Plato Cafe & Bistro (Woosung Street)

Open Now

Now Closed

今天相約幾位為食朋友到訪位於佐敦的「Plato Cafe & Bistro」享用晚餐餐廳環境寬敞，簡約西餐廳及咖啡室的佈局，感覺衛生；晚市提供套餐----------🔹至尊二人套餐 $548▶前菜：西班牙風乾火腿伴哈密瓜沙律及是日餐湯哈密瓜爽甜多汁，蔬菜新鮮，伴以油脂豐腴的風乾火腿，是不錯的開胃菜▶主菜：法國燒春雞春雞油光感足，賣相一流，伴以蓿條及沙律菜春雞外皮薄而輕脆，肉質嫩滑而肉汁豐富，鹹香適中；薯條份量豐富，沙律菜夠解膩▶主菜：西班牙龍蝦海鮮飯原隻龍蝦配以青口及魷魚圈；龍蝦肉嫩帶鹹鮮，魷魚圈腍滑；米飯吸收海鮮汁後味道不俗▶甜品：芝士蛋糕堅硬挺身密度高，芝士及甜度取得平衡▶甜品：升級朱古力心太軟配雪糕 +$48心太軟切下時如岩漿流瀉，外脆內軟的口感，加上熱焫焫的流心朱古力、冰凍的雲尼拿雪糕、水果乾及 Granola，口感豐富▶飲品：Hoegaarden (500ml) +$66▶飲品：薄荷朱古力奶昔 $26稀稠度及甜度皆適中，薄荷朱古力必點----------🔹晚市套餐：澳洲肉眼牛扒 $258配是日餐湯，飲品點選焙茶鮮奶 +$16肉眼扒點選7成熟，配上焗薯及沙律菜牛扒切開時呈粉嫩，

喺尖沙咀附近行完街同朋友食夜晚，見到依間Plato入面都幾多人，同埋個二人餐都好似好抵食。二人套餐嘅選擇都有好多，我同朋友前菜就叫咗煙三文魚凱撒沙律，餐湯喺甘筍湯。主食就叫咗波士頓龍蝦龍蝦汁意大利飯，同埋澳洲肉眼牛扒，仲包兩杯飲品，我哋揀咗水果冰茶，食完之後仲有甜品揀，蛋糕同埋Movenpick雪糕，我哋就揀咗朱古力雪糕。頭先佢個前菜沙律性價比高，冇諗過咁大兜，沙律嘅配菜都有好多，同埋好重芝士粉。主食個波士頓龍蝦龍蝦汁意大利飯，隻龍蝦都整得好食，肉質嫩，有膏，唔錯。另外個龍蝦汁都鮮甜，唔會太膩，意大利飯嘅份量亦都足夠。朋友嘅澳洲肉眼牛扒都處理得幾好，見佢剪得好嫩口，配菜個焗薯都幾好食，整體嚟講唔錯。

🎪 Plato Cafe & Bistro (佐敦)佐敦吳松街186-188號地舖好耐無岀街食飯～簡單搵左間餐廳，輕鬆食個晚餐🥣晚餐價錢由$128-$258，坐左係小角落，服務細心，上完一道再一道菜。🌟精選二人套餐 $498✨前菜：天婦羅魷魚鬚+是日餐湯小食魷魚鬚要讚下，入口魷魚鮮甜，炸醬不厚夠香脆，醮埋醬汁夠惹味。✨龍蝦汁波士頓龍蝦意大利飯龍蝦有成半隻🦞肉質新鮮～意大利飯有一定濕度，粒粒飯有滿滿龍蝦汁，味道濃郁的～✨肉眼牛扒肉眼扒好大塊一片，叫左五成熟～牛味濃郁，肉質嫩口，仲配上薯仔蓉🥔夠晒飽肚😋✨甜品/ 飲品揀左芝士蛋糕和提拉米蘇，芝士蛋糕正常發揮，提拉米蘇質地較實正～飲品包兩杯$32，加錢要左杯咖啡☕️咖啡較岀色，濃香醇厚。

自從冇咗油麻地嗰間分店就已經有一排冇食過plato😋終於約埋朋友嚟佐敦這一間分店好耐冇食，樣樣都想食就叫咗個二人餐一個米飯主食+一個肉食主食+ 兩個湯 +一個前菜+ 兩杯飲品+兩個甜品， 先至$498龍蝦汁波士頓龍蝦意大利飯,上面真係有半隻龍蝦, 好少食意大利飯係成碗都好熱好熱好熱咁樣， 係熱到食入口會燙口嗰種，覺得好有驚喜， 海鮮類食物夠熱會特別好食龍蝦都幾多肉， 食落冇雪味炭燒澳洲牛肉肉眼扒, 肉味濃鬱, 仲要整塊沒有筋， 覺得質素都幾高， 同埋都好大塊微微的暗紅色好正伴菜有一個焗薯覺得好好唔係一般嘅薯蓉， 係一個完整嘅焗薯呢兩個選擇我都覺得好滿意覺得餐廳製作食品用心，飲品都做得好精緻甜品芝士蛋糕， 比想像中好食，蛋糕夠硬身但又唔會死實實整體建議夜晚食飯一定要訂枱 ，因為餐廳都幾full

好耐無同男朋友撐枱腳！見到呢間餐廳環境寬敞，價錢唔貴，就一齊去試吓啦～🌟$498二人套餐🥣餐湯是日餐湯係蘑菇湯，飲落有細細粒嘅菇仔，口感不錯。🦑日式天婦羅魷魚鬚採用日式天婦羅炸粉為魷魚裹上粉漿，食落粉漿薄同時魷魚爽口，點埋隔離嘅醬汁令味道更添層次。🍝波士頓龍蝦龍蝦汁意大利飯上枱大大隻龍蝦🦞，啲肉都好易拆開食，意大利飯粒粒飽滿，配上龍蝦汁蘑菇、蘆筍、三色椒，味道層次豐富同時鮮味突出。🥩澳洲肉眼牛扒牛扒燒得好香，揀咗5成熟，切開熟度剛好，筋位唔算多，食落啖啖肉🥰配菜都好有誠意，有酸忌廉芝士焗薯！軟身嘅薯仔加埋濃郁醬汁，夠晒飽肚🍰甜品 甜品係芝士蛋糕，質地實正，入口散發淡淡芝士味～🍹雜莓乳酪 / 🫖蜂蜜柚子茶乳酪超大杯，飲落好滿足好足料，仲有少少果仁喺面；蜂蜜柚子茶甜甜哋，幾養生😙

今日要喺佐敦上堂，所以就提前喺openrice搵咗間餐廳同老公二人世界。Plato Cafe & Bistro 喺九龍公園對面好易搵。餐廳枱與枱之間有足夠嘅距離，可以輕鬆傾吓偈，坐得舒服😌我哋點咗個$498嘅二人餐，有餐湯、前菜、兩個主食、飲品同甜品，性價比都高👍***椰菜花忌廉湯***Creamy，仲有淡淡嘅椰菜花甜味，幾特別***酸忌廉煙肉薯條***薯條熱辣辣，配埋個酸忌廉醬都幾好味👍***芒果沙冰***呢個芒果沙冰真係不得了，濃濃嘅芒果味，下面仲有芒果肉，又夠大杯👍***香蕉朱古力奶昔***呢杯奶昔朱古力味不是太重，但好香嘅香蕉味，混合埋忌廉好香滑。***龍蝦汁波士頓龍蝦意大利飯***龍蝦好多膏，呢個飯份量好多，而且個汁都好濃好好味***炭燒澳洲肉眼牛扒***牛扒好有水準，我哋選咗五成熟，出嚟個效果真係啱啱好，充滿肉汁，而且塊扒都好大塊，仲有薯仔同沙律菜拌碟，下次一定都會再叫👍***日式芝士蛋糕***芝士蛋糕香滑濃厚，味道不錯👍***Movenpick 朱古力雪糕***估唔到是日甜品仲可以揀Movenpick雪糕😂總括而言，呢間餐廳啲食物份量好多，就算再多個人嚟都食得飽。最推介係

之前喺油麻地成日同朋友食，原來搬咗去佐敦，都仲keep住咁好食，i am back🥺七點半未夠都坐滿咗，好彩早咗少少去。卡邦尼煙肉意粉勁鐘意個卡邦尼，一啲都唔水，同埋真係用咗蛋黃嚟整，掛滿晒喺意粉，仲有煙肉嘅鹹味，而且落咗磨菇，令到意粉唔會漿埋一齊，用磨菇嚟分隔好聰明，又好食！德國脆皮咸豬手個咸豬手炸完出嚟出晒煙，同埋炸得好脆，豬手肉都好分明，好香豬油味，豬皮嘅皮下脂肪帶有一點豬臊味，好香口！西班牙咖啡係咖啡加咗雪糕，咖啡味好濃，而且雪糕融合咗之後，冇搶走咖啡味，反而更加特出，好濃味。蝶豆花鮮奶估唔到鮮奶都見到超靚拉花，蝶豆花隻色真係好靚，同埋加埋奶嘅少少甜，味道好清香，好滑好香！BBQ汁雞翼BBQ汁超正，雞翼炸得好脆，加上有沙律，小食盤嚟講都好高質！南瓜湯估唔到南瓜湯咁清甜，仲有啲南瓜肉，好好飲！

朋友生日話想食西餐 之前同其他朋友食過呢間覺得幾好食就決定encore啦! 我地揀咗個精選二人套餐 對於2個女仔嚟講都已經好夠食是日餐湯: 甘筍忌廉湯有淡淡嘅甘筍味 飲落好creamy前菜: 煙三文魚凱撒沙律份量係好大碟 沙律面頭灑上咗芝士粉 仲有煙肉碎同多士粒 食落好開胃北海道帶子松露野菌意大利粉 意粉好掛汁 每一條都充滿黑松露嘅香味 而且有3粒帶子同少量菇菌係入面 不過食到最後會覺得有少少膩 所以2個人share食就會比較好主菜: 炭燒澳洲肉眼牛扒牛扒方面我地揀咗7成熟 肉質幾嫩食落唔會鞋口 伴菜嘅焗薯連埋蛋黃醬同煙肉碎咁食 感覺幾有驚喜 是日精選甜品: Movenpick朱古力雪糕甜品有得揀日式芝士餅或者雪糕 但食到最後我地2個都已經好飽 所以就揀咗雪糕 希望下次有機會試個芝士餅飲品方面就叫咗冰果茶同凍檸檬茶(走甜)冰果茶飲落係水蜜桃紅茶 凍檸茶茶底唔錯 2杯凍飲都好解渴

餐廳裝修簡約，木系枱櫈，暖色燈光，令人感到舒適和放鬆。餐牌可選二人套餐或晚市套餐，仲有All Day Breakfast和多款特色意式食品，包括Pizza、Burger、Risotto、Pasta、咖啡等。我哋揀既精選二人套餐，有齊餐湯、前菜、主菜、意大利飯或意粉、甜品、飲品。南瓜忌廉湯：南瓜湯口感幼滑，濃稠適中。日式天婦羅魷魚：外皮呈金黃色，香口酥脆，配上海苔粉和沙律醬，倍添惹味。炭燒澳洲肉眼牛扒：牛扒燒得好香，牛味濃郁，肉質軟嫩，帶適量油花；焗薯面層既煙肉相當脆口，沾上沙律醬，味道更出色。北海道帶子松露野菌扁意粉：北海道帶子肉質細嫩，散發鮮甜味道，意粉很掛汁，沾滿松露醬既香氣。日式芝士蛋糕： 芝士蛋糕香軟幼滑，口感綿密，濃郁芝士味。總結，食物製作用心，份量恰到好處，性價比高。

今晚喺佐敦附近做完嘢就過嚟食飯環境都唔錯，幾闊落咁，都坐得舒服餐牌我地揀咗$498精選二人套餐，有齊餐湯、前菜、主菜、甜品同飲品，好抵食！忌廉蘑菇湯都重忌廉味，好滑～酸忌廉煙肉薯條薯條係幼身的，都炸得幾脆，配酸忌廉好開胃冰果茶入面都有啲水果粒，甜甜地幾清新澳洲肉眼牛扒我地揀咗medium，煎得幾靚，肉質唔會過韌，旁邊嘅焗薯都好食！波士頓龍蝦龍蝦汁意大利飯真係有龍蝦～龍蝦汁嘅味都幾重意大利飯唔會太濕，都唔錯cheesecakemovenpick 雲呢拿雪糕最後就係甜品，可以要蛋糕定雪糕，我地就各一，試哂兩樣Cheesecake好濃芝士味，而movenpick當然好食啦食到好飽！呢個價錢食到咁多嘢，仲有牛扒同龍蝦，真係好抵食

餐廳位置在佐敦，地鐵站D出口步行4分鐘就到，在童軍總會斜對面，很好找。 餐廳有二款套餐，點了至尊二人套餐 $546。沙律有西班牙風乾火腿伴哈蜜瓜沙律 及蕃茄湯Main course 主食：美國安格斯肉眼牛扒，5成熟，剛剛好，外面烤得焦香，里面仲保持到多juicy 同軟滑. 這價錢可以鋸扒，旁邊仲有沙律菜同焗薯，真係抵到爛.龍蝦汁虎蝦義大利飯，虎蝦超大一隻，義大利飯用龍蝦汁燉過很香，每一粒飯都有龍蝦的鮮味，飯粒有韌性，口感很好，非常推薦。甜品：芝士餅同movenpick 雪糕！！！雪糕有雲呢拿同朱古力味🍦 個人喜歡雪糕多一點🤭套餐還包了二杯$32 樓下的飲品～冰紅茶同凍柚子菜剛好在金額以內～店員服務態度也很好，會主動換碟，每碟上菜的時間也剛剛好

{肉肉二人前晚餐 - $526}約好耐無見嘅朋友一定係要搵一間坐得舒服，又可以傾偈嘅好地方！呢間Plato Cafe fit 晒！最正係佐敦呢個地方方便大家，門口有錶位泊車，搵唔到位可以直接上童軍會泊車過對面就係勁方便！兩個麻甩兩份肉肉開懷談心勁開心！♦️澳洲肉眼扒明顯用咗靚靚嘅肉肉，肉質鮮嫩又香口，同埋廚師真係做到五成熟（講真好多餐廳都係問完你要幾多成熟之後唔知煮咩俾你🤣）啱晒我胃口！配菜都唔簡單，個焗薯焗得好美味，連埋沙律一啲都唔馬虎！♦️德國脆皮鹹豬手呢個要等一段時間先至有得食，原來真係慢功出細貨，個豬手做到真係脆皮，脆卜卜！但有樣嘢佢做得比其他地方出色，就係豬手嘅肉超級腍同埋入味！好似經歷過慢煮，然後再將表皮烤到極脆咁！兩碟肉肉都值得encore!♦️美式咖啡 + Smoothie芒果沙冰美式咖啡好香咖啡味，唔係普通茶餐廳咖啡😂但朋友話成晚嘅MVP 竟然係芒果沙冰，凍冰冰嘅沙冰搞到超級棉滑，入口即溶，而且滑滑，濃濃嘅芒果味！佢講到話每次嚟都會再嗌！其實二人餐超級抵食，不過我哋兩個都唔好甜品費事嘥嘢，但係set dinner都勁多選擇，成餐飯都食得勁開心，下次一定會

今日老公生日，佢話想食西餐。之前在佐敦做嘢見到呢間餐廳，感覺幾好，咁就揀左呢間餐廳食生日飯。餐廳幾大，木系裝修，坐位寬闊，坐得舒服。既然老公生日，咁就食好D。見到個deluxe二人餐都幾啱食，又抵。有前菜、餐湯、主菜、飲品仲有甜品添，主菜仲有老公最鐘意食嘅牛扒同春雞揀，fit晒。是日餐湯：蘑菇湯濃結適中，口感creamy，啖啖蘑菇味，OK喎。白酒忌廉汁煮青口：白酒味都幾出，煮到青口幾入味。另外仲有三色椒蒜頭等做配菜，食落唔會覺得單調。炭燒澳洲肉眼牛扒：伴菜有胡麻醬沙律菜，乾淨爽口。仲有剛剛炸起著條，熱辣辣，夠脆，香口。牛扒叫左五成熟，切開紅紅地，口感唔會太厚實或太軟，係剛剛好，調味唔錯，點唔點牛扒汁都好好食。法國燒春雞：半隻春雞燒得都幾靚，比平時食開果D春雞大隻，但肉質都係嫩，唔鞋口，好夠味。旁邊同樣有胡麻醬沙律菜，呢個就配焗薯，無咁熱氣，我就鐘意呢個配搭。荔枝花茶：成個茶壺上，大大壺，仲有個爐點住火keep warm，花茶緊係熱先好飲，飲到最尾都唔怕凍晒。Matcha Latte：鮮奶味比較rich，帶淡淡抹茶味，夠凍少甜，幾好飲。甜品：New York cheese cake口感軟

Vivian繼續舔舔舌之旅，呢間嘅薯條&意大利飯都好食😋野好食 歌好聽Menu套餐有前菜三揀一仲有餐湯南瓜湯好濃郁creamy ，打得好滑，完全唔鞋口好鐘意食呢個薯條，因為好脆又唔乾，唔會拮口，而且個醬同薯條好夾，唔‘漏’龍蝦汁波士頓龍蝦意大利飯意大利飯粒唔硬，唔似其他餐廳煮到半生熟咁，每粒飯粒都有醬汁，又唔會太濕，仲有隻半開龍蝦&大大隻鉗，好多肉，好味，Vivian好愛😍炭燒澳洲肉眼牛扒塊扒好嫩又juicy，仲有個焗薯仔，份量真係足料，2個人食，呢餐連Vivian都覺得飽是日精選甜品兩份有少少驚喜，甜品都做得唔錯，tiramisu剛好，唔會太濕，個芝士蛋糕唔會太heavy，食完唔會好滯，幾好晚市精選二人套餐包埋野飲😍

朋友多嘅好處就係每年12個月入面，每個月都要食生日飯😈亦係吃貨嘅最佳表演時候，因為一定係我負責搵餐廳🤟🏻好彩so far係朋友圈入面風評都唔錯😹今次揀左佐敦嘅plato café（就佢放工），老招數都係openrice搵，選擇多之餘仲好抵食，最後揀左二人套餐，每人250唔洗😽重點係好食！最緊要我老友滿意😜 精選二人套餐 ＄498🔥酸忌廉煙肉薯條🍟薯條炸到金黃酥脆，外脆內軟，好好味，雖然係幼身薯條但入面都好多薯蓉🥔煙肉碎粒香脆，有少少煙燻風味🥓加上酸忌廉醬，酸中帶甜，增添咗濃郁嘅忌廉香味，依個配搭非常match😋 🔥帶子黑松露意粉🍝帶子鮮甜彈牙，散發出濃郁嘅牛油香味，份量都唔少兩個人share都好足夠😁意粉煮得剛剛好，唔會太腍或太韌，仲完美吸收咗黑松露醬汁嘅獨特滋味，非常掛汁🤩但食到最後都唔會覺得膩！黑松露醬汁意粉雖然好多地方都有得食，但煮得好食既真係唔多，依間不錯👍🏻 🔥澳洲肉眼牛扒🥩好大塊肉眼牛扒仲好厚身，嗌左5成熟，切開睇煎得恰到好處，粉中帶嫩，幾滿意😍外層煎至微焦，內部仲保持嫩滑多汁，一啖咬落去牛嘅肉汁散發濃濃嘅牛香🤤口感豐富，唔洗點醬汁都夠做(醬汁都好味)而且都有唔少脂肪位，雖