Siamama, Thai & Vietnamese (Closed)

星期五晚上出去食飯，又唔知食咩好。見餐廳有join買一送一優惠，就同媽咪爹哋老公一齊去食餐簡單晚飯。之前食過幾次，都知道服務麻麻，所以都期望唔高。但係今次真係最過分，食到我火都黎。其實我哋6:00一開門就已經坐低食。原因就係星期五晚我哋用買一送一都唔想阻住人做生意，諗住早啲去，食完就走。入到去坐低，我就問其中一位Staff（短頭髮boyish嘅女仔）優惠嘅詳情，問清楚邊啲係有優惠邊啲冇。佢嘅回答極敷衍，眼尾都唔望吓我，再問多兩句，直情行左去一邊開始做自己嘢。呢個時候其實已經嬲嬲哋，唔想做優惠就唔好join啦。又冇人逼你一定要做promotion，你做得promotion就預咗人哋會用，所以你啲staff都唔可以咁冇禮貌。啲嘢食OK嘅，稱唔上好正但唔難食。由頭到尾一個鐘7:00就埋單走。買單嘅時候啲Staff仲要大大聲同大家講「呢枱係買一送一嘅」驚死其他客唔知咁。呢餐飯真係食得唔開心，未來就算請我食都要諗下食唔食。

Ordered Pad Thai as tea set, I have to wait for 30 minutes or so (after my pal finished his) for the food until another table ordered the same. They cooked as bulk nor on order. Nothing special about the food. A waiter dropped glass container while serving a table next to us. Staff are always playing on the phone!

星期日女仕HIGH TEA 日, 在將軍澳POP CORN, 朋友已訂泰式餐廳,原來我曾經過過,只是還沒有機會食過, 門面裝潢比較保守,下午1時亦不多人. 一行3人, 坐下後落單如下:柚子大蝦沙津, 牛車水湯面, 軟殼蟹紙卷, 青咖哩豬頸肉(另配白飯).柚子大蝦沙津-非常好味, 清新易入口,不辣的,十分健宜.牛車水湯面-有很多牛肉配料, 黑椒牛丸, 牛腩,肥牛,河粉都算滑, 湯底都非常夾.軟殼蟹紙卷-內有牛油果雖然無味但配合一片薄荷葉, 口感很特別,形成強烈對比.最後,泰國菜一定無得輸既青咖哩豬頸肉,咖哩辣中帶香甜, 仲有青豆角, 九層塔香草,非常美味.此餐廳算是悠閒類型,又有落地玻璃食客可直望平台悠閒處, 坐落於煩囂的將軍澳中心地帶,的確與別不同,不同於那些為求做多d生意維持開支,限時限刻地催促著客人進餐的腳步的餐廳,傾一個下午, 都只是每位140.其實將軍澳pop corn都算少有. 

星期六下午約了網友在觀塘附近交收貨物，貨物交收後就約老公在將軍澳行街拍拖睇戲同食飯，睇戲前就同老公睇下附近有什麼食，經過Siamama門口，見到不同的泰式擺設，就吸引了我入去。店內樓底好高，窗口外是商場種滿樹木的休憩地方，窗口採用落地玻璃設計，坐在窗口隔離分外舒服。冬蔭公湯，充滿香茅味，酸辣適中，而且河蝦美味。另外叫了4人分量的小食拼盤，蝦餅、串燒、沙律各有特式而且都好食，魚餅就帶少許魚腥味但可以接受。越式香茅黃咖喱豬頸肉，豬頸肉分量頗多，咖喱味有椰香，適合送飯。

見唔洗排隊先黎試下，見佢lunch都成100 let head都已經覺得貴，點知啲野咁難食，唔會再幫襯。我叫左個黃咖哩，仲差過茶記。未黎過嘅唔洗黎，慳番啲錢，唔知呢間野點解生存到咁耐。

以上四項冇一樣比我地覺得可以再試的。除了座位舒適，服務ok. 其他都冇好評。虎蝦粉絲煲，冇味之餘，其實$198得兩隻細虎蝦，同一大煲粉絲一點都不值，重點冇味。黃咖哩粉絲煲，有燶味。

餐廳裝修整齊，不算典雅，假日6:30pm後開始多人，而且幾嘈下，傾計唔算理想，人多嘅時候，侍應就唔會睬你，態度開始冷淡，呢點要注意，餐廳指明嘅Signature Item 不能盡信，因為可以好差好呃錢！不過亦有兩味唔錯，幾扺食，雖然餐牌標榜主廚跟名師學藝又在帝苑酒店做過，不過食物質素咁參差，相信只有幾味係主廚拿手好戲，其他的都未必係甚麼名廚之作。就住佢兩味比較出色嘅Signature Item和另兩味水準以下之作，只能俾OK，只好當街坊小菜看待。

收工去食個中秋飯好肚餓叫到成枱野食青咖喱雞柳唔辣...不過唔D 多雞柳叫埋薄餅一份size 豬頸肉好味但好細份👍🏻海鮮泰式炒粉👍🏻👍🏻足料又好味生菜包啲菜都好新鮮嘅鹹魚炒芥蘭冇乜鹹魚但係夠味道嘅小食拼盤四人份量有成六款嘢食蘆筍炒西蘭花幾新鮮嘅配搭菠蘿炒飯冇菠蘿粒嘅蒸烏頭佢哋好窩心架有一碗湯俾你如果蒸乾晒可以自己加湯整體都幾好食嘅Menu都幾多選擇俾人同埋唔太貴是日中秋節佢就提早打烊 不停問你有冇加單同埋迫你快啲買咗張單

第一次入tko 食飯，不嬲都鐘意食泰國野，未食過就trytry 呢間， 不嬲覺得食泰野，食小店又平又好食。 入到見到餐牌覺得幾貴下，冇計喇大商場可以泊車。叫左個黃咖哩豬頸肉，未食已經聞到陣味好香，係好多種香料果陣咪，配埋兩碗白飯，一份garlic bread, 其他，炒通菜同豬肉生菜包，有佢自己獨特既味道，味道都好好，仲有越南粉就正正常常喇，幾滿意既一餐，3個人清哂，但相對每樣胃貴左，以上咁多野要450蚊賣單貴左100蚊到。

今晚去了將軍澳站晚飯在POPCON 走了很久, 最後決定試一下這家泰越菜這家餐廳這幾年間經過無數次都沒進去吃過這家餐廳價錢算中上價, 平均每個菜接近100元我點了一個青咖哩雞, 一客雞肉串燒和波羅炒飯咖哩有「青」和「黃」作選擇, 餐牌說明青會較辣, 我覺得仍然是不太感到辣用料充足, 雞肉大概十多塊吧, 味道可以這裡提一下咖哩不包白飯的, 我另外十多元點了個白飯白飯配咖哩是絕配這個雞肉串燒, 85元6串, 我覺得還行, 雞肉咬感不錯醬汁也很香很配海鮮波羅炒飯, 這個要讚, 用料很多, 青口都有3隻, 還有魷魚之類菠羅應是新鮮的, 飯炒得剛好這餐廳環境不錯, 坐得也舒服不擠迫, 服務可以是一個好嘗試 

今天去了久違了的將軍澳，基本上吃什麼都要排隊，所以提早於6點左右食晚餐。餐廳沒什麼人，直至7點左右才差不多滿座。其中中間位置有一圓枱，感覺像在鳥籠內吃飯。對，又是鳳爪特地叫了小辣，果然不太辣。叫了二人拼盤，怎料份量小得驚人，這個拼盤128元的，但蝦餅，肉餅都只是將一塊切成兩塊，而米卷亦不多有誠意。幸好味道正常，但沒有一般泰式越式的地道。雖然沒有叫咖哩，但點了最愛的薄餅，此餅不油膩還叫了個生牛肉河，湯底夠熱，河粉夠滑。只是價錢有點貴，加一後一碗河約要80元。

係Popcorn入面，呢間Siamama泰菜都算係比較高級。午市套餐都有好多options。環境舒適，中間有張大圓枱，側邊又有大大塊落地玻璃，好有空間感，中午黎食感覺不錯。泰式炒金邊粉($66)，雖然份量略小，但賣相不俗。鮮蝦ok，金邊粉炒得不錯，仲有青檸、花生碎等泰式食材，夏天食十分開胃。香芧豬扒凍撈檬粉($65)，豬扒好薄切，果然係輕怡之選，檬粉都幾爽口，撈埋sauce食，好refreshing！包飲品，加$10有龍眼冰，好多龍眼肉呀，唔算好甜，都抵加！

當晚收工原本想去香港地食海南雞飯（之後再去，原來menu已無咗海南雞飯叫），行過見到Siamama 9點後有85折，於是就去試下。入去前，侍應話10點半收有無問題，梗係無問題，收得咁夜，好攰，食完飯就好返屋企，唔係想喺度hea。同屋企人兩個人叫咗兩樣嘢。咁夜，唔需要食太飽。紅酒燴牛尾 - 好淋，好入味，味道都唔錯。炒金邊粉 - 比較一般，甜咗少少，有三四隻蝦，唔係蝦米仔，都唔係大。埋單$220，折咗都唔係平。

正日生日第一餐當然同我同一日出世嘅家姐以及家人慶祝啦，我哋揀咗呢間位於將軍澳嘅泰越菜。下午十二點左右嚟到，客人唔多，職員帶咗我哋座喺落地玻璃前嘅大圓枱，餐廳燈光柔和，座位舒適，可以望到商場外嘅平台。食物方面賣相精美，份量不算太多，味道幾好，唔算太濃，亦唔會好油膩。冬蔭功湯好足料，唔太辣。炒金邊粉好味，唔油。四人小食拼盤，柚子青芒蝦沙律感覺好清新，蝦餅彈牙，雞肉串燒普普通通，豬肉涷卷清清淡淡，可以平衡熱氣食物。咖喱雞柳配薄餅，咖喱唔太特出，中規中矩。越式牛尾煲好惹味，不過份量有啲少。

I had a dinner tonight at about 2115 hours. Last order is set at 2130 hours. Poor food quality and poor service. Air conditioning is switched off at about 2135 hours after confirmation of last order.