韓閣 (Foo Yu Building)

Open Now

Now Closed

今日(29-3-2024 Fri)復活節假期第一日晏晝,同老公買完褲就要食嘢,因為老公要食藥,而我又唔肚餓,唔知食邊間去,去路德圍吧,老公見到有韓閣,於是走嚟睇,門口有啲menu,見到有唔辣嘅嘢食同特別嘅菠蘿包,於是入嚟食.記得好耐之前,我帶過爸爸嚟食,亦係上次嘅食評,係喺2020年8月26日刊登嘅呢篇: https://www.openrice.com/zh/hongkong/review/%E4%BB%8A%E6%AC%A1%E9%A3%9F%E7%94%9C%E5%90%8C%E8%BE%A3-e3797347.入到去冇乜人,我哋坐一張卡位,店員話用QR code落單,我哋睇完menu後,就決定要$65.00嘅下午茶餐C,番茄辣湯泡麵,吉列豬扒拼豬肉粉絲餃,煙鴨胸沙律,要紅豆抹茶鮮奶.我要$42.00嘅燒雞泡魚乾同$32.00嘅橙汁菠蘿梳打.落完單,俾咗杯奶茶紅豆冰老公,老公話算數,唔換.我試吓飲,奶茶味係有但唔太濃,可接受嘅.2.8分之後番茄辣湯泡麵到嚟,見到有兩隻煎蛋同啲蔬菜,我驚辣,試少少,個麵太腍,番茄辣湯唔太辣,老公好失望.2.8分然後燒雞泡魚乾到嚟,呢個軟軟熟熟,用甜

荃灣呢個天橋城市一向美食多多，今次去咗一間喺荃灣好受歡迎嘅韓閣食韓國菜。芝士岩漿炒飯作為韓國菜餐廳，菜式一定唔會少得芝士，呢個芝士岩漿炒飯好邪惡，淋上咗大量嘅芝士，上枱時夠熱，可以做到拉絲嘅效果，每粒炒飯都沾上濃厚嘅芝士味道。牛骨蘿蔔湯牛骨用咗長時間熬製，不含味精，牛味好濃郁，而且味道清甜，加上蘿蔔，膳食纖維豐富，令到牛骨味道更加清甜。份量相當大一個女仔都可能未必食得晒😝鍾意食芝士嘅朋友仔真係唔好錯過😊😊位置相當方便荃灣地鐵站對面天橋一落樓就係， 食完飯仲可以慢慢行吓街添附近有多個大商場😉

香港🇭🇰荃灣🔥韓國🇰🇷芝士鍋🧀🥘與男朋友👩‍❤️‍👨來👉荃灣📍韓閣店內👉韓式氛圍滿滿，牆上貼了很多韓星海報💗韓閣歡樂盤-甜雞柳浓郁的三重芝士🧀融合每口都🈶濃郁的芝士口感嫩滑的雞肉和Q彈的年糕、蔬菜一起炒鍋內🍲還配有味飯、牛油滑蛋、韓式泡菜可以搭配一起享用😍真的好滿足😌💗真露煮青口海蜆不用錢的嗎？好多青口和海蜆💗香葉鹹蛋黃炸雞翼卡茲卡茲的雞翅還有好多的鹹蛋黃呢～愛了😍愛了😍💗紫薯奶裏面真的有紫薯的，而且挺多的💗400次咖啡喜歡飲咖啡的，我這杯好正啊📍 香港🇭🇰荃灣路德圍運通街地下10M號鋪荃灣站A1出口走3分鐘，或者在港珠澳大橋直接搭巴士也可以到，門口就是巴士站啦！

睇完韓劇總想食下炸雞🍗食下泡菜湯😂荃灣地鐵站行出天橋望到橋底附近有間韓國店🤩見到有齊我想食既野😂😂😂即刻走落去試試啦第一時間梗係叫芝士炸雞～仲要即叫即炸…要等⏳再叫個卷物食住先食住等韓國傳統口味的雜錦飯卷：紫菜飯卷住香腸、肉鬆、青瓜、蛋、灑上芝麻🍙飯卷一份有8件…味道都唔錯😋即叫即炸芝士炸雞🧀一上台熱辣辣💨拉絲芝士勁勁爆滿…芝士控必食😋夠脆口～雞肉都算滑韓式泡菜豆腐鍋豆腐勁滑😋吸哂泡菜湯味道～辣度適中

食物同價錢不成正比用餐環境一陣惡臭味食物得嗰相好睇 味道真係好差嗌咗個部隊鍋 如你所見 條腸仔一開二 幾塊淋咗嘅午餐肉 部隊鍋嘅味道不敢評論 唔知話佢清淡好定係乜嘢 根本同部隊鍋冇關係經過好多次 都想試吓 試過一次之後 永久Blacklist

今天來到荃灣《韓閣》吃午餐，這裡的午市套餐真的超抵食，除左抵食之外，還吃了一個吃完讓我們一起叫好，約定下次一定要再來吃的《芝士岩漿炒飯》，鐵板上完全滿瀉的芝士，拉絲芝士真的非常邪惡，啖啖香濃芝士味，最後連芝士焦都不可放過🙈，好味到停唔到口🤤，價錢才78元，😈簡直邪惡至極呀！64元的《鐵板泡菜五花腩配白飯》是韓國經典菜式，用上鐵板盛載，讓香噴噴油脂豐富的五花腩能夠keep住溫度，非常香口惹味，百吃不厭😋《香烤小食拼盤》非常豐富，有薯條，大蝦，炸雞，青口及韓式烤魷魚，醬汁香甜，煙韌有嚼勁😌

喺荃灣想用平民價，又食得豐富啲嘅韓國餐，諗起「韓閣」。食物款式多，味道合理，多款一人套餐幾十蚊就搞得掂，性價比好高！餐廳裝修走輕工業風，迎合年青人喜歡嘅風格。今次5點半前嚟到，食到下午茶餐，仲要免加一！✔️炸雞特餐$108呢個下午茶餐好抵！$108已有4件炸雞、芝士薯條、煙鴨胸沙律，2杯飲品！➖炸雞各有2件雞胸肉和雞鎚，外皮炸得香脆，而且係新鮮炸氣，熱辣辣。揀咗蜂蜜牛油味，點咗蜜糖和牛油嘅炸雞味道豐富可口。➖芝士薯條作為配菜，薯條份量一啲都唔少！經過炸至金黃色後，再喺薯條上撒上融化的芝士和白芝麻，整體感覺又香又酥脆，再配埋茄汁食，更滋味！➖煙鴨胸沙律個沙律主要係蔬菜，加上醋汁，面頭再加上一片煙鴨胸。➖大粒紅豆奶茶(套餐+$8)煮熟嘅大紅頭更有嚼勁，混合埋奶茶，口感甜美！✔️海蜆大醬湯配青口$68呢個湯都幾豐富，以海蜆和青口為主要成分，仲有海蝦、豆腐、泡菜、芽菜等。湯底帶有辣辣咸咸嘅味道，刺激味蕾，令人一啖接一啖。✔️泡菜豬肉芝士飯卷$58韓式飯卷內是薄切豬朒肉，煎至熟透，酸辣口味嘅泡菜，奶香濃郁嘅芝士味。每個飯卷都好飽滿，仲大大件。

手機下單後見廚房一直不停出外賣食物，打包一袋又一袋，我們等了超過半小時只送上一個石鍋飯及兩杯淡如清水的飲品，叫的是人蔘茶及雪梨飲，同飲滾水差唔多。因要趕著上堂所以問侍應還有多久，最初回答說差唔多，後來清完啲外賣單先話唔見我哋張單，反指我們手機沒有送出訂單，我哋話佢上左個飯同飲品了點會未送出。過咗數分鐘後又印咗張完整的訂單黎對還欠甚麼食物再催廚房開始製作，最終我哋因為佢整得來我哋都食唔切叫佢cut單。一次非常差的食飯體驗。

平日想食韓國野又想要性價比高 韓閣係最好嘅選擇🙌🏻• 韓閣雜錦蛋卷依個係我嘅最最最最愛🧡一定要第一個講！蛋卷個面鋪咗蟹籽同厚厚嘅芝士🧀一夾起就拉絲🤩芝士下層有泡菜 再下層就係蛋卷🍳只能說［超厚］！蛋味好香 蛋仲卷住蟹柳等等配料一個人真係可以自己食哂🤭· 甜辣味炸雞 半份炸雞有得揀雞件定雞翼 想要啖啖肉一定係要雞件😎半份個份量一啲都唔少 大癲😂成4-5舊大雞件+1個雞鎚 4個女仔1人1件就啱了件雞嘅外殼脆卜卜 甜辣醬原來都有啲料😗少少辣 雞肉都滑 真係好抵🤭· 牛肉石鍋飯石鍋飯嘅重點一定係要夠熱 整飯焦😚呢到嘅石鍋上枱已經聽到喳喳聲 個面鋪啲材料鋪得好整齊 有蘿蔔絲、芽葉、翠玉瓜、牛肉、仲有唔少得嘅雞蛋等佢熱一陣就加醬汁撈😎飯焦大大舊脆卜卜· 韓國魚糕片炒椰菜$48但比我想像中大份好多🤭仲要好多片魚糕片 正！椰菜同翠玉瓜都爽口 雖然係炒菜但唔會好油環境

每次去韓閣都會叫佢既全日A餐，62蚊有前菜沙律，有湯，兩舊炸雞，仲有石頭鍋飯加野飲，一個人食份量十足又夠飽肚。推介佢地既炸雞，今次叫左韓武甜辣醬芝士炸雞，一定要襯熱食，夠哂熱辣脆口，雞肉夠嫰又多汁，芝士仲可以拉埋絲，芝士控必定會鍾意。以家仲有小食優惠，總共有12款選擇，今次我叫左芝士熱狗棒，點茄汁食夠哂惹味。黎到緊係要食韓武全統炸醬麵啦，今次叫左五花腩炸醬面，麵底份量十足，味道調教得好好唔會過咸，五花腩炆到好淋。最後叫試埋兩款特飲，凍400次咖啡同熱紫薯3牛奶，係咁凍既天氣下飲熱紫薯牛奶成個人暖哂，重點餐廳係用3.6牛奶架。

呢間韓國菜喺荃灣都有段時間，系競爭咁大嘅地區經營咁耐，好值得去試嚇。一坐抵職員就送上泡菜同涼拌芽菜，韓國風味十足呀！韓閣歡樂盤可以自選鐵板主食，分別系牛肉/甜雞/辣雞/泡菜五花腩/牛仔骨/香辣魷魚筒。我就揀咗辣雞，韓式嘅辣味，辣度低，配埋特調三重芝士鍋就更加唔辣。鍋邊仲有紫菜飯，泡菜，粟米滑蛋同菠蘿。芝士韓式炒飯用上海量嘅芝士圍邊，打卡一流，襯熱將芝士同飯攬伴，令每粒飯都沾滿芝士。炒飯加入咗五花腩同泡菜，整體都好邪惡呀！ 香港探店，美食日常 ，美食探店 ，情侶約會好去處，吃喝玩樂 ，韓國料理，韓國菜，韓式

荃灣有好嘢食🤗🤗lunch搵到間又平又好食嘅韓國餐廳👍🏻👍🏻⭐️韓閣歡樂盤 $198入面包好多嘢食，紫菜飯、芝士年糕、牛肉炒雜菜、泡菜、菠蘿、粟米蛋等等，超級豐富！份量足夠2-3人食👍🏻👍🏻開咗爐之後，芝士🧀會有拉絲🤤🤤一定要趁熱食！唔好太大火，年糕會黐底！⭐️紫菜肉鬆蛋捲 $72啱啱整起，新鮮熱辣，好好食，入面有好多層，口感豐富，而且都幾大份，好飽肚😋😋⭐️3.6牛乳紫薯奶 跟餐$28好香紫薯味，牛奶好滑，暖暖的好好飲👍🏻👍🏻

最近天氣低於十度好凍好凍咁凍天氣最想就係食韓國燒荃灣這間韓國餐廳就喺荃豐中心對面非常方便睇到餐牌覺得價錢好化算食完更加覺得性會價比高👍🏻。韓閣歡樂盤 -$198鐵板上可自選食材配炒年糕加特調三重芝士旁邊有紫菜飯、粟米滑蛋、泡菜、菠蘿、韓式牛肉一次過滿足所有想食嘅嘢而且份量都多一邊加熱一邊等芝士溶化再有拉絲嘅效果大家都食得好開心 😁。泡菜炒韓國泡麵 -$42呢個價錢食到韓式泡菜拉麵真係抵到爆泡麵係似撈麵咁好惹味🤤。豬肉粉絲餃紫菜粉絲卷跟芝士鐵板 -$58呢個價錢又係好抵估唔到芝士仲有拉絲效果粉絲餃同粉絲卷都好入味 兩隻口感唔到但各有各好味 😋

我地今晚嚟到荃灣嘅韓閣餐廳食晚餐，距離荃灣地鐵站只有幾分鐘嘅路程。餐廳裝修好時尚，入面有啲霓虹燈，營造出一個年輕時尚嘅氛圍。今日我地特登嚟試韓閣嘅「歡樂盤」。呢個大鐵盤入面裝滿咗各式各樣嘅食材，真係包羅萬有。佢非常足料，包括前菜、主菜、配菜同埋生果。首先，主菜可以揀牛肉、甜雞、辣雞、泡菜五花腩、牛仔骨或香辣魷魚筒。今次我地揀咗甜雞，佢配咗特調三重芝士，味道十分之惹味，芝士份量非常多，而且可以拉絲。因為佢太好味，所以好適合配埋隔離嘅紫菜味飯。隔離嘅牛油滑蛋香濃可口，食咗一半嘅時候，再配一啖泡菜，可以平衡返味道，令到感覺更加清爽。而且歡樂盤下面仲有個Gas爐，令到上面嘅食材保持熱辣，不斷冒煙。最後，入面仲有菠蘿粒，好清新，我絕對推薦呢個歡樂盤，因為入面有晒唔同種類又好味嘅嘢。另外，我地叫咗彈牙炸蝦餅，一客有四件，外脆入面彈牙，送上嚟嘅時候仲熱辣辣。另外仲叫咗一個甜辣年糕腸仔串，果然好有驚喜，原來佢係腸仔同年糕夾在一齊，炸到好趣脆，但入面嘅口感卻煙韌。最後，叫咗一杯粉紅櫻花海鹽特飲，佢嘅味道非常特別，有少少鹹味，而且配上乳酪，顏色非常靚，最適合影相打卡。近排天氣好凍，外面又大風，最啱嚟韓閣食

由中學食到大學就快畢業，之前次次嚟食都係嗌湯飯，唔知點解今次食 問侍應有冇湯飯 佢話冇。仲要話喺度返工咁耐都冇見過，咁我之前係食咗啲咩..我都唔知，同埋唔知點解佢講嘢可以咁串😅好啦，個泡菜湯嚟到，一嚿泡菜都冇，個湯面頭飄咗一層好油膩既辣油，湯底一啲酸味同泡菜味都冇（可以睇相），係完全冇泡菜的😃於是我問侍應呢個係咪泡菜豬肉湯，點解會冇泡菜 都冇酸味？佢話啲泡菜溶咗落湯底（我笑咗出聲），咁都算啦，我再問佢咁湯底點解冇泡菜味？佢就叫老細嚟應我，老細嘅回答都一樣，話啲味道溶咗落湯底，佢都解釋唔到點解冇泡菜，於是話直接拎一兜泡菜俾我。咁都冇辦法啦，個湯底又冇鹹味又冇酸味，都唔知可以點算。最差既一次體驗，唔知間餐廳發生咩事..唉另外朋友嗌既蕃茄辣湯麵，唔知點解變咗撈麵咁，冇湯 變咗一堆汁，食咗一半已經覺得好鹹好口渴，飲完佢杯野飲之後都係唔解渴..😖總之就以後都唔會幫襯，已入我blacklist😀如果大家想試都可以，唔好抱有任何期望，應該就唔會有事！