權八居酒屋 (Moved) New Location

慶祝活動，特登book咗呢度食飯佢喺利園上面，感覺好高級去到門口先知佢仲拎過米芝蓮入到去個感覺好似去咗日本咁，估唔到入邊都幾大晚市餐牌都係單點，價錢真係唔算平不過難得有嘢慶祝就冇所謂啦！分別叫咗幾串串燒，平時去日本好鍾意食串燒呢度嘅串燒就真係令我刮目相看完全有日本嘅感覺特別推介燒豬肉，好肥美，入口即溶既感覺真係好滿足另外燒芝士都好得意呢隻芝士好好食我同朋友都搶着食燒飯團係我第一次食，外面脆脆地好得意食串燒飲啤酒傾偈真係好開心另外叫咗個和牛壽喜燒，牛肉上枱真係好靚最驚訝嘅地方係原來係會有侍應喺隔離即刻燒俾我哋食！！嗰一下真係非常加分！佢即刻燒完即刻夾上嚟俾我哋食，每塊牛肉都入口即溶，滿足又好飽總括嚟講呢一間我極度推介已經好想再去食！

一位日本朋友介紹，話利園權八嘅下午茶非常超值，除咗價錢實惠外，質素仲非常唔錯，既然連日本人都有呢個 comment，即刻叫老婆訂枱求證😉利園一期上面有好幾間餐廳，沿樓梯上去已感覺裝修不錯，都幾肯定質素唔會差得去邊，門口裝飾既簡單又大體，米之蓮推介牌子掛喺當眼位置，已經俾咗一個好大信心顧客，而裡面亦好有日式居酒屋味道👍今日我哋專程過嚟試佢嘅下午茶，所以一坐低就直接落 order，順帶一提，權八侍應嘅服務非常滿意👌 下午茶$388兩人份，即$194一個人，價錢已好吸引，包括飲品、壽司、串燒及甜點🔻手工啤/純米酒我哋每款點一杯黎試，手工啤係330ml一杯，杯純米酒份量亦唔細，兩杯都冰凍好飲，味道清新芳香，一般餐廳一杯330ml手工啤可以收你$50-60蚊，已經覺得個餐超價😍🔻壽司整盆包括枝豆、沙律、三文魚壽司、吞拿魚壽司及芝麻炸蝦反卷，三文魚及吞拿魚雖然不是極尚級別，但好新鮮，最重要件壽司飯微暖非常好食，我經常話食壽司果件飯係重點，如果唔係，不如食刺身算吧，至於個芝麻炸蝦卷亦非常正，芝麻味出奇地香，讚👍🔻串燒串燒盆包括炸雞翼、蒜片豬頸肉、炸雞肉、日本番薯、杏鮑菇及燒粟米，樣樣即叫即燒，非常香

見到呢間居酒屋啲嘢食好似好吸引就book咗位嚟試吓佢嘅環境好開陽而且好大，食物都多元化食物選擇都幾多有壽司、定食而且價錢都幾抵試咗兩款午餐，分別係和牛壽起燒同埋銀鱈魚定食前菜方面有玉子燒、麵豉湯同埋薯仔沙律壽喜燒啲牛肉超級淋，佢嘅湯底唔算好鹹但係好濃郁而且好足料，有豆腐菇同埋雜菜銀雪魚燒得好正，啲魚好滑佢個飯就有啲失望，好硬之餘冇乜米香味之後嗌咗兩款小食，有手作豆腐同埋茄子豆腐嘅豆味好重，加埋啲蔥同埋醬汁一齊都幾好食茄子就普普通通，佢切開一嚿嚿，唔係我平時識開嘅原條茄子甜品方面有蘋果蛋糕，細細舊啱啱好唔會好膩，仲唔係好甜整體幾好，係一間高質嘅居酒屋

去旅行已經開始係遙不可及既事🥲小仙子同小🐷唯有又去居酒屋止一止渴😅呢間位於利園既居酒屋都好有氣氛架，一入去有bar枱，好有日本feel🤩地方都幾大，仲有日式榻榻米選擇，同outdoor架! 😎我地被安排到窗邊位置點左lunch set炭火串燒定食同壽司定食，手工啤同提子梳打，waiter仲推介鮟鱇魚肝，即管試試先! 前菜有麵豉湯、日式豆腐沙律同甜蛋，都唔錯!先黎安康魚肝，有海底鵝肝既美喻，味道柔嫩而且好滑，完全冇腥味，鍾意食鵝肝嘅朋友可以試試😛炭火串燒定食: 有6款串燒，燒得好香，比較出色係牛-雖然相機食先既關係，食既時候已經唔熱，但都覺得好juice，好重牛味😋雞肉軟骨串都唔錯，好香好濃味壽司定食: 可以講定唔食邊款魚，其他就由廚師發辦，壽司好新鮮，海膽好好食😋仲有拖羅，入口即溶無根🤤甜品係apple crumble, 甜度適中，都唔錯手工啤就偏酸，麥味較重! Overall好滿意，食物質素唔錯，又坐得舒服! 相信outdoor都好有氣氛! 當去左半程日本🥲

第二次係呢間歺廳食飯，我喜歡這裡的食物新鮮，燒物好好味，不會太乾，而且環境好舒服，聊天一流，現在還有多部空氣淨化機，感覺空氣好清新。坐在空氣淨化機傍吃東西，份外安心。

好想去旅行好想唔使再戴口罩，好想回復晚市堂食好想回復正常生活，好想⋯⋯好想⋯⋯好多好想！ 禁晚市前的farewell dinner，選擇了一間開業多年的居酒屋，店內裝修以木系為主，燈光柔和並掛滿日式燈籠，裝潢帶點古代傳統江戶佈置，包廂有榻榻米，充滿東瀛氣息！權八料理長精選晚宴 ✧佐酒小食（炸鲜蟹肉餅，唐揚雞柳）一上枱頭兩味小食就知道無去錯地方，雞柳炸得超香脆但保持肉質juicy！✧沙律（權八刺身沙律）全晚最喜歡的一道菜，刺身魚新鮮配以酸汁非常醒胃，前菜必食推介👍🏾✧壽司卷物（牛油果松葉蟹肉卷）牛油果松葉蟹肉正常份量，但蟹子就爆多✧吸物（味噌湯）✧炭火串燒（票米、福岡青椒、羊架、雞翼、渣筍豚肉卷、和牛西冷牛扒）串燒必定是一間居酒屋主打食物，最欣賞羊架、雞翼和西冷牛扒，燒得剛好外面香脆而又充滿肉汁，調味亦適中，不會太鹹食到原材料的味道👍🏾讚✧天婦羅（車海老，公魚，安納芋）一個好可愛充滿藝術感的擺盤✧食事（稻庭為冬）✧甘味（南瓜白玉丸子）幼滑南瓜蓉帶少許椰香，配以Q韌玉子充滿口感

晏晝喺銅鑼灣行完街之後，喺沒有book枱walk in嘅情況下，竟然都食到美味的晚餐。不過竟然估唔到，呢種餐廳晚市無full。喺星期六嘅晚上竟然有位，唔理啦，食咗再講服務員態度10分友善，沖茶直至到遞上餐牌亦都係恭恭敬敬的，一番溝通同了解之後，原來餐廳係屬於1957集團。唔怪之得服務態度咁好啦。不嬲都覺得呢間餐廳嘅餐飲團隊服務一流。佢哋有個晚餐套餐，係會員買一送一，我哋就即刻申請做會員。立刻可以享有優惠。雖然係買一送一，但食菜同埋味道絕對唔輸蝕。

📍Gonpachi Dinner omakase at Gonpachi is definitely with a high CP rate. The sashimi was very fresh and with a good range (though no special type). I like that their Omakase is not sushi based so that you won’t be too full at night. The grilled mince chicken skewer and beef dices were with a good charcoal flavor. The uni wrapped with shiso leaf tempura was great. Service was great too. Left with a very satisfying belly 🤰🏻Price: HK$1500 pp (dinner)Revisit: 9/10 (when I crave for CP value sashimi)

今次係同兩個老友過來食lunch，我地三個男人嗌左三個定食再散嗌幾個串燒。講起我差不多每次食權八lunch都食角切魚生飯，當然好多朋友都鍾意食權八既串燒同喬麥麵～ 我係銅鑼灣食晏最鐘意去權八：套餐二百零蚊，在眾多位於利園的餐廳（尤其是日本餐廳）來講都唔算貴，但味道、環境同服務性價比都算很不錯。

(English review below)這晚我同三位女士，因為懷念久別的日本，所以來到朋友預訂的這間餐廳，試試他們的8週年set dinner。接待的侍應有禮貌，但餐廳雖然有足夠人手卻沒有特別安排人手加快安排進場，所要排隊等好一會。一進場，果然感受到濃厚的日本氣氛。從木質裝修，店員的招呼，到廚房飄出來的日式鰹魚醬油香氣，整個環境都令我感覺到突然從銅鑼灣飛到日本。我們預定了榻榻米座位。榻榻米是地洞配椅背的坐立式，不用怕屈腳，地洞裡面也很平滑乾淨，脫鞋後把雙腳放進去感覺很舒適。我們坐在榻榻米，點了4份set dinner，另加梅酒同雞泡魚乾，對晚餐充滿期待。晚飯有不少菜式，而大部分菜式都是精緻路線，特別是前菜，都是一口就吃完的，讓人珍惜地慢慢吃，吃得更滋味。菜式太多，重點描述令人回味的兩樣。第一樣是刺身。每種刺身都只有一件，但都鮮甜且厚身，香氣充斥口裏每一個角落，帶來的幸福感，就是一期一會的感覺。同樣讓人回味的是火炙和牛。Set dinner另外有的串燒雖然有碳香，但絕對比不上和牛的脂肪燒出來的獨特香味，而且做不到入口即溶的效果。以上兩樣都是我的嘴刁推介！其他食物都是細細碟，一碟接一碟

上次食完權八嘅八周年omakase 之後，再食多次佢嘅lunch! Lunchset款式選擇唔算話好多。前菜有沙律、漬物(茄子)同麵豉湯。lunch set會配埋野飲同甜品。主菜今次試左個西京燒比目魚定食。有兩大塊，味道好入味！燒得好食，個邊有少少脆，好香口，魚油溶晒係d魚肉入面，正ssss!!食多碗飯都得！有一樣可改善嘅係lunch time 人手似乎唔太夠，想舉手叫野食都要等左一陣先~ 不過整體感覺都係好好

早兩個星期把握到權八嘅八年禮饌廚師發板嘅尾巴~ 會員有二人同行一人價錢嘅優惠！當日嘅menu有齊前菜、刺身、煮物、壽司、天婦羅、串燒、麵食同埋甜品🥰 可以一口氣試晒權八各款美食！當中嘅刺身十分新鮮！帆立貝上有淡淡袖子味~火炙和牛壽司勁有驚喜！和牛油脂分布均勻，入口即溶😍煮物當日由餐牌嘅汁煮沖繩豚足改咗做西京燒~ 好好食🤤食到麵食已經好飽，但甜品水信玄餅好吸引，飽都要繼續食！我地另外叫左一杯whisky，一杯啤酒~ 滿足😎

🍽酒糟漬銀鱈魚定食前菜: 蘿蔔十分甜沙律: 新鮮開胃味噌湯: 不過不失主食: 酒糟味道突出，同銀鱈魚好夾，不過我都係中2 西京燒多d😋....甜品: 玉桂味突出但太甜飲品: 咖啡香濃，未落cream已經十分幼滑

之前來過這裏下午茶覺得很不錯，所以這次再來吃晚餐😋這屋酒屋有室外和室內。上次下午茶我們選擇在室外，雖然有點熱但還不錯點了啤酒配燒物 這次我和朋友再來吃晚餐，因為想試試其他菜式😁Yuzu Mojito, Gonpachi Sangria淡淡酒味和豐富果香，很清新手作豆腐十分香滑，濃濃豆味配鰹魚汁，很美味平時在居酒屋都很少點壽司，因為通常中伏，但因朋友想吃，所以還是點了特上壽司拼盤(10貫)幸好尚且新鮮😉 炭燒羊架燒得剛剛好，咬下去很香炭燒味道，羊架肉質鮮嫩彈牙又很juicy, 而且不太大羊羶味還有很多嘢想試，但已有些飽了，所以點了甜品來結束椰汁南瓜白玉子，心太軟伴綠茶雪糕椰汁南瓜白玉子- 非常好吃，必食推介心太軟伴綠茶雪糕- 都不錯總括而言，環境食物都很好，是不錯的居酒屋🏮特別喜歡這裏的燒物，蠻出色。

和朋友於星期六聚舊吃午飯，約一星期前預訂了這家有一定歷史的居酒屋，十分期待。對於我來說，要看一家居酒屋是否很正宗，就要視乎職員說「いらっしゃいませ」（歡迎光臨）的發音是否準確。接待的職員引領我到座位，她一聲「二沙媽些」，這方面扣了一點分數。座位的餐具、餐巾以及口罩套放得整齊，淺木色的餐桌很有日本風情。內裡裝潢的木材和燈籠古色古香，令我們聯想起一些日本的古跡。剛巧我們的座位，可透過玻璃窗看見外面的景緻，戶外傢具及石材亦有現代及和風色彩。有單點的餐牌，而午市套餐的餐牌如下：考慮一會後，我決定點汁煮洋蔥牛肉石窩飯（$198）。在等候的時候，先喝一口玄米茶，茶味香醇、甘香，真的不是普通茶葉的貨色。先送來前菜、沙律和味噌湯，侍應會把它們認真地擺位，再加一句「請慢用」，服務夠貼心。前菜是芋頭，切得剛剛好一啖可吃完，夠考慮周到。沙律是豆腐和生菜，淋上鏗魚汁，開胃提神。味噌湯有白蘿蔔、紅蘿蔔及牛蒡，湯的味道相當濃郁，但紅蘿蔔好像煮得未完全熟透，不夠軟腍。主菜送來了，侍應細心提醒石窩的高溫。石窩飯配了韓國泡菜以及醬汁。牛肉算腍身，肉味還可以，配料還加上洋蔥及野菌，米飯稍為乾身。接著，店員送來甜品，起初以