麻甩系(花甲粉)

Open Now

Now Closed

有陣時口淡淡又唔想煮飯，唔知食咩好。平時放工行過呢間小店，成日都會聞到好香嘅麻辣味，傳出來又香又惹味的味道，今日想偷懶唔煮飯，就去咗買外賣食。小店提供花甲粉、烏冬、飯、小食、糖水等等，種類都好多元化又有主食又有小食又有糖水。落咗單之後，門口仲有椅子可以坐下來等外賣。等咗一陣我就拎到外賣了。今日我就買了一碗世一花甲粉，一份花雕麻辣孖寶，一碗雞蛋腐竹糖水同埋一罐汽水。呢一碗世一花甲粉相當之惹味，可以揀唔同辣度，香辣、麻辣、唔辣都有。花甲粉已有花甲、芽菜、豆卜、金菇、娃娃菜、芫荽等材料，如果唔夠仲可以加配其他餸菜。麵食方面仲可以配粉絲、烏冬、米線，今次我就配了粉絲。返到家我都急急腳馬上用餐，這個花甲粉相當惹味，我點了麻辣口味，又香又惹味。店主很用心把粉絲分開放置，所以我吃的時候再把粉絲加入花甲湯之中，再加以拌勻令粉絲更入味。湯底相當濃味，而且帶有惹味麻辣，令人愛不釋手。粉絲吸入了湯汁～正。而且餸菜也不少的相當滿足。這款花雕麻辣孖寶，有白魚蛋和燒賣，十分喜歡這個醬汁，因為帶點微辣好惹味，白魚蛋爽口彈牙，燒賣亦相當有咬口，好好味。小食也做得相當唔錯。最後仲食埋碗腐竹雞蛋糖水，而且仲有蛋花及腐竹清

麻辣花甲個味道真係好好，食完個口重有陣麻味，好過癮同埋叫左個魷魚鬚，so surprise!! 雖然買到回家有啲淋左，但味道依然好好👍🏻用黎做宵夜都真係一流會再去試下佢其他野

之前嚟荃灣食飽行下無意中行過唔起眼小巷見到呢間搞笑既舖名 ，咁local 既小店即刻bookmark左要下次入嚟要幫襯，因為佢係外賣小店，我決定下次去朋友屋企玩就買嚟試！今日終於約個荃灣朋友屋企打機，終於試到佢😍我點左個酸辣蒜腩粉😍😍一開蓋啲蒜蓉香味就湧晒出嚟，唔止聞落香，食落都重重嘅蒜味，啲腩肉煎到好香，肉質嫰唔會un，外脆內軟，份量又多！估唔到有成8舊，粉絲份量都勁多，重點係勁索晒啲汁好好食！另外仲嗌咗個胡椒酸菜豬肚湯，胡椒味好重，飲完有一浸好暖胃嘅感覺，豬肚唔會有怪臭味，口感彈牙！同埋點左冰凍腐竹蛋花糖水，腐竹好滑，同啲蛋花味好夾 ，成個口感唔甜，食完覺得好似消左滯咁！

路經呢間十分吸睛嘅外賣店，又見到都有幾個人等緊外賣，我又去好奇下。呢間餐廳主打花甲粉，有唔同湯底可以揀，我要左麻辣湯底，花甲嘅份量非常多，食落唔會覺得霉或者好淋，而係帶有鮮甜味道，食得出係好新鮮又無沙，功夫同用料都絕不馬虎。配料仲有豆卜同金菇，吸收左隻湯汁非常濃郁惹味。粉絲煙韌彈牙，同樣吸收湯底精華，辣辣麻麻夠過癮！魷魚鬚炸得好香口，份量亦唔少魷魚鬚調味好好食，外皮夠脆，裏面魷魚夠彈牙，大大條又厚身，好食推介！鹽酥香雞同樣炸得非常香脆而且仲有鹽酥香味，一粒粒細細夠曬方便，雞肉夠嫩，好味到停唔到口！食完咁多熱氣嘢，要埋冰凍綠豆沙減輕罪惡感，簡單嘅綠豆沙食落亦好出色，比一般外賣店高質素，又落左陳皮同海帶，用料十足，價錢又唔貴，正！

平時比較少去呢邊，但咁岩要買外賣，搵到呢間店，可以食下花甲粉，性價比又唔錯！🥢世一花甲粉 $52係我最推薦嘅一款👍🏻佢嘅蒜香湯底濃郁，配上花甲，令味道更加鮮美🤤花甲粉條煮得岩岩好好又彈牙，加埋每一口都帶有濃郁嘅蒜香味，好味👍🏻同埋欣賞佢地自動地分開裝湯同粉，唔洗驚到食個陣會索晒啲湯👍🏻🥢蒜爆腩肉飯 $52腩肉炒得香脆，肉質鮮嫩，配上濃郁嘅蒜味，味道好香濃👍🏻飯粒粒分明，加埋啲腩肉汁，每一啖都好滿足🤤🥢雞軟骨 (2串) $20最愛小食之一👍🏻雞軟骨烤得外脆內嫩，每一啖食落去都伴隨住濃郁嘅炭燒香味🤤兩串雞軟骨覺得唔太夠食，因為越食就越想食🤣🥢冰凍腐竹蛋花糖水 $18 (跟餐 $8)呢個加餐只係要$8，好抵🥹 鐘意冰凍腐竹嘅清涼解渴，配上滑嫩嘅蛋花，入口即化，味道好清爽👍🏻糖水甜度適中，令整體口感更加平衡！🥢胡椒酸菜豬肚湯 $39呢個係好暖胃又滋補嘅湯👍🏻湯底鮮香濃郁，胡椒味濃厚，酸菜豬肚增添了湯的層次感，豬肚煮得軟嫩👍🏻不過如果本身唔太食得辣/唔鐘意胡椒嘅話，呢個就未必適合你～

同朋友去開荃灣，本打算之後就去另一度行街食飯，行過見到花甲+蒜香的組合...🥰🥰好吧... 作為2位都係蒜香正正子的組合... 我地打算買個外賣試試佢！~ 好蒜的朋友看過來~😆串燒雞軟骨 ($20)🐔孜然味好足！雞軟骨係我好少叫的，因為覺得貴，但係見佢真係幾靚同時呢個價都真係唔算貴，就買黎試下！正！！！雞油的香加上軟骨的口感，就係呢個感覺！🤤世一花甲粉 (蒜香湯底) ($52)🐚🍲🧄花甲好鮮甜，無沙~ 個湯揀左蒜香絕對不後悔！咁樣夾成個粉唔會太邪惡得黎又夠重口食完個底仲會見到唔少蒜！(自己尋寶咁食曬佢地)🧄🧄🧄🧄🧄娃娃菜、金茹... 各配料分量都不錯，d粉好吸味蒜爆腩肉飯 ($52)🧄🧄🧄🐷腩肉的份量真係無野好講，調味上也十分足！(注：重口重鹽)爆炒得幾有鍋氣，配飯感覺可以食到2碗飯再配左d醬汁，一個錦上添花~🌸酸菜胡椒豬肚湯 ($39)🐷暖胃必選！好足胡椒味，酸菜不太重口啱啱好，當菜食好可以豬肚4-5件，價錢合理，豬肚又嫩，味道好好冰凍腐竹蛋花糖水 ($8)8蚊真係無野好講，糖水我最怕佢死甜，腐竹無話煮到無曬同時又有部分已經入左個糖水度

天氣凍，上堂前食碗熱辣辣嘅世一花甲粉。花甲粉嘅主角當然係花甲，有滿滿花甲，差唔多一打。鮮嫩的花甲完全沒有任何腥味，好鮮肥。粉絲吸曬花甲同湯嘅精華。湯底係微麻辣的增添了一絲刺激感，冬天食最正，令人回味無窮。花甲粉仲加入了新鮮的蔬菜同豆腐，增添了口感的層次。果然係世一。炸魷魚鬚有驚喜，魷魚炸完都係大大條，好完整，魷魚夠厚身。炸得香口乾脆，食落外脆內彈牙。上面有少少辣粉，食落更加惹味。如果配啤酒就好。麻辣花雕牛肉球厚實足料，唔會食落成舊粉。麻辣辣度同樣有得調，小辣唔係太辣，下次可以進取啲。

黎到荃灣嘅花甲粉小店😚menu小食選擇都幾多下🤣揀左世一花甲粉(酸辣湯底) $52聽講佢哋酸辣湯底係最出名！所以揀咗酸辣湯試下🤣佢另外仲有麻辣蒜香、蒜香等等湯底可以選擇添😍講返花甲粉味道，非常入味！！！花甲份量又適中，配料亦非常多岩哂一個人食👍🏼如果驚唔夠飽都可以加餸㗎～～然後就係狂惹辣魚蛋 $22即叫即炸！熱辣辣🤩辣道適中，魚蛋夠曬彈牙👍🏼仲要有成10粒咁多！呢個價錢算抵👍🏻👍🏻仲有其他特色炒飯同小食有興趣可以去試下啦！

麻甩系荃灣享和街43號地下A1號舖喺荃灣廣場百老匯睇完戲行過，咁啱俾佢門口吸引咗$100左右一個飯 一份小食 一份糖水 搞掂即叫即整照燒雞扒飯 $50照燒醬 甜味、略帶鹹味醬汁 大大塊雞扒 燒到外層呈現焦黃色 內部煮熟嫩滑白飯蓬鬆口感和淡淡米香 份量非常足夠 如果唔夠同店員講聲 多飯唔係問題 因為我都加左haha脆香魷魚鬚放入熱油中炸製，直到變得金黃酥脆落咗些少孜然粉，黑椒 椒鹽 惹味 飲杯啤酒啱啱好陳皮海帶綠豆沙 $18健康有營綠豆沙 夠哂冰凍

🚩荃灣享和街🚩享和街出名車房多，所以餐廳改名為麻甩系都幾貼地🤣因為有d熱所以今次買左個外賣返去食😉😉🍜麻甩系主打花甲粉，即是花甲湯粉絲，湯底有4款選擇，蒜香、香辣蒜香、麻辣蒜香同酸辣🤩除左花甲粉仲可以揀蒜腩粉同自由配搭配料☺️☺️🐖蒜腩粉湯底有蛙蛙菜、金菇、芽菜、豆卜、蔥花同芫茜，湯底相當濃味的😀😀😀腩肉香口脆皮夠哂濃味，預先香煎腩片配上調味粉，放係花甲粉都絕配😋🐣麻辣花雕雞配薯條惹味既花雕雞為招牌菜，口感特別，真係有麻麻地既口感，雞肉亦都好嫩滑的😋😋💡餐廳位置方便，招牌花甲粉夠哂惹味，小食麵好多選擇，份量偏大，絕對係CP值極高☺️☺️📍 麻甩系(花甲粉) (荃灣)🗺️ 荃灣享和街43號地下A1號舖

麻甩佬美食盡在荃灣, 呢間麻甩花甲粉.麻雀雖小五臟俱全.鋪面設計獨特, 充滿地道特色.呢度有好多選擇 有花甲粉 有鰻魚 有豚肉 飯盒.狂野雞槌 一客總共有三隻雞槌 配上惹味的七味粉 都幾好味仲有好多香港地道特色小 例如炸饅 魚肉燒賣 豬肉燒賣 牛肉球 你諗得出嘅都有.首先我叫咗個煉奶炸饅, 頭的麵粉 很靚 炸到鬆軟 外脆內軟的感覺 一旦咬落去暖笠.再點一點煉奶非常之惹味.之後就嗌咗個泡菜豚肉烏冬, 用上黑毛豬豚肉 充滿豐富的豬肉味 配料若然重口味 鹹鹹地 比較鍾意食重口味的就啱曬啦。最後配上稻庭烏冬 配合重口味的豚肉非常匹配。

Thu 14/9/2023 農曆七月最後一日 微雨鬼月最後一日，都係趁日落前買個外賣返屋企，又可以睇醒白獅表演。行過路過見到呢間「系甩麻」。引起我嘅興趣，原來係 麻甩系。….. “阿拉伯文、希伯來文都是從右向左書寫的，據說這與古代人在石頭上刻字有關，對於一般人來說，左手拿釺子，右手拿鎚子，刻字的方向自然是從右向左的。”……佢嘅午餐，好在選擇少 唔使煩。咁嘅價錢仲有嘢飲 係抵嘅。a la carte 就多好多嘢揀。豬牛羊雞… 粉絲米粉烏冬飯 …. 大中細辣….. 即係車仔…試咗個 爆蒜腩肉飯。真係有啲特色，爆得好香口，微微嘅泡菜辣，掩蓋豬裏面唔應該有嘅味，啲肥位更加爽香。配搭子薑有心思，好解腬。炸餃子+沙律醬。火候啱啱好，脆香口，咬落爆汁。呢啲地方好少有甜品供應，呢度好難得有幾款選擇。越簡單越考師傅，就試吓佢嘅冰凍腐竹蛋花糖水。另眼相看，夠凍、腐竹味濃、微甜適中。最後拎住佢 Tiffany deep blue 嘅外賣袋，行返屋企程中吸引到唔少艷羨目光。

好少有以花甲為主嘅店，啱曬本身都好鍾意食蜆嘅我！店舖門面充滿特色，除咗花甲粉，仲有好多唔同小食可以選擇。叫咗外賣一碗小辣招牌世一花甲粉，胡椒豬肚湯同埋腐竹蛋糖水。世一花甲粉 $52揀咗小辣麻辣蒜香，粉絲底。老闆煮嘅時候，已經聞到好香嘅蒜辣味，未食都覺得好吸引。外賣包裝好細心，將粉絲同花甲湯分開，以免粉絲吸湯漲曬。花甲雖然唔係好大隻，但係好鮮甜，荃灣既花甲/蜆真係世一！小辣唔會太辣，粉絲吸晒味，又唔會太淋，剛剛好。胡椒豬肚湯 $39湯底輕微帶甜，胡椒味唔重。豬肚份量適中，唔會太韌咬唔斷。腐竹蛋糖水 $18夏天食一碗凍嘅腐竹蛋糖水，真係透心涼！好清甜， 唔會過份甜，呢個價錢加上傳統糖水，是可以一試。經過掃街可以一食！

荃灣呢間麻甩系餐廳，係一間專賣麻辣小吃嘅店舖，身邊有唔少朋友都話正～～金菇肥牛卷(4件）：肥牛金菇卷配上秘製香甜嘅醬汁，真係好惹味。肥牛肉質好滑好嫩，唔會有筋，而且唔會太肥膩。醬汁香甜，令人食得停唔到口。蒜爆LLT五花腩：五花腩切得夠薄，炒得幾乾身，有啲地方仲有啲焦香。五花肉炒完逼出更多嘅油香，同蒜味好夾，食落更加惹味。麻甩魷魚鬚：魷魚鬚炸過外層超香脆，內裡彈牙有嚼勁。佢哋用咗一種特製嘅麻甩粉撒喺上面，有啲似雞粉咁嘅味道，又香又辣又鹹。

我同朋友經過呢間隱世小店，已經俾佢嘅牌面吸引住🤩 寫住「麻甩系」、「世一花甲粉」，一於試試龍與鳳🍴睇個餐牌仲有好多款唔同嘅美食😋 除咗湯粉類之外，仲有炒烏冬、特色飯、風味小食、炸物同糖水，應有盡有😍我同朋友就試咗佢哋嘅世一麻辣花甲粉同蒜爆腩肉，真係好好味㗎🤤麻辣花甲粉嘅湯汁好香濃，啱啱一飲落肚就感受到佢嘅辣味同麻味，唔止係口感豐富，仲有微微嘅甜味，令人回味無窮。啲花甲又夠彈牙，同埋啲粉絲都煮得啱啱好，唔會太腍，配埋非常足料嘅津白餃子好好味🍜🥟蒜爆腩肉就更加係一絕啦！啲腩肉煮得幾香，外脆內軟，配埋啲蒜粒，味道更加突出，令人食完都想再嚟一碟🤤總括而言，呢間餐廳嘅麻辣花甲粉同蒜爆腩肉真係值得一試！如果你鍾意麻辣同埋蒜嘅味道，一定要嚟試下啦♥️