囍雲天酒家 (Closed)

聽朋友講佢公司附近有間酒家晚市推出多款海鮮套餐，搞到我心郁郁好想去食，終於訂左位係假日帶媽咪去試。囍雲天酒家位置比較近官塘碼頭，由地鐵站行去大約要十五分鐘，入到宏利金融中心抬頭便看到酒家。我們當晚吃的是八道鮮味宴， 有乳鴿，有海鮮，有菜，有飲品仲有甜品都只係$438，無額外加一，真係好抵食!紅燒皇子乳鴿 - 每人半件，份量剛剛好，熱辣辣的乳鴿皮脆肉嫩，唔會乾爭爭，好Juicy礦泉水灼鮮鮑魚 - 肉質新鮮爽口，質感軟腍，每一啖都嚐到鮑魚的原有味道白灼九節生蝦 - 蝦都幾大隻，大部份蝦肉都很新鮮，實淨彈牙。上湯焗龍蝦伊麵 - 龍蝦件頭大，啖啖肉，味道鮮美爽口，伊麵吸收了龍蝦的鮮味，非常好食，而且份量很多。豉椒炒花甲 - 殼同花甲都充滿豉椒汁，而且唔會有沙，不錯金銀蛋浸菜苗 - 除食海鮮外，都有碟菜食 ，呢碟金銀蛋浸菜苗，食落清甜又帶有鹹蛋同蒜香, 充滿住家菜嘅風味。 清蒸海上鮮- 魚肉滑得不得不說好，時間掌握得精彩，那些蔥香和豉油的配合，很想叫碗白飯來送。勁蒜蒸貴花蚌 - 貴花蚌件頭比較細，不過蒸的時間剛剛好，易咬及新鮮。椰青水 - 雖然不是新鮮椰青水，總好過飲汽水，味道也很清新。椰汁糕

觀塘偉業街附近工業大廈開左好多樓上舖，好友話帶我去嘆茶兼尋寶。佢今次介紹既係位於偉業街宏利金融中心1樓囍雲天酒家。係觀塘碼頭附近，住港島區既我係西灣河坐渡輪去都好方便。寬敞舒適的環境，落地玻璃窗明亮透光，餐枱擺放寬鬆，沒有一般中式迫挾和喧鬧，感覺舒服。蟹籽燒賣皇肉汁豐盈，味鮮！有兩粒、四粒選擇，方便兩個人食，可以食多種不同口味的點心。原隻鮮蝦餃皮薄Q彈，原隻鮮蝦爽脆。野菌素粉果配料豐富，新鮮好味！鮮肉小籠包餡料鮮味多汁！如果外皮再薄少少就更好了！豉油皇鵝腸鵝腸肥美爽脆，拌勻薑絲、辣椒絲、銀芽，增加口感，更提升左味道！👍😍鮮蝦腐皮卷腐皮香脆，鮮蝦餡味爽脆味鮮！紫薯天鵝酥造型精緻可愛，外皮香酥鬆脆，紫薯蓉香甜軟糯！👍😍環境舒適，食物美味！下次會再去！

午飯時間同同事去了宏利裏面的囍雲天飲茶，這裏的點心是我試過附近幾間酒樓最好味，價錢亦同外面差不多，而且午市還有九折優惠。蝦餃：外皮既薄又晶瑩剔透，而且非常飽滿，裏面包著啖啖蝦肉，爽口彈牙。燒賣：豬肉沒有大量溝粉，真係有豬肉粒而且中間還有蝦肉。小籠包：皮薄不易夾穿，裏面有肉湯汁，肉鮮湯甜。脆皮燒腩仔：外皮香脆，肥瘦均勻，肉質嫩腍而且有肉汁，不會燒得太乾，又不會太咸。叉燒酥：外皮酥脆，裏面熱辣辣，叉燒餡肥瘦適中，亦不會太甜。整體點心高質，而且款式又多，是觀塘區比較抵食又好味的酒家。

星期六放假，又係同屋企人飲啖食個包既時間，以前細細個去飲茶永遠都坐唔定，而且寧願食麥當當都唔想去飲茶，但人大了就終於明白飲茶的意義，一家人坐低傾下計，陪下屋企人，享受一下慢活生活，唔雖要趕頭趕命，而且唔似茶餐廳又限時又被趕。今次去了這間近觀塘碼頭的囍雲天酒家，午市點心價錢跟外面差不多，而且有九折優惠，茶錢就$12位。最抵食就係個午市粉麵，碟碟$48，簡直係茶餐廳價錢但座位舒適。鮮蝦菜苗餃啖啖蝦肉同蝦餃差不多，只是多了點菜苗在內，蝦肉爽彈，每隻都大大隻。炸蝦角即叫即炸，所以咬落去非常辣口，裏面還出煙，蝦肉溝了點西芹及粟米在內，爽口又帶點芹香。即燒即製叉燒腸腸粉真係即叫即做，外皮香滑，不似平時蒸好的死實實，叉燒餡不會太多肥肉。魚香茄子炆伊麵48雖然是特價，但絕不欺場，份量十足，伊麵爽口，有很多肉碎及茄子，但又不會太油膩。整體食物高質，餃類及腸粉都是必食，新鮮好味。

臨近父親節，提早同家人慶祝, 揀左囍雲天既八道鮮味餐。個餐包好多野食，有上湯龍蝦伊面，份量足料，伊面入味，龍蝦肉十分新鮮。仲有好多海鮮食，包括：礦泉水灼鮮鮑魚，一人一隻'白灼九節蝦，蝦亦十分鮮味，點少少豉油已經夠味清蒸游水海上鮮]估唔到魚既份量咁多，十分抵食。勁蒜蒸貴妃蚌加左蒜茸粉絲，夠晒惹味。豉椒炒花甲雖然有少少唔太熟，未開晒但整體味道唔錯。紅燒皇子乳鴿乳鴿肉質幾好，而且好入味。金銀蛋浸菜苗最後少不了健康的菜式，真係食得十分飽，服務一流埋單都係$438,免加一，仲有任飲橙汁，茶水同甜品，十分抵食。

放工係觀塘碼頭附近行下，約左媽媽食晚飯，所以就搵左附近一間酒家食晚餐啦。地點雖然唔算近地鐵，都唔算難搵，反而環境清幽，方便一邊食飯一邊傾計，座位都好寬闊，坐得舒服。蜜汁叉燒皇（例牌）呢個不得了，本人最喜歡肥叉，蜜汁夠濃好入味！上湯龍蝦仔伊面 （$58x2)龍蝦仔肉質好彈牙爽口，好新鮮唔係雪貨，面底份量多到一個點，食唔晒要打包。晚餐想食多少少菜，揀左個金銀蛋莧菜，份量都係好多，用料足料。日式燒汁牛肋骨，肉質腍滑，燒汁夠濃味。蝦籽柚皮，柚皮真係好難煮，又要出水，泡浸，但呢碟煮得好入味，食落無苦澀味，上湯汁好濃好配合柚皮。最後仲有甜品椰汁糕送～整體服務唔錯，茶亦夠香～

原本夜晚諗住食囍，貪多選擇同味道唔錯，價錢又平，但點知裝修緊，先去附近嘅呢間嘢！本身上次搵囍搵錯地方，招待面口差已經留下深刻印象，算啦！可能嘢食唔係咁呢，附近又冇其他，只好試下囉！叫左嘢等15分鐘先有，有一轉冇上過，佢哋就叫我哋再點，本身等左15分鐘，又等？！仲要個爐成日著唔火，十樣有九樣冇，味道唔好，服務極差，叫咗佢哋扮聽唔到，飲品選擇少，冇咩醬料揀，$168食其他都好過佢，絕對唔可以有第一次！

今日朋友提議到官塘飲茶，飯後可到海濱長廊吹吹風，於是便想起宏利金融中心內的囍雲天酒家。因要避開中午繁忙時間，所以我們11時多便達到，時間還早，客人並不多，可以慢慢來嘆一個午餐。酒樓地方也算大，但到了午飯時間，人客也頗多呢！午市期間的炒粉、麵、飯及點心一律9折，我還喜歡它有些點心是每款2件，啱哂我們二人行，可以品嚐更多的點心。蘿蔔千絲酥值得一讚，真的做到外脆內軟，口感絶不油膩。陳醋山貓耳朵更是食到不停口，雲耳配合陳醋及醬汁，十分惹味。總括而言，點心水準不錯，下次一定再來嚐嚐其他的美食。

今日同男朋友食飯，最近食得多西餐，我地都想去飲下茶，食下中菜！男朋友搵左間觀塘酒樓，附近是海邊，食完可以行下海濱公園。商業大廈中的酒樓，環境是高級又大，人客好多！中午時間我地等一陣先有位！男朋友至愛咸水角！粒粒脹卜卜，外層香脆香口唔覺油膩，中間餡料好豐富，咸香有肉餡，加上炸完確是香口！腐皮卷！外層脆卜卜腐皮卷、入口格格聲即叫即炸更是滋味！中間餡料多，味道唔單調！叫左兩籠蒸點心。皮薄抵讚！蝦肉大大件好豐富！菜苗份量都唔小！杏仁茶夠滋潤！杏仁香濃清香！

今日同媽咪去飲茶，難得放一日假就去觀塘飲個茶。海邊附近商業大廈，有一間好高質素既酒樓，環境好大好靚，中午時間人客非常多啊！咸水角！香脆咸水角餡料更是咸香豐富，媽媽最愛！唔會好油膩入口唔會有油溢味，外層脆卜卜即叫即炸好熱！蜜汁豬軟骨。肥美豬軟骨當然是我口中物！一件入口全是油香，肉質鬆化香口！燒腩肉外層脆卜卜，瘦肉較多岩哂怕肥既媽咪！蒸蘿蔔糕！入口香煎蘿蔔糕清香，有蝦米香味非常滋味！麻醬燒茄子！芝麻醬非常香口！茄子吸哂麻醬香！生蘑杏仁茶。香滑杏仁茶，入口有小量杏仁粒！杏仁味香濃！

夜晚同個客去食飯，觀塘區好多餐廳都收晒工，個客建議嚟呢度食飯，或之前午餐食個價格同埋食物質素都好好先來左舊叉燒先，肥瘦均勻，蜜汁濃郁再嚟多個燉湯湯好甜，好清澈燒鵝例牌，燒鵝嘅表皮好重鵝味，肉質充滿醃鵝既味道燒乳鴿外皮炸到好脆身，肉汁keep 到喺度食嘢最好嘅優點就係唔使限時，同個客邊食邊傾，一路飲下茶，講下食經咁，唔夠後就叫咗碟蒜香芝麻骨，外表就似平時食開嘅咕嚕肉差唔多，當你食落去嘅時候外面層醬汁，充滿蒜香，甜甜地幾開胃

其實已經係第二次黎呢到飲茶貪佢少人唔太逼第一次去到睇唔到佢兩點有個下午茶優惠早左三個字入座算啦自己睇唔到無得怪人野食質素中規中矩所以見星期日就同屋企兩老再黎食我地五個人今次被安排坐門口卡位一坐低已經發現勁大風同待應講可唔可以轉台被安排坐係一張中size既台點知有個女部長走過黎話唔夠大台用要我地轉去一張四人台但眼見成個場仲有4-5張中size台佢都係好堅持要轉我地去四人台但我地見到有4位客都係坐中size台點鮮我地5個要去坐4人台？一坐底就見到台布有蘿蔔糕碎總睇黎講服務態度差 野食中規中矩想受氣就黎試下啦

朋友約觀塘食晚飯佢suggest來呢間食話放工過來方便就腳同埋話鐘意呢度環境舒服wor我無咩所謂對我來講最緊要d野好食就得近門口位係半圓卡位感覺好靚好舒服鮑汁蝦籽柚皮呢個幾特別調味方面做得好好柚皮食落口感柔軟味道帶清新個汁唔錯燒鵝皇 （例牌）食果時一定要點埋個醬梅子醬酸酸甜甜相當開胃燒鵝啲皮燒得好靚好香富貴芥味蝦球蝦球個醬落左芥辣醬不過唔會太攻鼻味道相當可口蝦球口感相當之彈牙 非常好食囍慶脆皮燒雞 （半隻）燒雞個皮燒得好靚個皮超脆！肉質好嫩整體覺得好滿意環境好闊落好舒服食物味道有水準同埋選擇好多

一家人要食生日飯，又多人，又多成年人，好似食中菜會岩口味d！觀塘地鐵站行多10分鐘左右。幾大間位置寬敞。十三吉祥海鮮宴 $3298/12位堂剪鴻運乳豬全體乳豬推入黎既時候，已經覺得好香，剪得好平均，一人食到三夠以上，食落個皮好脆好多汁，唔會乾，肉身切得薄，不會覺得成日肉。當紅脆皮炸子雞好肥美的脆皮雞，真心呢到d脆皮幾好食，幾有水準。生猛象拔蚌加檸檬汁帶出鮮味，幾有嚼勁。杏汁燉白肺好重杏汁味，加左d肉，湯身唔算太水，又唔會似杏仁糊甘杰身，雖然有d人唔喜歡飲杏仁茶，但喜歡飲既一定覺得有驚喜。清蒸或礦泉水灼鮮鮑魚鮑魚冇調味都唔會腥，好煙韌，加少少豉油吊下味就夠。西蘭花炒龍躉球腩終於有d菜食，龍躉好厚肉又唔老，西蘭花幾爽口，唔油。薑蔥粉絲肉蟹煲勁喜歡食！肉蟹已經幫你開殻，又沾滿左薑蔥汁，蟹肉幾嫩，成隻蟹鉗放入口好正。果皮蒸龍躉腩椒鹽黃金吊桶勁大夠吊桶，椒鹽炸又唔厚炸粉。白灼或椒鹽煎海蝦個人喜歡白灼蝦，因為加小小豉油已經食到好鮮。椒鹽有避風塘的感覺，連蝦殻都食得甘滯，但會少感白灼果份鮮味。勁蒜蒸貴妃蚌話明勁蒜當然勁多蒜，貴妃蚌好大隻，唔係調太多味就去蒸一樣鮮。上湯或芝士焗龍蝦伊麵清炒或金銀蛋菜苗

成日跟住屋企人同啲親戚食團年飯/節日慶祝等等，有啲酒樓其實質素認真麻麻，不過身為後輩又唔可以主動要求食邊間酒樓，如果有睇我既食評都可能見我成日係觀塘區搵食，今次係機緣巧合既情況下就去左呢間酒樓食，估唔到有驚喜喎！自己都好中意食海鮮，呢到有個海鮮宴，如果叫唔到親戚黎食，其實都好岩公司聚餐，計返每人$300唔洗！十三吉祥海鮮宴 $3298/12位上湯或芝士焗龍蝦伊麵龍蝦非常新鮮彈牙！龍蝦舖滿成個面完全見唔到伊麵，唔洗驚啲龍蝦唔夠分生猛象拔蚌呢一味象拔蚌係刺身，本身好少生食象拔蚌，擠啲檸檬汁落去撈一撈更加調出本身鮮味，唔點醬油都唔會怕腥堂剪鴻運乳豬全體乳豬勁脆身！而且帶點肥膏，又夠薄，係我食過最好食既頭幾位杏汁燉白肺本身唔係好中意飲杏仁露，呢個啲味有啲似，但又冇咁濃，所以都接受到，加上知道飲左對身體好、補身，所以都飲哂清蒸或礦泉水灼鮮鮑魚鮮鮑魚冇調味都唔會腥，入口好煙韌西蘭花炒龍躉球腩龍躉冇咩骨，好厚肉又唔老，而且炒龍躉經過調醃，味道重一點，微咸頗開胃，自己幾中意呢味菜清蒸龍躉對比起炒龍躉，我個人較愛炒龍躉薑蔥粉絲肉蟹煲肉蟹都幾大隻，所以蟹鉗都勁大，食落去滑身彈牙，啖啖蟹肉椒鹽黃金吊桶吊桶就