Flames (The Whampoa)

Open Now

Now Closed

農曆新年紅假最後一天，第二日就開始番工，加上情人節迫近，所以同屋企人提早食情人節飯☺️。雖然餐廳二人餐做緊六折，但我留意到用訂座平台 Book枱嘅話，主餐牌有五折😍，啱哂我地可以揀自己想食嘅野。晚上5點半到達，當時客人唔多，被安排望街景嘅座位，我地四個人坐圓枱有少少逼夾。我地叫左三個主食加一個小食，半價後連原價加一$500都唔駛，非常抵!!😏16oz肉眼(五成熟) $448牛扒大概1吋厚，肉質非常軟淋，牛味唔重但濃肉味同炭燒香。簡單用鹽調左味，所以唔沾個醬已經好夠鹹。忌廉薯蓉質地細滑，好有奶油香。廚師推介嘅意式辣肉腸薄餅 $158呢個PIZZA外貎令我諗起之前喺中環食果間Fiata Pizza🤗，個批邊同樣焗到焦黑、脹卜卜、夠乾身。食落當然完全唔一樣啦!! 😅不過呢個批用料充足，批邊微焦脆、焦香，食落唔油膩。炸魚薯條配他他醬 $158炸魚大件又厚身，食落無腥味；不過醃料較中式，花雕酒味幾濃😂最中意餐廳用有皮嘅粗薯條，灑左少少紅色粉，我估係另一款名叫澳式雞鹽薯條味，可惜唔熱又唔脆，估計係等埋炸魚所以放耐左。由於我地係薯怪，所以最後加多個黑松露薯條 $58呢個薯條新鮮炸出嚟，熱辣辣!! 外脆

原來黃埔都有flames 裝潢同觀塘個間大致都相同喜歡中央既位有半圓既sofa 位, 但今次兩個人同行, 都係坐唔到食物質素好穩定, 保持到同其他分店一致既水準是晚行完街六點零就去食好彩早到, 因為隔一陣就好多人入黎, 好快就FULL 左味道有保證而且價錢合理, 也不奇怪吧Crab Meat Penna $158 蟹肉巴馬臣芝士蕃茄忌廉汁通粉creamy 多汁, 而且真係食到一啖啖既蟹肉香郁濃味Aloha Pizza $178喜歡食港式pizza 既我, 加左菠蘿既Pizza 係冇乜抵抗力, 哈哈加上有火腿同芝士既成份, 成個口味都夾啦pizza 底比較薄所以一個人食兩塊都唔會太膩Not so Coca Cola $68 極邪惡!有vanilla, caramel, macadamia nut, lemon juice 既coka 其實加左caramel, 成杯野甜度好高但又真係好飲入口最主要係caramel 同coka 既味道, 其他既成份相對冇咁飲得出多加左檸檬汁都適當地減低左陣甜同膩Flames Lemonada $68 清甜帶少酸既味道甜度適中不太高兩杯飲品都好飲, 個人更愛這

第一次來哩間店，都系我朋友帶我來噶，話過來試試味道。哩間店環境系幾好噶，氛圍感好好，好適合聚會、情侶約會噶。不過我覺得性價比不是很高，屬於中高水準吧。我同朋友share了一份肉眼，叫左7成熟，份肉眼都幾厚身，應該有1寸厚，肉質非常軟淋，可能5成熟口感會更好，味道都幾好噶，唔會太鹹，有小小個仲炭燒噶味道。鎖住曬滴肉汁，一咬落去就充盈整個口腔，最享受這個時候了。

預約左 7個位，6大人 1小朋友，1嬰兒（網上預約有remark），book左6：45分，當日準時去到，佢就安排餐廳中間位置比較狹窄既8個位比我地，咁我就問可唔可以要有梳化既6人位置，因為有小朋友同嬰兒，有梳化位其實係比8個單獨位方便睇小朋友，但佢地就話無得轉，我問佢7人轉6人位都無得轉？佢就話等陣，可能去搵經理啦，咁條友黎到就講英文既就話無得轉，除非你7點走 （當時6點50分），如果唔係同屋企人食真係即刻走人，無下次。

約咗兩個朋友食晚飯傾下計，隨便揀咗呢間西餐試下，睇相環境都坐得舒服，OpenRice訂位又有折(正價餐牌7折)，所以就揀咗佢。但估唔到我一早訂咗位都要坐近門口，當晚仲要成間餐廳冇乜冷氣。入到去都full house，所以又熱又嘈，未食野先大打折扣。Menu選擇唔算多，我地小食、扒、意粉、pizza各叫一款share，再一人一杯mocktail 。黑松露薯條即炸嘅，但黑松露醬得好少，就係得面頭有味，所以食咗面頭果啲，後面就同普通薯條點茄汁冇分別。我個人偏向鍾意薯條還薯條，另外配黑松露醬黎點。蟹肉巴馬臣芝士脆脆蕃茄忌廉汁通粉通粉質地煙韌，蟹肉都幾多，蕃茄忌廉汁好啱配長通粉，另外面頭脆脆唔單止加咗口感，仲有微微咸香。意式辣肉腸薄餅薄餅質地似手工pizza，偏煙韌。即叫即焗，食落芝士可以拉絲，薄餅邊都脆。唯一佢每件pizza塊辣肉腸上面都加咗粒辣辣嘅蕃茄，唔食辣嘅要留意下。10安士肉眼扒配忌廉薯蓉先試薯蓉好滑好creamy。肉眼扒叫咗5成熟，小小肥，食落牛味算重，亦唔鞋口，熟到啱啱好。但都係普普通通嘅質素。整體環境都冇我想像中咁舒適，偏嘈，冷氣唔夠。食物質素就普普通通。如果冇折食，好貴，唔太值

今日同同事去黃埔Flames食嘢，本身同事好鍾意呢間餐廳食物所以再次幫襯，同枱連我有三個同事冇㨂到half buffet，然後同事拎完half buffet 之後share咗一舊食物比另一位食，然後侍應上餐湯嘅時候發現同事隻碟有食物碎屑，跟住就以審犯嘅態度加凌厲嘅眼神質問我同事食過咩，然後就話你冇揀half buffet 就唔可以食，你食咗就要比half buffet 錢，結果我哋有比返該同事嘅half buffet 錢。我明白道理的確喺餐廳方面，我哋理虧都明白，但原來偷食咗一舊食物嘅代價就係需要被審犯般迫宮兼認錯，我諗我哋唔使被報警話詐騙或寫悔過書已經萬幸。而今日餐湯有怪味我哋更加唔應該有任何投訴，因為去到餐廳已經見識過度自動門會壞攪到個客走唔到，如果有咩唔滿意我唔知會唔會需要被困直至認錯，我諗呢啲道德標準咁高嘅餐廳真係唔太適合我哋呢啲貪小便宜嘅小巿民。

同同事食過呢間店好幾次，地方坐得舒服。但食物真係一般，第一次食意粉好淡唔夠汁唔好食，二次risotto都係一般，湯唔熱，結塊，味道古怪。今日食第三次，燒春雞好乾，碗湯都係一貫作風地難飲。如果考慮加錢飲嘅就勸退了。最詫異係服務，我食咗同事沙律吧拎返嚟嘅食，就比店員審犯咁，一輪嘴問我隻碟上面嗰啲係咪嘢食，喺邊度嚟，係咪食物😨其實你好地地同我講話加反錢冇問題，唔需要好似審犯咁。基於服務差，食物一般唔會再嚟…

Walkin 入左 黃埔天地Flames職員介紹二人套餐 今日有六折⭐️香煎帶子南瓜蓉帶子煎得半熟 仲有grill 香 蕎麥三文魚子南瓜蓉配合剛好⭐️10oz 紐西蘭Reserved 肉眼扒厚身 五成熟煎得剛好個汁冇咩驚喜 配菜可以揀蔬菜薯蓉或者薯條薯條係用真薯仔整嘅 超級長⭐️帶子三文魚籽龍蝦汁點意粉龍蝦汁偏淡 似落左較多cream帶子有啲過熟隔籬枱食燒春雞好似幾大隻下次可以試下飲品方面餐廳有做Cocktail/ Mocktail/ Wine Pairing就好似買一送一我同男朋友叫左2 杯Cocktail💫Lychee Loving 唔會太甜 足夠vodka 好飲💫Peach Sparkling Lemonade 有少少藥水味 再酸d好d 冇咩sparkling 感覺甜品係Homemade cake 我地簡左每人一件Blueberry cheesecake 地址： Flames (黃埔天地) (紅磡)紅磡黃埔花園2期錦桃苑地下G10B號舖

食過Flames嘅lunch set覺得唔錯，今次嚟試吓晚餐，同友人嗌咗個二人套餐試。香煎帶子 配 南瓜蓉帶子嘅表面雖然煎到少少燶，不過入面煎得啱啱好，唔會太熟太嚡口，配埋啲三文魚子、藜麥、南瓜蓉咁樣食，個味道幾Refreshing，表面嘅燶正正平衡到魚腥味。香煎三文魚 配 松子仁炒菠菜苗三文魚皮煎得香脆，魚肉頗滑，本身有少少調味。幾欣賞佢炒嘅菠菜，毫無菜腥味，唔會太咸。略嫌佢又有三文魚子，呢個親子丼配搭個人覺得一般，夏威夷薄餅欣賞佢嘅菠蘿係一大片，可以按自己喜好慢慢切嚟配pizza食，唔鍾意食就可以直接成塊挑走。pizza皮邊焗得脆，不過個麵團比較煙靭，食嘢鍾意有咬口嘅人可能會幾鍾意。自家製甜品 - Blueberry Cheesecake and Passion Fruit Chocolate Mousse Cake 食完飯配埋甜品簡直完美兩款甜品都正常，比較有驚喜嘅係chocolate mousse cake唔甜唔膩，可以好快就食晒呢餐整體都幾好食，不過性價比較低，間唔中有特別catch up可以去食嘅。

連續第二個星期五來Flames. 因為晚上都有折扣，食物味道好，又坐得舒服。今次終於都無叫牛扒，叫了牛面肉來試試，比起牛扒，牛面肉較腍及滑，加埋伴碟嘅薯蓉，嘩D質地好夾呀～ 同朋友再叫左個Parma Harm pizza 🍕 share。個Pizza好足料，味道夠又唔會過咸，D rocket 仲好新鮮，不過今日個Pizza 底就好似厚左dd. 最後再加左個松露薯條就剛剛好了。薯條係粗幼適中，外脆內軟果種。加埋松露醬就完美。總括而言，食物環境加價錢是屬於性價比高嘅。會再來幫襯😊😊

之前同朋友食過呢間餐廳覺得ok， 所以揀咗呢間餐廳 同中學同學聚會， 一行12人 用openrice訂枱。 訂枱時並冇著名用餐只有90分鐘， 到達後餐廳侍應話只可以食90分鐘！ 但係香港有邊間餐廳唔係咁呀？！ 坐低請其中一個女侍應幫手recommend點咩菜， 想預返份量！ 呢個女侍應除咗傻笑之外， 完全畀唔到任何意見！ 點餐後食物並非立即送到， 份量亦非常少！ 於是中途亦都要加點菜。 就喺大家食到一半嘅時候， 侍應已經送上單據要求我哋確認。 我哋已經盡快盡力食枱上嘅嘢， 但係始終因為人數多食物亦都好多， 於是到咗90分鐘仍未能完成所有食物！ 有一個女士應應該係尼泊爾籍嘅， 不停對我哋怒目而視！ 呢個女士應亦都係中途我請她斟水畀我哋嘅時候， 態度非常差！ 期間我請他幫忙影相， 佢亦都係非常態度極之惡劣， 叫咗另外一個男侍應幫我哋影相！ 喺佢凌厲嘅眼光之下， 唔講以為自己係犯緊法！ 我哋三扒兩撥開即刻食曬啲嘢， 離開餐廳嘅時候簡直係畀人趕出去咁濟！其實12人咁多人又點可能90分鐘內食曬啲嘢！ 間餐廳又唔係出菜出得快！ 究竟係咪生意太好根本就唔珍惜客人呢？ 真係要問返呢間餐廳嘅老闆先知喇！

Pumpkin Cream Soup:       The richness of the pumpkin was perfect balanced, leaving me Craving for more with each savory sip. Topped with a drizzle of cream and toasted pumpkin seeds, it was a symphony of flavors that set the tone for the rest of the meal.Truffle Fries :      A  delightful twist on a classic favorite. Crispy on the outside, fluffy on the inside, and infused with the earthy aroma of truffle oil, each bite was a heavenly experience.  Crispy Suckling Pig with Spanish Rice and Brocc

最近 去黃埔aeon行完街，到附近醫肚見到呢間flame餐廳座無虛席之前有試過其他分店嘅flame唔錯就同朋友入去試試♥️Crab Meat Penne:蟹肉奶油扁意粉以奶油和蟹肉搭配而成蟹肉好鮮甜再撒上新鮮香草和芝士增添咗口感和層次感💕Parma Pizzaizza即叫即焗💕充滿咗地中海風情未上枱已經 聞到好香👍🏻成個pizza都好足料，鋪滿哂食材♥️House Made Cake:今次嘅蛋糕係藍莓芝士和檸檬撻蛋糕🧡兩款蛋糕都做得好出色👍🏻算係成餐飯嘅精髓藍莓芝士蛋糕：輕盈的芝士慕斯與酸甜的藍莓醬一齊食好match，食落係一種絲滑柔軟的口感再混合著清新的莓果風味蛋糕底部的酥餅更加增添了質感和口感檸檬撻蛋糕：淡雅的檸檬香氣和酸甜的檸檬餡食落味道平衡宜人✨軟滑的撻心和蛋糕一齊食，好清新👍🏻

Flames給我的印象是黑白簡潔裝潢裝修簡潔，燈光微黃，簡單舒服。這間餐廳和朋友可以傾好耐，而且佢有好多特飲🍹，又有調酒🍸！好鍾意呢杯藍色特調FLAMES LAGOO$78當日仲好襯我件衫嘅顏色😂藍精靈嘅顏色上面有塊乾檸檬片，餐廳店員會加入伏特加酒之後點火，每次來都有叫，打卡真係好靚！味道是帶微甜的雪碧和梳打水，酒味不是很強烈，幾啱女仔飲。

Flames • 黃埔聽朋友介紹推介呢間餐廳，所以今次一於試下。呢間餐廳網上好評都幾多，去到食野時見到都有4、5人排隊。餐廳環境幾好有格調，幾岩同另一半過來食😋😋..✅ 新鮮黑松露蘑菇薄餅 🍕$198薄餅幾大，薄批，批底偏軟身而批邊係脆口質感，上面一食就好濃黑松露醬，仲有蘑菇同芝士，雖然唔太岩想pizza有肉嘅朋友，不過論味道呢個都幾值得推介😙..✅ 燒大蝦三文魚籽龍蝦汁扁意粉 🍝 $158龍蝦汁幾香濃，扁意粉保留少少硬身質感；仲有啲三文魚籽加落去可以咬下bit下啲汁幾過癮；大蝦夠彈牙，可惜只有一隻餵左女朋友食，加多隻就好😙..✅ 香煎北海道帶子蔬菜沙律 🥗 $148帶子爽彈，外面微微煎香，食落唔知點解有陣少少嘅炭燒味；蔬菜普遍新鮮，上面少少黑醋汁吊味👍🏼