囍雲天酒家 (Closed)

今晚去了 觀塘宏利金融中心嗰邊嘅［囍雲天］ 晚飯。 樓底算高， 夠光猛， 枱與枱之間唔會太迫， 但因有團體包場， 剩餘嘅地方唔算太寬敞。餐牌有好多孖寶，三寶，優惠菜式。台式三杯雞， 欠缺一點酒香及金不換嘅經典味道， 還好份量足。臘味炒芥蘭， 很有鑊氣夠惹味。👍紅燒乳鴿，熱辣辣即叫即炸皮脆肉嫩， 唔錯！［大班兩味］屋企人最愛， 蒸和炒球同樣美味， 唯份量稍為精緻了點～😀孖寶當中有 清蒸海蝦， 蝦肉鮮甜彈牙。是日有包場活動， 被安排近往廁所通道， 但問題係keep 住 聞到一陣煙味， 懷疑係近後樓梯通道或抽風系統， 破壞了整晚的雅興。酒樓距離地鐵站比較遠， 步行需10分鐘左右。 不過特別日子之下， 通常都可以book到位唔會太full.

本人在十月二十一號中午午餐時不小心遣失錢包，幸好酒樓員工拾獲及交還本人，萬分感激，故此向酒樓及員工多謝專業服務態度及待客態度好。加上酒店食品質素不錯值得再次江臨。

我食過最垃圾嘅中式酒樓，我未試過可以等咁耐，等左成130分鐘先有菜上........我真係黑人問號？？？？？？？？？？？？？？？？請問你要煮咩煮咁耐呢？我哋中間已經有催單，呢個侍應又話幫我追，另一個侍應又話唔係佢負責管我地呢枱食客，仲要俾我哋睇到侍應之間互相鬧交同埋反白眼............到底係咪做生意架？管理完全出晒事，前菜嘅嘢食去到最後先至上菜，炒飯炒粉就一早上，我哋都食飽晒啦，我真心勸睇完劣評嘅你咪上嚟食。

晚9點入坐火鍋，揀左麻辣雞煲火鍋，講明120分鐘但10點已last call, 10點多已沒冷氣算點！！😡因夜收工而佢係公司附近及營業至零晨所以揀佢，真係無下次。

等上菜要等60分鐘，食食下隔離桌大鬧佢地一個半小時都未上菜，另一桌又嘈交，呢到又嘈氣氛又差所謂既湯係水黎既，極咸魚係蒸唔熟既侍應竟然嘗試係bb個位到上菜，之後又跌匙羹唔好期望佢上菜係跟次序，隔左40分鐘先會上下一道菜比你差差差差差差差差差差差差差差差差差差差差差差差差差差差差差差

今日同家人一同五人去了位於觀塘宏天金融大廈嘅酒家食晚飯, 見佢海鮮齊全價錢又幾吸引, 一於決定陪屋企人試下。除左有任食火鍋仲有一些海鮮套餐, 好似幾超值。仲有啤酒, 庶水, 果汁及汽水任飲, 竟然平民價就食到海鮮全宴。我地最後點左個十全十美海鮮宴, 雖然呢個係四人餐, 但都足夠我地五人食。咁岩果日係阿哥生日, 仲有壽包及奶皇千層糕贈送作為甜品。非常滿足!十全十美海鮮宴 (4位用) $958 + 1位每位加$200紅燒皇子乳鴿兩隻肉質嫩口, 皮脆多肉, 非常可口。勁蒜蒸元貝蒜味好香, 元貝厚肉但稍微不夠火喉。薑蔥粉絲蟹煲多蟹肉同多粉絲, 非常入味, 薑蔥非常惹味。清蒸游水龍躉夠鮮肉厚同肉質嫰滑, 非常大條。上湯龍蝦伊麵伊麵有點水, 但芝士不濃所以不膩。龍蝦加分, 厚肉鮮甜。椒鹽鮮鮑魚鮑魚太細, 但勝在有口感, 但這個價錢不要要求太有鮑魚味。鮮魷彈牙, 西芹香口。配啤酒一流!酥炸大生蠔保留生蠔鮮味, 酥炸外脆內軟。日式清酒煮大蜆清酒清甜配大蜆帶出甘香, 大蜆肉質厚身彈牙。杏汁燉白肺花膠爽口, 配杏汁非常香甜潤口。濃湯野菌浸鮮蔬最後食個菜加野菌幫助消化, 非常滿足。坦白過呢個價錢真心超值,

這酒家採用whatsApp  訂全包宴,不過,這酒家員工不懂使用,發出訊息,沒有回應,隔天才回覆. 若不whatsApp問那位所謂部長,隔天才回覆. 在酒樓門外那位穿黑西裝員工,十分無禮貌和指示錯誤方向,左右也分不出. 未開席巳聽到同事投訴,而且,起菜的同事十分無禮貌,她問完我們要不要剩下的餸菜,巳示意比另一位同事,她竟然將整碟掉在同事方向的桌上,十分無禮和要再陪訓.另外,原先訂九大簋用心宴,巳選好燕窩,竟然扮唔知比鱷魚肉燉湯,上菜姐姐仲話燕窩咁少,飲這個仲好,簡直是被騙,起菜又慢,做唔到就唔好接單....那位收銀阿姐十分沒禮貌, 口黑面黑,這酒樓真是不值得光顧.

嗌左片皮鴨龍蝦九大簋餐打算追加一個糯米飯餐點知有個白衫 瘦削 皮膚黑嘅男waitor同我地講個我地唔可以嗌呢個炒飯 態度超差心諗 我地正價比錢咪得 點解唔可以食痴線 咁嘅服務態度都有 係咪唔想做

海鮮癮又起，朋友介紹此酒家有抵食海鮮套餐，兩口子$438已有6款海鮮，免茶芥平日更免加一，難怪位置吊腳仍高朋滿座。還送贈椰青水，清甜解渴。乳鴿皮脆肉香不過鹹，已經滿意。蒜蓉粉絲蒸青口，肉質鮮嫩，火候得宜又惹味。蝦肉結實彈牙，蝦頭膏多鹹鮮，不錯。上湯伊麵龍蝦，以油泡過，做到外脆內嫩效果，尚算新鮮。豉椒蟶子皇，惹味又有嚼勁，蔬菜火候剛好，合格有餘。炸蠔不過膩，咬下海水鮮味爆開，加上香脆口感，令人滿意。還有蒸䱽魚，肉質結實味鮮，同樣高質。金銀蛋浸菜心，菜苗嫩綠，湯底清甜不過鹹。還有炒飯，這餐實在份量十足，海鮮質素不算驚為天人，但十分化算。

兩人晚餐的話很少走到酒樓，不過今晚要同經紀談一點事，所以去了不會趕客，環境光猛的酒樓門口見到呢個餐牌，2位至12位用的套餐都有飲品有啤酒/ 橙汁及椰青水， 任飲！抵！先黎酥炸大生蠔配懷舊蝦片，二人餐都有四件生蠔，外層妹鬆脆，裡面既生蠔無縮水上湯龍蝦伊麵，淨係上面隻本地龍蝦已經值回票價，啖啖龍蝦肉味道濃，伊麵份量好足，同單點的差不多豉椒炒蟶子皇， 青椒/ 紅椒同紫洋蔥一齊炒，好惹味，蟶子size真係手掌咁長，好食勁蒜蔥花蒸海蝦，同樣是每人兩隻，已經足夠，蝦肉新鮮清蒸游水海上鮮是倉魚，上檯時令我驚訝，真的大大條，3-4人吃也沒有問題，原條倉魚肥美，再加上蒸魚豉油及香蔥，真係無得輸蒜蓉粉絲蒸活青口，酒樓註明是用紐西蘭進口的野生活青口，青口夾著面層的粉絲蒜蓉一齊食，好難唔好食紅燒皇子乳鴿，熱辣辣，乳鴿算是肥美，一分為二用手慢慢撕來吃，滋味滿分金銀蛋浸菜苗是菜心，份量都是單點的size，蔬菜唔怕食多，呢餐真係好飽最後仲送上炒飯，飽到要打包

今晚和家人慶生，到了囍雲天酒家食飯，之前有到過這家飲茶，覺得食物味道也不錯，便決定再到這家吃飯。我們一行四人，點了一個四人套餐，價錢也很大眾化。可能選址問題，因此價錢也不太貴，但食品質素都出色的。秋天起，三蛇肥。第一道菜是太史五蛇羹，但味道普通，蛇肉不多，吃過蛇羹專門店的人應該都會失望😂而且薄脆一點都不脆，有代改善。第二道菜是蒜蓉蒸蝦，蒜味足夠，蝦身亦爽口彈牙，味道鮮甜。第三道菜是脆蜜金絲芝麻骨，甜甜的，而且把排骨炸過，咬落鬆脆，不錯吃👍🏽第四道菜是清蒸珍珠龍躉，上菜連店員都大讚這條龍躉非常大條，比酒席食的還要大，其實吃完條魚都覺得飽了😂龍躉肉質鮮美，非常新鮮👍🏽還有古法鮮枝竹羊腩煲、臘味糯米飯和甜點等，忙著吃都忘了拍照。整體而言，以這個價錢來說，味道可以接受。

周末去觀塘想揾間未去過的酒樓飲茶。原來觀塘的酒樓已經差不多試過，餘下的有間叫【囍雲天酒樓】。名字有點似曾相識，但總是記不起。坐下終於記得【囍雲天】乃飲食集團，以廣東菜為主，分店遍佈九龍、新界，品牌包括: 囍慶、盛讌、囍雲天、囍慶酒家...2年前曾經去過科學園的【囍慶】，印象不太好……都米已成炊唯有繼續下去。【囍雲天】座落東九龍觀塘宏利中心五星級商廈內， 歐陸式燈光長廊，華麗的場地佈置，擺明主打婚宴。因為附近都是商厦工厦，周日人流非常少。別以為酒樓會有特別優惠，這裡點心價錢跟平日是一樣的。$16.8（小）$24.8（中）$29.8（大）。相比鄰近九龍灣酒樓周末提供不少折扣優惠， 【囍雲天】難免被比下去。【原隻鮮蝦餃(2隻) $24.8】值得讚賞的地方是提供了兩隻一籠的迷你版本，迎合現今香港社會大部份都是只有兩公婆的小家庭。賣相叫做相當對辦，有明顯的摺紋、又沒有皮穿肉破。蝦肉夠爽口，但欠缺鮮味；餡料也沒有筍粒，不夠傳統；但已經是這一頓午餐最好吃的點心了。【蟹籽燒賣王(2隻)$24.8】也有兩隻一籠的迷你版本，但質素比起蝦餃差了一皮。賣相唔夠工整；雖然也有一隻小蝦鋪在表面，但不夠鮮明。餡料有

媽媽生日, 當然要慶祝一番! 睇到報紙賣行晒廣告二人餐$438, 又係附近住, 就幫襯下.佢坐住輪椅, 我推咗20分鐘終於到埗, 滿心歡喜同侍應阿姐講, 我地要個438蚊二人餐, 個樣即係黑晒, 變臉都冇變得咁快, 話呢個位係打邊爐唔係食小菜, 另一位有walkie嘅侍應阿姐聽到即刻埋嚟話冇問題, 鋪張檯布搞掂, 跟住同黑面嗌埋壺茶等上菜.我地一邊飲住茶, 一邊睇住電視等, 20分鐘後我問有walkie位阿姐, 生日係咪有壽桃送, 佢仲好好人教我一陣同上菜姐姐講, 我仲心諗你都幾好服務, 抵我等咁耐.殊不知, 又過咗20分鐘, 19:30等到20:10, 媽媽見到隔離檯遲過我地入席, 已經上咗幾味, 有魚有乳鴿有蝦, 我地仲係得壺茶, 我就問阿黑面, 點解咁耐仲未上菜, 佢竟然話冇同我地落單, 仲問我地係咪而家落, 係就幫你落! 幾咁理直氣壯!我XXXX, 大半個鐘頭不停行過我地面前, 茶就上左, 菜就唔落單, 幫襯落去勢係假, 容乜易你幫我落單加料.叫佢計埋茶錢又唔計, 叫佢搵有walkie個阿姐嚟又唔敢叫, 最終我地起身走人, 先肯叫, 好似唔休冇生意做, 但一切已經太遲, 同wa

一家人12位，突然興起想任食打邊爐，打電話問有無任食，接電話的小姐說有多款任含食，去到餐牌上顯示没平價158的，只可選268一位的海鲜任食，坐低等左大半個鐘都坐任何野上（湯底都無），投訴後只上一碟魚皮食住先大部份料都無來，只有胤六基本的丸，腸，午餐肉，餃等魚片魚腩都無，部長說沒有了，會給我一轉龍等片，但等極都無，追問又咋唔知如果300一位只食都半只龍蝦，半只乳鴿，及一些基本野就唔抵食汽水，食材選擇少，唯獨龙吓叫新鮮没有下次

因為公司係附近關係.一直都有幫襯開！食物選擇多！這個隱蔽的空間是不少官塘打工仔的天堂。因為經濟, 地方又算乾淨！早上茶客多是區內的老人家⋯⋯是日與同事在這吃早茶！有早上孖寶點心！上湯菜肉雲吞！是上海式的菜肉雲吞！餡是菜加豬肉，皮香餡滑湯鮮甜。菜也爽爽的，感覺不錯！生灼田園疏菜。一碟簡單的白灼生菜加蠔油！清清地，就是食菜的最好方法！咸魚蒸肉餅用不銹鋼的碗有保溫的作用....咸魚就無乜咸同香味。肉餅肥肉同瘦肉分佈得非常之平均！口感腍腍的, 有少少軟綿綿的感覺, 飯粒粒煙韌, 充滿飯香.而且豉油夠香加上肉甜汁香...雖算不上是完美！只論好味, 就真的是好食！蝦餃的外皮略為黏了一點,蝦肉尚可！棉花雞看起來就不夠棉花了！魚肚發得未夠身，雖是這樣！但雞油雞汁的味道，充溢了整個小碟！香、甜味集一身！作為區內的公公婆婆，於內裡喝個早茶打個牙較！總算見證何謂知足常樂。