Siamama, Thai & Vietnamese (Closed)

將軍澳轉變真快，大型商埸及酒店臨立， 陪好友去睇樓，地鐡出就是 POPCORN 商埸，行經一間泰國越南菜餐廳。我們二人下午3時到餐廳. 餐廳內大約有4成人坐， 當中亦有外籍客人，相信是有酒店關係。點了幾道菜 : -1. 泰式炒金邊粉 - 金邊粉炒得剛好，食落有點油膩感覺，亦沒有辣味，另跟上白糖和花生碎尚算可以。2. 泰式炸蝦餅 -上檯已香噴噴，蝦餅較厚身，炸得很香口，食落不算油膩及很彈牙。3. 越式春卷 - 包菜一起食， 香脆多汁,生菜新鮮但有點老，用菜包一起食當然不怕即炸的熱氣！再加兩個椰青，椰青新鮮，肉質爽甜，水份十足，非常美味。

一講起食泰菜係香港一定諗起了九龍城, 但交通唔係好方便,又坐得唔係好舒服. 如果係東九返工又或者住係將軍澳的朋友可以黎呢間餐廳, 頂一頂泰菜癮是晚2個人黎食晚飯, 叫左2人餐, 加左鐵板豬頸肉炒貴刁 同埋薄餅.2人晚餐有小食併盤, 馬拉盞炒時菜, 咖哩牛腩, 菠蘿炒飯. 小食併盤中, 我欣賞炸蝦餅內有碎香草, 香葉清新, 減少油膩感.泰式米卷, 米皮不錯,其中包住的九層塔十分新鮮,VERY GOOD! 馬拉盞炒時菜-- 似浸菜多過炒菜咖哩牛腩-- 75分!! 味道不錯,只係汁稀左少少, 所以即刻叫薄餅送汁菠蘿炒飯-- 飯唔夠乾身, 但菠蘿新鮮薄餅夠熱夠脆, 外脆內軟身, GOOD! 85分! 擺耐左未食, 薄餅仍是脆的鐵板豬頸肉炒貴刁貴刁比較硬身, 豬頸肉十分少, 味道不夠總括來說, 此餐廳都算是用心創用的, 在不經意的地方加入新鮮香草.其實香草係泰菜重要的一環, 諗唔到一間中價的泰菜都有此驚喜.

近期好想飛番轉曼谷...係...我真係好大舖癮，一年要飛幾轉猶如家鄉既曼谷飲飲食食... 今日真係有啲癮起，所以食晏時經過 Siamama諗都唔太諗就入去了。今次係第二次幫襯，一次過寫哂我食過啲乜啦！第一次嚟係同兩個姪仔姪女嚟晚膳，點左小食拼盤﹑越式咖哩脆皮牛腩﹑海鮮炒貴刁﹑泰式炒飯同芒果糯米飯。小食拼盤分2人份及4人份，我地點左大既，入面有炸蝦餅﹑炸魚餅﹑雞串燒﹑青木瓜沙律﹑越式春卷同泰國春卷，好豐富下，味道也不錯。炒貴刁同炒飯係大路貨，反而越式咖哩脆皮牛腩幾特別，汁另上，牛腩沾粉漿炸過，皮唔厚所以脆，咖哩味道很好，因為怕飽，所以沒點薄餅同吃。芒果糯米飯一般，但一起吃既椰子雪糕就好好味。其實Siamama除了泰國菜外，仲有啲越南野食下既，除左上述提過既脆皮牛腩，仲有今次我地點左既越式香茅浸蜆﹑火車頭湯河同埋越南特產燒鰂魚。另外亦有點我最愛的燒豬頸肉，好味。越式浸蜆用一個存氣既Jar上桌，賣相好好，可惜啲蜆唔新鮮。火車頭湯河有生牛肉﹑牛丸﹑牛腩同牛柏葉，好足料。燒鰂魚好大條，都算抵食。另外有幾款飲品做梗特價，$40兩杯，我地就點左龍眼冰同椰子冰。服務員反應快亦幾細心，另外裝潢也不錯，有

三位舊同學畢業後一直沒有機會見面, 今次終於的起心肝出黎一聚! 地方是我提議的，我在這兒晚飯過幾次都唔錯，雖然吃的是泰越菜，但餐廳內裡的格局卻頗西式，而且燈光帶點昏暗，很有聚會氣氛，而且服務員的態度良好。我們很隨意地點了幾款菜, 都是大家一起分來吃的，上菜速度也算快！- 菠蘿海鮮炒飯，這個我很喜歡，真材實料好味道，鮮甜的菠蘿用來炒飯真是一流選擇！用石鍋上很特別，相信就算不用海鮮也會很好味！不過炒飯有點濕軟，和乾爽的港式炒飯是截然不同。- 泰式炒金邊粉的材料很多，最顯眼的是大蝦，配伴碟的花生碎和白糖來吃真的很正，最難得是金邊粉炒得有光澤卻又不感油膩。- 豬肉生菜包，很惹味的炒豬肉碎配上清淡的生菜是一個很開胃的配搭! 炒豬肉不太油身，生菜很新鲜，賣相亦很別緻吸引。 - 泰式炸蝦餅好像有點小，份量雖剛好一人一份，但仍覺不夠。- 越式春卷的熱度和脆度都剛剛好，應該是即叫即炸的，很可口！- 冬陰功的賣相不太討好，不過勝在材料足，而且味道好，夠酸又夠辣，是開餐前必喝的! 我們一邊吃著笑著，談天說地，過了一個很愉快的晚上！

如果10年前有人問我去不去將軍澳, 我第一時間只會答: 山長水遠去那種荒山野嶺幹什麼? 不過隨著政府和地產商近幾年開始擴充那邊一帶的發展, 身邊不少朋友都開始選擇在那邊安居樂業, 連帶附近幾個商場都做得有聲有色. 像早前落成的這個名為POPCORN的商場, 雖仍是MTRMALL旗下管理, 但裝修更富時代感一點, 務求可以吸引更多年輕一輩來逛. 有新野宅女當然又想去看看, 便找了個周日來逛逛順便吃個午飯.商場其實就在將軍澳站地鐵上蓋, 有出口直通, 完全不用找. 商場真的十分大, 不過醫肚要緊, 想都不想便走去詢問處那邊查看商場內有什麼新食肆. 但原來大部份都是連鎖餐廳, 有點失望. 此時看到了這家說是吃泰國越南菜, 名字未聽過, 想起來反正最近很少吃泰國菜, 便試試吧.我們下午2時多來到, 可能過了午飯時間, 不用等位, 內裡食客只坐滿了6-7成. 餐廳地方算幾大, 多是4人枱, 旁邊還有些2人及4人的半梳化位, 感覺頗舒適. 不過枱與枱之間的距離就有點近, 空間感不太足.看看餐牌, 當然在這種裝潢光鮮的餐廳, 就難以找到九龍城泰菜那種風味了, 但食物都算幾多選擇, 例如炸魚餅, 凍卷

晚上6時正到達，職員說用餐時間是1小時半，OK無問題，如果上菜夠快的話。我們4人點了以下的菜：軟殼蟹粉卷 – 一碟6小件，軟殼蟹炸了一段時間，所以不熱，只有脆沒有香味，亦沒有軟殼蟹的味道，比不上以前在香辣屋吃過的好味。燒豬頸肉 – 有炭燒的味道，肉非常乾身，要點跟肉的汁吃較易入口，醃肉的香料也很重味。香茅浸蜆 – 用玻璃瓶裝載很特別又得意，蜆肉不大隻，汁內混有大量香茅、芫茜、薑和薄荷味，很有東南亞味。蒜茸炒雜菜 – 不太鹹和不多油，但蒜茸亦不多，雜菜多樣，不過這碟菜size細些。脆皮牛腩青咖喱 – 燘過的牛腩再點漿粉炸，牛腩腍滑，外層的脆皮很薄，用筷子夾已掉了很多，咖喱不辣，有很濃郁的椰子香味，用來配飯和麵包吃一流。海鮮菠蘿炒飯 – 落單時問職員是不是用菠蘿殼裝，如果是我不要，因不衛生，她說是用鐵鍋裝。這個飯份量很細，海鮮亦少，最起眼是那隻放在飯面的青口，其次是魷魚圈和臘腸加數粒菠蘿，飯粒不乾身之餘還有點黏性。椰青2個 – 第一個要$36，第二個就$10，椰青夠大個和多汁，2人分一個都可以，我們連軟滑的椰子肉也吃光。另外加要了2個白飯和一客蒜茸包，吃完剛剛好夠肚。地方佈置局限下，這裡只

今日同個朋友來這兒午餐聚舊，大家都係第一次黎PopCorn，第一次黎這餐廳，雖然我們只有兩人，但侍應都安排了一張卡位給我們，而且張櫈係比人哋嗰張舒服得多，有cushion喺椅背，好開心。呢度環境都唔錯，幾舒服寫意，加上商場人流唔多，唔駛同人迫位坐，好有放假的感覺。由於我地都Keep Fit 中，所以都係少食多餐，只叫三款好了！泰式青本瓜蝦沙律 + 燒牛肉卷 + 越式大蝦撈檬！青瓜絲好多，醬汁卻較少，不像一般食到的水汪汪，酸味和辣味十足，那蝦肉的份量可以多一點就好了！淨係睇賣相已經好吸引，檬粉排得好靚，一個一個圓餅似的，見到都唔捨得食，D蝦好好味, 好juicy！ 卷皮很薄，而每卷的牛肉份量都很均衡，入口乾身，味道濃郁，點泰國醋食很醒胃，我們差點還再叫野食，好在最後意志堅定，大家都趕住要修身呀!!

之前聽過不少朋友介紹這間餐廳出名吃泰越菜，今日路過發現都幾多人惠顧，於是放棄食小籠包的念頭，等一陣位，發現門口的等位安排有點混亂，聽唔清楚叫位，又有人想打尖，雖然有個號碼顯示燈箱，但都係人人圍住負責帶位的職員，結果等了二十分鐘才有位…泰式炸魚餅先上檯的是炸魚餅，肉餅較厚身，一件可以分幾口吃，肉質都幾彈牙，而且不太辣容易入口。蒸粉卷每件粉卷都載滿肉粒、冬菇粒、扎肉粒、青瓜粒，材料和口感都很豐富，最喜歡灑在上面的乾蒜片和薑蔥，和一絲絲白蘿蔔和紅蘿蔔，得確有誠意。海鮮扎肉炒水晶粉平時吃泰菜通常都會金邊粉，今次特別些點了海鮮扎肉炒水晶粉，海鮮配料十足，而且味道適中，不會太鹹，加幾滴辣椒魚露吃真係好正。餐廳環境都幾好，眼見有一家大細坐大檯，有一對對情侶，亦有西裝友見客，人多不過唔太嘈，食完傾計坐多陣都ok，真係喜出望外！

今日帶埋小寶寶到好姊妹屋企，與她的小寶寶玩耍，之後再到 PopCorn 食飯傾計，想找間方便 BB 車進入的餐廳，原來也不容易。到了幾間餐廳看看，不是地方太狹窄，就是地方太嘈雜，BB 感到不安很容易會大叫大喊。來到 Siamama 門口都幾多人，侍應話可以安排有擺放 BB 車的座位，於是就打消到其他餐廳的念頭，拿了籌等一下。結果等了一會兒，侍應就帶我們入內，去到有落地玻璃的圓桌，在旁邊果然有足夠空間擺放 BB 車，而且不阻礙經過的食客和侍應，感覺既安全又貼心，坐下來的時候終於鬆了一口氣。或許這餐廳知道這區有較多嬰兒而作出這設計吧！雖然從玻璃看出去不是對著什麼無敵大靚景，但望著外面夜景用餐都算相當唔錯。雞肉份量不多，每人四五件左右，但最好味的是那咖哩汁，入口感覺很幼滑，是優質咖哩，不是一般吃到的很辣或很甜的，配蒜蓉包吃都不覺油膩。很乾身且熱辣辣，再點那混和辣椒粉的醬汁，給我很爽口滋味的感覺。泰式鳳爪賣相很吸引，有不同色彩的伴菜，而且鳳爪的份量也不少，我們二人分享都很足夠，抵讚！椰青有優惠，買一送一 $36有兩個，我們想也沒有便點了，椰青屬於大Size，份量十足，很爽甜但很快會飽肚…此外，

天氣漸涼，打邊爐實在最好不過，而且在將軍澳區有不少火鍋店選擇，可是兩個女人打邊爐好像沒有大夥人一起吃那麼爽，還是下次才吃吧！沒有訂檯，走著走著來到這間餐廳，餐牌上的價錢並不昂貴，而且看見店員的悉心介紹，加上店內也有不少顧客，食物應該不差吧，所以就試一次啦！香茅牛油雞翼雞翼是中翼，表皮沒有一般吃到的被一層牛油脆皮包著，單看賣相並不太特別，一入口卻很滋味，有很香口的牛油味道，雞肉本身夠肉汁，果然是「翼不可貌相」！香葉蝦炒粉這個炒粉頗為辣口，是我們可接受的程度，不用再加魚露或醋汁已很夠味道。蝦肉很挺身爽口，份量也不少，最喜歡它有我愛吃的粟米仔。泰式辣椒炒椰菜苗椰菜苗是我每次吃泰國菜都必定會選擇的，因為並不是一般餐廳可吃到，而且菜本身入口很爽脆，加少少醋汁吃就最好不過。我們還點了兩個椰青，是配泰菜的不二之選，難道吃泰菜還喝凍檸茶、凍奶茶嗎？坐了一小時左右看見門外多了等候的人，於是我們便離去，再到 Agnes b Café 歎甜品！ 或許女人天生真的有兩個胃吧！

從門外看內裡餐廳環境很優雅, 而且座位之間距離也不太近軟殼蟹粉卷 可惜軟殼蟹沾了太多粉漿炸了粉漿比例幾乎是2:1雖然也吃得出軟殼蟹的鬆脆, 但是入口不是吃到軟殼蟹的味道而是炸得鬆脆的麵粉漿花生醬蝦凍檬粉很少有的做法, 將花生醬沾滿蝦肉來煮,配以沒有味道的凍檬一起入味充滿多重味,有微微花生醬的甜又有蝦肉夾雜了咸味是不錯配搭再倒入越式撈檬粉的魚露, 吃了一碗也不覺飽肚海鮮湯喇沙檬粉檬粉是自選的, 還有米線, 油麵等等的選擇這做法有點似車仔麵店的任選主糧海鮮包括普遍的蝦, 魷魚, 青口另外當然不可缺少的豆卜及芽菜, 幾乎所有大大小小正宗不正宗的越式餐廳都必定放入豆卜芽菜, 因為它們都沒有味道, 最宜放湯煮吸入濃湯味來吃味道很好湯味還可以選擇椰汁或冬陰公底可能是商場連接了兩個商場晚上八點後兩位又沒有預訂位的暫時不用等太久便有位置了

今日同女友屋企人來到POP CORN 睇戲，順道在這商場晚飯，走著看發現這兒有不少連鎖式餐廳進駐，有Pizza、小籠包、拉麵店等等，只有這間越南菜未見過，上前看看餐牌都不錯，而且門外有幾對情侶在等位，於是就一試啦，幸好不用等太久便有位，還要是卡位，實在太好了！雞肉表面燒得很乾身，碟子上沒有太多油漬，但入口卻很有肉汁，不點醬已經味道十足，而且賣相都可見不少心思，三串三串左右方向疊在一起，要先吃上面的三串，之後才吃下面的三串，或許這就是細心的表現吧！早在門外看餐牌已對這蜆肉感興趣，蜆肉擠滿了整個玻璃樽，感覺很別緻，令人很想一匙一匙地拿出來吃！一打開樽蓋便渾發出濃烈的香茅味，再仔細看原來還有檸檬草，生薑和薄荷，蜆肉就浸在這帶點青香的茨汁裡，這菜式除了好味道，更讓食客體會到廚師的心思，真的很喜歡那個玻璃樽！牛肉和豬頸肉都燒得幾好，但一放耐了便硬身起來，所以一定要趁熱吃，配料方面除了有花生碎外，還有原個開半的花生粒，再加上蘿蔔絲和青瓜絲，令每一口檬粉的口感非常豐富，很有誠意！不過用來撈檬的醋汁實在太少，至少要多一倍才足夠。牛腩炆得很淋很入味，一入口便知道不是後加在咖哩上碟的，而且牛腩的份量也很多

如果餐廳既老闆見到呢段留言, 奉勸你好好考慮一下點樣搞好你既服務. 連最基本既迎客態度都無, 食物有幾好都無用! 有朋友試過話食物唔錯, 跟友人係 PopCorn 睇完六點半, 就諗住行過黎試下. 到達時已經有好一堆人係門口等緊, 心想都係攞咗飛慢慢等. 行到去到 Counter 攞飛，無人... 等咗兩分鐘，都無人出黎。同店內嘅職員揮手，見到我，不過扮見唔到, 調頭走。有經理行過出黎，燶面，話好忙，叫等等，再調頭。結果企咗接近五分鐘都未攞到飛！無錯, 係五分鐘! 大大話話已經有四至五位職位 (包括經理) 見到我 (同埋另一啲岩岩到達既食客)! 既然經理小姐妳已經行到出黎，花幾秒俾張飛俾有心俾錢你洗嘅顧客都咁難？一肚氣 , 既然呢間餐廳唔想做我生意, 都無辦法, 唯有轉去同場既譽居. 食物無比較過, 唔知, 但至少心裡舒服!

本人極度注重餐廳服務態度，但如果我去茶餐廳食野，我當然話鬼之你，因為茶餐廳價錢，根本唔連埋服務態度，但依間係POPCORN既泰國野，我覺得是但係m記搵個員工番黎，態度都好過佢!首先，等位問題 ! ! !一去到佢門口，同waiter講''4位''，佢單右冇，咩鬼都冇，右唔同你講仲要等幾耐，搞到我差d走左去第2間食!第二，menu印刷惡劣嘩!!!!一打開佢本menu，d圖起哂格，食客係根本冇可能憑食物既圖片想像出真正食物個樣，真係笑死人咩?! 第三, waiter態度差過m記，大佬呀，我係m記買過8蚊豬柳蛋，人地都唔該前唔該後，我係美心買$6.5既麵包，人地姐姐笑容不知幾靚!你地平均每樣野食都要80幾90蚊，但唔好話個笑容，基本態度都差幾皮!個waitress行埋黎同我落單，咁我地唔係太知個菜名，有時右要係個menu到搵，會係耐d，個waitress夠膽死唉聲嘆氣，零笑容，個樣串串哄咁樣。問多佢小小關於食物既野，佢好似冇氣答你咁。食物係好味，但你估你自己好味大哂咩，可以既話，培訓下你自己d員工，改善下員工態度，全香港得你一間泰國野咩...1. 雞串(配沙嗲汁)_______好味!!2. 春

此店剛開幕時, 人龍很長很長. 沒有派飛唔知是否要做勢.最近再去, 人龍已不再. 於是去試試.店內装修簡潔, 但枱與枱之間距離不多.點了浸蜆味道ok, 酸酸辣辣,幾開胃蝦餅味道一般, 不太特別軟腳蟹炒飯味道ok服務一般, 要叫好多次先應價錢在將軍澳是偏貴了少少