該是基督徒開的....而且職員很nice...服務很好...我們叫了欖菜碎肉炒青豆的套餐飯及馬拉盏蝦肉炒飯。一黎，就送上好味的紅蘿蔔粟米豬骨湯，湯唔太咸，完全像住家靚湯....欖菜碎肉炒青豆 ~ 味道唔太咸，亦不是太油，啱晒唔鍾意味道太濃烈的人馬拉盏蝦肉炒飯 ~ 味道好味，炒飯亦不是太油，挺乾身，口感不差。飯後，仲奉上甜品 ~ 芒果啫喱.....Good...整體意見，食物okay，服務很好，值得再去一次....

黎過喜樂廚房兩次..lunch ge份量都幾多..第一次食左個泰式豬頸肉飯..個味就似豬頸肉+ m記ge泰式辣醬...都唔錯...第二次食左手撕雞炆伊麵...又係大堆頭...不過得少少手撕雞jar...唔係好夠lor..麵就太多la..食完飽到頂住頂住~~ps. 服務幾好

無咩xo醬味,但係就辣辣地.個portion好多.雞絲唔係太多.

又一個週三的飯局, 去了找喜樂.沒有另一家基督徒餐廳的高調, 牆上只係簡簡單單的貼上金句, 感覺上係更加令人有平安.要了三個晚餐, 一人一杯凍檸檳.日式燒汁琵琶豆腐: 7分, 亞妹揀的, 個燒汁唔係太杰, 都幾好, 琵琶豆腐小小炸, 還不錯.蝦醬通菜牛肉: 6分, 通菜炒得過老, 牛係化學牛, 幸好蝦醬幾入味, 都送到飯的.士多啤梨脆香骨: 4分, 應該叫士多啤梨醬加脆香骨. 脆香骨炸得太勁, 又乾. 面頭係加上一堆士多啤梨醬, 但係無士多啤梨肉, 又或者無將士多啤梨同脆香骨一齊炒, 各自為政. 士多啤梨醬味道奇怪. 真係幾差.飯後有糖水送, 不錯的雪耳糖水.食物味道一般, 但整體感覺都幾好. 當然要支持有心傳福音的, 帶給人更多喜樂, 重見家圓.

食物水準一般

睇完七點半, 又貪心想追電視劇, 馬上走到女人街. 街頭已找到這店有電視看, 很開心!坐下點了二個set, 有:1. xx雞: 係似似地海南雞, 幾有雞肉, 都嫩滑, 但肥咗點. 都幾好味!2. 白汁鮑片, 磨菇西蘭花: 一般, 我唔係太好白汁. ok!有兩杯凍飲和荔枝啫喱, ok啦! 平平地, 又有電視看. 可以的. 招呼算不錯, 有禮, 不會催落單.

女友生日, 一大班朋友食飯由於知道此餐廳是由基督徒開設, 特別到此一試7個人, 共叫了一個四人餐及再加兩個晚餐四人餐有5個菜式, 雖然只係一般中式菜, 但水準絕不低於傳統出名中式餐廳特別推介係四人餐中的牛肉及魚....因為淨係撈個d汁, 都夠食幾碗飯!! 真正汁都撈埋另外所有餐都有特色飲品送, 我飲左檸檬石溜汁, 略嫌太酸, 但可以接受, 女友的西瓜奶卻有驚喜, 感覺像一杯濃西瓜汁, 口感不俗最後還有糖水送, 雖然我地叫o既餐應該只有6碗糖水, 但職員見我地有7個人, 照俾7碗! 加上人手多, 跌左對筷子即刻幫你換過, 非常細心!最後埋單, 7個人都只係3百幾蚊, 請埋壽星女, 一人都係五十幾蚊!!!超值!(不過大食一俗就可能會唔夠飯, 不過可以叫白飯, 撈汁絕配!!)

路過,見水牌有桂花炒生翅,便決定入內一試.因其中一位朋友吃素,四個人叫了桂花炒生翅,西蘭花鮑片炒什菌,越式什錦拼盤,泰式芥辣燒茄子,錫紙焗什菌五樣.菜上,桂花翅層次分明,雞蛋,洋蔥和素翅的比例均勻,口感很好.西蘭花鮑片炒什菌-鮑片用鮑魚菇,什菌散散幾粒,主力是西蘭花,火候控制很好,掂!越式什錦拼盤-葷冷盤,中規中矩.錫紙焗什菌-什菌有五六款,忌廉濃淡適中,上熱辣辣,香噴噴,最好味!泰式芥辣燒茄子-茄子缺貨,因肚已飽,所以沒有補加其它食物.菜式中,原來包括有飯和飲品.飯有油飯和白飯,自己試了油飯-一般.飲品朋友叫了咖啡之類,自己則叫了木瓜鮮奶-幾好!飯後還有甜品贈送,是粟米椰汁西米露-不太甜,味道好!食肆是數名年青人打理,熱情,勤快,爽朗,服務態度很好,抵讚!埋單$164,每人$41,非常經濟,抵食,又好味道,豬年年卅晚的一個意外的驚喜!