牛品台式火鍋

Open Now

Now Closed

買完手搖飲品見到隔離宣傳有芫茜皮蛋湯底火鍋任食！芫茜迷朋友即話要試！仲話夏天涼住冷氣打邊鍋，有另一番滋味！笑死我！為左佢的芫茜湯底，真係咩理由都搵到。我地六點半入到等左一陣就有位，環境又大又闊落，好坐。湯底有十款可供選擇，揀咗牛御品餐，靚牛配靚湯。#M9和牛、#高質牛小排、牛舌片，一口和牛，任叫任食，入口即化，牛肉味香，有驚喜，爽口彈牙唔韌。可以食到超正的日本宮崎縣A5和牛，好滿足。最重要都無漏單，出餐快。而我仍最愛海鮮為主，有大大隻鮮鮑魚，爽口彈牙，好食。鮮蝦及卜卜蜆都一樣好出色！特別係蜆，大大粒，無沙，鮮味十足！大愛！除咗落單食物，出面仲有不同的自助區・火鍋料食物區，一般丸類、菜類、菇類、等等。飲品區，一般罐裝飲品，選擇好多，總有一款岩你！仲可以配樓下的春陽茶事飲品，即可享折扣價$20一杯(原價需$30-39不等)。甜品及雪糕自助區，大推！自由配搭口味，份量自選，絕不能錯過！而雪糕仲要係haagen dazs，多款可選，好好味！抵食，性價比極高，台灣直送火鍋配料、地道夜市小食、精選海鮮及飲品等，款式豐富，以親民價格讓客人品嚐最原本最高質的台灣味道，值得欣賞及再來。

我和家人去咗尖沙咀樂道「牛品」食台式火鍋，火鍋店坐滿咗顧客，好熱鬧。我哋揀咗120分鐘晚市食到飽嘅牛御品套餐。如果你5:00至6:30pm入座仲係$319，比7:00pm先入座平$40。呢期食火鍋仲送春陽茶事嘅飲品。係免費嘅，每人一杯。我哋要咗珍珠鮮奶茶同埋翡翠檸檬綠茶。好飲。 今期有新嘅湯底，綠野仙蹤濃湯鍋，主要係芫荽皮蛋豆腐，今次食完火鍋真係冇覺得熱氣同埋有燥底喎。👍我好鍾意呢個湯底。每個客人會有一隻鮮鮑魚，我哋叫咗美國風門柳、澳洲M9肩胛肉，牛肉好嫩滑，仲有蝦、台灣魷魚仔、蜆等任叫任食，西班牙栗子豬肉、紐西蘭羊肉卷、花雕酒雞件、麻辣鴨血、原味香腸、魚肚等等，款式多，有鮮味。 其他嘅丸仔，鮮菜、響鈴卷、魚皮、炸番薯條、蝦片等出邊都有好多好豐富任你選擇，真係出嚟打邊爐好方便。仲有啲熟食好似豬肚、燉湯⋯⋯非常之全面。其他啲台灣烏龍茶、洛神花茶、汽水全部都任飲任食，咁嘅價錢其實真係好抵。火窩店有飄雪綿綿冰，顧客可以喺冰上邊任意加Häagen-Dazs雪糕，芋丸、仙草、紅豆呢啲甜品都幾得意，食完火鍋食返啲甜品非常之正。食完我都會推薦啲朋友嚟呢度敘舊同埋打邊爐，真係慳水慳力兼好食抵食。

最近搵到尖沙咀有間台式火鍋，地點方便易搵，就喺尖沙咀isquare 附近，唔使行好遠就可以食到幾有台灣風味既火鍋店首先，佢哋嘅120分鐘任食火鍋套餐都幾抵食，我地當晚揀左牛御品套餐，$359加一，仲送春陽茶事台式飲品！佢哋湯底就真係多到你唔知揀邊個好，一共有10款，全部都好想試！我地最後揀左元氣養生湯底，真係滋味濃郁，令你一啖之間就覺得身體好滋好潤！佢仲送兩隻大大隻鮑魚添佢哋嘅肉類選擇都好豐富，有澳洲M9和牛、美國牛小排、一口牛同埋封門柳等等，仲有西班牙豬梅肉，五花肉同羊肉！真係好多選擇，我個人最鐘意澳洲M9和牛，入口溶化而個牛味都係最出除咗肉類，佢哋仲有唔少其他嘅選擇，例如醉雞件同埋海鮮，有蝦、青口同埋蜆！唔係咁鐘意食肉嘅朋友都可以試下佢哋嘅豐富蔬菜同埋菇菌，真係好多款式可以揀擇！如果你鍾意小食，佢哋嘅鹽酥雞、地瓜丸同埋香腸都好好食，一定要叫埋！最後梗要食埋佢地d甜品啦！佢哋雖然係主打台式火鍋但係都有好多甜品選擇！你可以自己DIY飄雪綿綿冰，仲有台式芋圓吧加返你鍾意嘅toppings，仲有4款Haagen Dazs雪糕添！呢度食物多種類，味道好味，地點方便，坐得舒服，QR code

餐廳由屢獲殊榮嘅台灣廚師李龍翔師傅主理，主打120分鐘任飲任食台式火鍋放題，主打正宗台式風味湯底，亦有供應多款台灣直送配料同小食，座位闊落，空間感十足，值得到訪！肉有齊豬牛雞羊，海鮮亦有唔少選擇，M9肩胛肉牛味香濃，帶點咬感、第一次喺火鍋食一口牛，要注意時間、蝦夠大隻，爽口彈牙、水蓮菜比較少見，台灣special、蝦滑同花枝漿都唔錯，仲有嫩口鮮甜嘅深海魚柳同花雕醉雞，質素👍🏻比起肉/海鮮/蔬菜類，呢度最特別莫過於台式小食！款式總多，淨係食呢啲已經飽咗一半，鹽酥雞、椒鹽蝦、牛三寶、炸地瓜丸、甜不辣、香腸、蔥餡餅、黃金魚蛋，應有盡有，眼花撩亂🥹個人最鍾意蘭陽糕渣，宜蘭傳統手路菜，外冷內熱，外脆內煙韌，超級特別，越食越上癮、墨魚仔大大粒，QQ地，爽口彈牙、皮蛋豆腐入口滑溜，配上醬汁好惹味，呢幾款encore唔少次！最後唔少得呢度嘅甜品區域，一定要留肚食，可以自製飄雪綿綿冰，再加toppings、雪糕同醬汁，薏仁、紅豆、寒天、西米、椰果、愛玉、仙草、芋圓、紫米、花奶、黑糖、糖漿、雪糕筒、我全都要！食到好興奮，好瘋狂，大滿足❤️

🍲 120分鐘晚市吃到飽套餐 - 牛極品（$279）今次想介紹俾大家既係呢間台式火鍋，套餐分別有四個等級（上/極/御/殿），當然唔同等級食物既種類都會有所分別，今次就簡左「牛極品」套餐。🥣首先係揀湯底就已經有十幾款選擇，當中仲有兩款最新出限定既北投魷魚螺肉蒜鍋及雲林黑蒜雞湯鍋，如果想選擇鴛鴦鍋就要+$50，最後小編揀左「元氣養生鍋」及「蕃茄濃湯鍋」，養身鍋湯底飲落夠滋補，而另一邊蕃茄湯茄味濃郁。😋🥩 肉類方面就分別有美國頂級肩胛肉、花雕醉雞件、西班牙粟飼豬梅肉。牛肉輕輕放係湯底灼五秒，肉質鮮嫩又有牛味，醉雞件咬落滑嫩啖啖肉仲有陣陣花雕酒味夠香，豬梅肉肉味都算濃郁。😋 小食小食方面仲有炸花丸、原味香腸、宜蘭蔥餡餅，皮蛋豆腐、牛品牛三寶、炸地瓜球等等，款式種類夠哂多，個感覺就好似去左台灣夜市咁。當然小編個人最鐘意食皮蛋豆腐啦，加左麻辣汁特別惹味。🍧自助甜品吧及飲品免費任飲🍸自助甜品吧仲有台灣直送三色芋圓、西米、寒天、仙草凍、紅豆、綠茶愛玉、紫米、啫喱，可以自己簡左想食既配料再加埋黑糖、花奶及糖漿一齊食添。🍨 另一邊仲有Haagen Dazs雪糕，味道有三款簡分別係士多啤梨，冧酒提子及焦糖脆

又去打邊爐啦，揀咗牛御品120分鐘吃到飽套餐，唔同時間收費唔同，七點左右入座係$359一位~湯底有10款選擇，每個都各有特色，今次揀咗元氣養生鍋，奶白色湯底，參味藥膳味濃厚，滋補之選~今次難得每款牛肉都想試吓，所以食牛都食到好飽，自己最鍾意美國牛小排同澳洲M9肩胛肉，油花靚大片又有牛味，朋友就覺得美國肩胛肉同加拿大牛板腱都唔錯，各有喜好唔使爭~海鮮方面，每人送一隻嘅鮑魚非常鮮味，浸耐咗肉質都唔會韌，其他海鮮仲有海蝦、青口、蜆同台灣墨魚仔，質素唔錯，海蝦我哋都encore咗幾次~另外仲有不少台式小食，炸花枝丸、台灣香腸、麻辣鴨血、牛三寶、甜不辣、地瓜球等等，真係非常多唔會食得晒，唯有揀啲想食嘅嚟食~飲品主要係飲跟餐附送嘅春陽茶事手搖飲品，揀咗檸檬愛玉，酸酸地可解膩~甜品區同樣令人期待，可以自製芋圓仙草冰，諗得到嘅食材都應有盡有，例如三色芋圓、仙草、紅豆、紫米、桃膠、寒天等等，另外仲有Häagen-Dazs四隻味道任食，最愛冧酒提子味~

呢度有超好食超有牛味的牛肉！種類繁多，連海鮮都好新鮮，超級高質。非常推薦新推出的青花椒和牛湯底，湯底清甜同麻麻地的感覺好適合打邊爐，基本上都不需要點醬油都已經好入味。配上頂級肩胛肉油脂分佈均匀、真係有味覺的享受。牛御品套餐會送春陽茶事飲品、每人一隻大鮑魚。鮑魚爽脆鮮甜，飲品本身已經係低糖配方。記得正常甜度會好飲好多。另外一樣特別之處就係提供台灣特產水蓮，呢隻菜多汁脆口好好味，出面比較難買到，麻辣鴨血好過癮必叫！配菜都有好多，除了基本丸類菜類，仲有牛柏葉同水魷魚、炸物等等。雪糕同冷泡茶都一應俱全。另外仲可以自製黑糖棉花冰，可以自己加紅豆、紫米、芋圓同其他toppings。真係食得開心又玩得開心。性價比很高。一定會再訪♥。

尖沙咀呢間樓上火鍋店都食過好幾次，今晚再嚟食，揀左個晚市牛御品套餐，會跟送春陽茶事嘅飲品。叫左杯翡翠檸檬綠茶同烏梅汁。今次叫左新出嘅青花椒和牛鍋湯底，湯底嘅椒麻香味聞落已經幾重，食完舌頭都keep住麻辣感覺呢個餐每人仲送一粒新鮮活鮑魚，煮完嘅鮑魚肉都幾爽口。食料就用QR code自助落單，叫左澳洲M9肩胛肉、美國封門柳、美國牛小排，呢三款牛淥一陣就好快熟，牛肉唔會韌，牛肉味正常。其他食料就推介叫魚肚同水蓮菜，魚肚吸晒啲湯底，台灣直送水蓮菜幾新鮮。最後可以係甜品吧DIY自己整綿綿冰，再自由加配多種芋圓或toppings，仲有多款雪糕選擇。

牛品台式火鍋喺尖沙咀樂道，真係一個火鍋愛好者嘅天堂！佢嘅120分鐘任食火鍋套餐超級吸引人！套餐有好多選擇，我推介嘅係「牛御品」。你可以叫澳洲M9和牛，肉質鮮嫩美味；美國頂級牛胛肉，肥瘦均勻，口感豐富；特上安格斯牛小排，肉汁鮮甜。啲牛肉真係新鮮好食！唔止係牛肉，火鍋配料亦都好豐富，仲有自助吧可以自己選取。台灣直送嘅丸類、蔬菜類，仲有每日燉湯同埋小食，應有盡有！最後，甜品方面，佢哋提供Haagen Dazs雪糕，真係一個完美嘅結束。雪糕口感濃郁，各種口味供應，真係令人回味無窮！火鍋套餐選擇多樣，牛肉鮮嫩美味，配料豐富，自助吧有多款選擇。最後仲可以享受Haagen Dazs雪糕，真係一個完美嘅結束。如果你鍾意火鍋同甜品，呢度絕對係你嘅首選！

🍴🍽🍴🍽🍴🍽️🥘🥘🥘🥘🥘🍴🍽🍴🍽🍴🍽我哋揀咗$359嘅牛御品餐，食物、飲品、甜品種類繁多，120分鐘可以任飲任食，性價比非常高。今次點嘅牛御品吃到飽火鍋套餐仲送2杯春陽茶事嘅飲品同每位一隻大鮑魚🤩。🥢元氣養生鍋我地揀咗比較清淡嘅元氣養生鍋湯底，入面有人蔘、紅棗、杞子雞件，味道鮮甜濃郁清甜又養生😋。🥩肉類🥢加拿大頂級牛板腱牛板腱油花分佈均勻，脂肪少，有咬口，肉味濃郁，筋多肉質結實有咬口，啱曬鍾意有嚼勁嘅人👍🏻。🥢美國封門柳封門柳喺牛隻橫隔膜下面個條肉，封門柳肉質嫩滑，牛肉味好出，入口即融，用嚟做火鍋一流！🥢美國牛小排牛小排肉質鮮美柔嫩、油花分布均勻，增加，水滾淥大約4秒就食得 👍🏻。 🥢澳洲M9和牛肩胛肉🆙油脂紋理分佈好平均，油花化入牛肉之中，入口瞬間充滿油香，肉質嫩滑多汁，仲有微微嘅甘甜🤤🦐海鮮每人會先有一隻新鮮嘅活鮑魚，之後經qr code落單點咗蝦、蜆、青口、墨魚仔、蝦滑。個人比較推薦蝦同墨魚仔，口感彈牙👍🏻。🥟台式小食 ：藤椒魚皮🆙、炸地瓜丸🆗、鴨血🆗、炸花枝丸🆙、烤椒皮蛋豆腐🆙、台式滷水豬耳🆗🍢自助食品： 蝦片、丸類、蔬菜、烏冬、麵、牛品牛三寶🧋自助食品&飲品：春陽茶事烏梅汁🆙、

尖沙咀都食到正宗台灣火鍋😙 店舖：牛品台式火鍋 (尖沙咀)📍 尖沙咀樂道32-34號1樓牛品台式火鍋是一家主打優質台灣美食的餐廳，無論是火鍋還是台式小食，都能滿足食客的口味。今次我就試咗全新推出嘅青花椒和牛湯底，極力推薦鍾意食麻辣嘅朋友一試！唔會驚太油膩，另外有提供一碟花椒，麻度可以自己調節。☺️肉類選擇好豐富，有澳洲M9和牛、美國牛小排、一口牛同埋封門柳，西班牙豬梅肉，五花肉同羊肉！嗌咗幾次肉都水準都keep到好好。🤪除咗肉類之外，都有提供好多唔同嘅新鮮蔬菜，麵類，丸類等，甜品等等.... 😗甜品方面有DIY飄雪綿綿冰，仲有個芋圓吧可以自由加toppings /雪糕 同埋食晚市牛御品套餐會送春陽茶事🤩除了火鍋，牛品台式火鍋的台式小食也是不可錯過的。他們的鹽酥雞非常正宗，外皮香脆可口，內裡肉嫩多汁，椒鹽蝦則是鬆脆，外層油亮，內裡鮮嫩，每一口都讓人回味無窮。😬•整體•食物：𝟺/𝟻環境 : 𝟺/𝟻

餐廳：牛品台式火鍋地點：尖沙咀樂道菜式：台式火鍋放題餐牌：晚市有120分鐘放題，唔同餐做唔同價錢，包唔同種類數量肉類，唔同時間做唔同價錢。湯底包括元氣養生鍋、酸菜白肉鍋、牛品麻辣鍋、蕃茄濃湯鍋等。今晚食牛御品餐，假日前夕$339一位另加一。鮮活鮑魚每位送鮮活鮑魚一隻，連殼上，真係非常新鮮彈牙。QR code落單食物包括：美國牛小排：又嫩又有牛味美國頂級肩胛肉：同牛小排一樣好食美國封門柳：好厚切，有口感同咬口澳洲M9肩胛肉：同美國牛小排、美國頂級肩胛肉一樣好味精選美國牛胸腹：間肥間瘦，好邪惡加拿大頂級牛板腱牛脷心托一口和牛：好大粒，啖啖肉新西蘭羊卷肉：好嫩，少少羊酥味西班牙粟飼豬梅肉：又嫩，豬味又濃，仲彈牙添西班牙粟飼豬五花花雕醉雞件青口蝦蜆台灣墨魚仔其他QR code落單食物有：台式小食有好多款，有牛品牛三寶、皮蛋豆腐、麻辣鴨血、炸午餐肉、鹽酥雞、椒鹽蝦、炸花枝丸、台式甜不辣、炸地瓜丸等等。台灣直送食品有多款餃子、蝦滑、花枝漿、水蓮菜等。我第一次食水蓮菜，原來係好爽口，外形就好似蔥條或者通菜。青花椒和牛鍋湯底我地揀左青花椒和牛鍋，帶微微花椒辣味，打邊爐令食物好夠味，食到尾都仲有味，少少

星期六經過isquare 見到呢間120分鐘任食火鍋套餐都幾抵食！就決定try try 呢間台式火鍋！今次就揀左牛御品套餐～佢哋嘅肉類選擇超豐富，我最鐘意澳洲M9和牛！牛味最出之餘油脂好豐富同好平均～仲有好多海鮮、梳菜同小食揀！推薦鹽酥雞！最後仲有得DIY飄雪綿綿冰，有得揀勁多toppings，仲有Haagen Dazs雪糕！醬料都有好多款式揀！竟然有得加油蔥酥！加完勁香！一定要試！Overall quality幾好！可以去食！

發現尖沙咀有間好抵食嘅台式火鍋，120分鐘任飲任食，最平$319就可以食到澳洲M9和牛！佢哋主打台式風味湯底之餘，仲有多款台灣小食同埋台灣甜品。佢哋嘅火鍋配料選擇非常多，有齊豬牛雞羊同埋海鮮！而台灣小食都有去旅行必食嘅炸地瓜丸、炸花枝丸、台灣腸等等。今次特別留意到佢嘅甜品真係非常吸引，有去台灣一定要食嘅芋圓DIY，配料非常之多，有我好鍾意食嘅紫米、啫喱粒粒同埋鳳梨椰果。除咗有芋圓之外，仲有雪糕😋 好豐富～

好耐無食台式火鍋，朋友介紹就去左呢間牛品，應有盡有，地點就腳，價錢貼地餐廳座位闊落 坐得舒服 服務唔錯👍🏻呢到係主打正宗台式風味湯底佢哋湯底就真係多到你唔知揀邊個好，一共有10款，全部都好想試呀😍😍👉🏻食物種類肉類選擇好豐富，有澳洲M9和牛、美國牛小排、一口牛同埋封門柳，西班牙豬梅肉，五花肉同羊肉！真係好多選擇另外仲有雞件，新鮮蔬菜，麵類，丸類等，甜品等等……自助小菜-蒜泥拍青瓜，青瓜爽脆無比，蒜🧄泥好惹味另外不得不提提任食配料其中幾款好特別✨海膽包-我第一次食（講真的），入面包住濃濃的海膽，大大粒，好彈牙🤩正👍🏻✨香芋包心上貢-貢丸好彈牙，大大粒，入面包住嘅芋頭好出色✨蘭花乾-有口感，食落多層次，索晒湯底既精華，食完想再食