上海天龍樓

Open Now

Now Closed

真係好好好好好好好好好好難食... 人生最難食既上海嘢 🤢 真係唔好黎. 醉雞凍到好似喺冰箱融完雪咁. 酸辣湯完全冇味.係一啲味都冇. 佢所有嘅辣味就係喺碗湯上面加少少辣油就當係辣. 啲酸味係要自己加醋先有 😂 佢個五香牛肉冷拌麵店面係完全未熟. 生到食到好分明既面粉同蛋味😂 以為擔擔麵會最正常點知個湯浠到好似水咁樣 成餐飯最正常就係支青島同埋小食嗰幾粒花生😂最慘想食完即刻走. 點知一定要比 cash 仲要走去㩒錢先可以離開呢度

香港仔竟然有間食上海菜既黃店間舖裝修完之後光左好多 坐位都舒服左 感覺乾淨左平日晚餐都全場坐滿 仲見到門口有好多人買外賣老字號既上海菜 d野食果然無令人失望不過價錢就唔係街坊價🌟雞絲粉皮 $75好食👍🏻呢度d雞絲同粉皮比其他餐廳切得大花生醬味濃 粉皮又夠滑份量多 有好多雞🌟小籠包 （5隻） $36普普通通皮比較厚 餡多但肉汁比較少而且個鐵籠賣相有d差😅🌟土雞煨麵 $56好食👍🏻好多料 除左雞仲有d白菜仔🥬 菇🍄 個湯都幾有味

經過門外見有師傅即蒸小籠包同其他包點於是外賣一份十隻生煎包返屋企食。等候時見師傅係蒸籠夾啲小籠包落個外賣盒，一個疊一個又冇紙墊底，仲夾穿啲小籠包滴住汁咁放落去。我心知我啲生煎包應該冇咩好下場⋯⋯拎到返屋企打開外賣盒一睇，賣相一般，但可能之前視覺衝擊太大，有喜出望外嘅感覺。最後放落口一試，冇肉汁，咬左半舊都仲係麵粉，再望下，肉嘅比例少得可憐。恐怕係我食過最差嘅生煎包。總括而言，師傅唔尊重食物，舖頭為控制成本犧牲食物質素，希望可以改善下。

#上海天龍樓 呢間由細食到大嘅上海鋪終於裝修完！食物質素同以前差唔多！師傅都係一樣雖然佢裝修左 但坐起黎都唔算十分鬆動😂不過已經好過以前好多架啦！小籠包 10隻 ～$6x食落去熱辣辣 要用匙羹放住 如果唔係d湯汁就會流走哂🤪個湯汁有好濃嘅肉味！豬油？但對已經好耐冇食過好味嘅小籠包我黎講 真心正😛😂酸辣湯 (小） ～$5x第一淡有d似麻婆豆腐味但越飲越香 個種醋味係岩岩好 唔會令你越飲越口渴！🤣炸銀絲卷 ～$2x 大型炸饅頭？😂但入面係好軟！加埋煉奶真係一流😜總括真係去食細個嘅味道 食物唔算超超好味 但食嘅係人情味？

新裝修後。真係光猛左。感覺乾淨左。d櫈又好坐左。（唔知係唔係因為疫情啦，限聚四人）最窩心係有一支酒精搓手液放枱頭👍🏻叫左一個百葉豆腐經濟客飯，配菜飯。 感覺好健康😂 不過偏鹹咗少少。冇辦法啦. 本身個餸冇肉... 不過個例湯。 好足料！！！ 呢個有驚喜喎！👍🏻👍🏻另外叫咗個擔擔麵，唔知係咪錯覺。 好似同之前有分別。重蝦米🦐 味，少左花生味。 多返少少辣味咁。個麵底又轉左日式湯麵低咁。冇咁掛汁😔😔豆沙鍋餅都有小小分別咁。 冇咁油。整體感覺良好。原本想食高力豆沙。不過裝修後暫停左。希望佢之後會有返啦🙏🏻

唔好以為傳統中菜一定係好很藍食，中菜都有好好嘅選擇！傳統上海菜嚟講除咗有喺觀塘嘅上海榮華川菜館，仲有位處於香港仔大街嘅上海天龍樓！舖仔細細，成日都出現人龍。上海天龍樓屹立香港仔超過20年，有興趣食上海菜嘅話一定唔可以錯過！ 
😋 生炒三鮮 $98 ｜京蔥爆鱔片 $128 ｜火腿津白 $82先講呢三味小菜！生炒三鮮同京蔥爆鱔片都幾有鑊氣，feel到嗰種經過熊熊烈火百度高溫嘅激情🔥 三鮮即係魷魚、蝦同肉絲，感覺有啲似高級版小炒皇。京蔥爆鱔片睇落好深色但都唔係好鹹，仲帶點點甜味，鱔片好大片同埋有好多塊，都幾爽口同唔會炒到腍晒～ 而火腿津白呢，津白好清甜，不過火腿就真係鹹咗啲。 
😋 鎮江肴肉 $72 鎮江肴肉喺上海菜嚟講都算係必食嘅頭盤小食，話說好似係江蘇十大經典名菜之一，係豬蹄部分，凍食嘅，細細嚿好似嚿磚頭咁，除咗肉之外仲食到啲好似啫喱嘅嘢，呢一部分係上湯豬皮膠，用湯汁同埋新鮮豬皮煮成。記得要點醋食呀！酸酸地凍凍地幾開胃㗎😝 😋 酸辣湯（例牌）$70酸辣湯類似係酸辣嘅碗仔翅咁，材料有蝦仁、豆腐、木耳、蛋絲等等，$70一煲都幾大煲，多到4個人都飲唔晒～ 呢個酸辣湯都唔錯，因為係真係辣嘅！因為

巡弋在香港仔舊大街，天龍樓是一家掙扎經年、努力求存的上海菜小店。從前未認識黃埔江的味道；就是由這裡一道粗炒開始。多年沒到，小店一如往昔。整條舊街都在變、變、變；鄰店亦在轉、轉、轉…惟有此店，幾經風雨，仍低調地在賣著自家做的豆漿、包子。 和同事坐在角落，看看四壁的menu，發覺並不便宜。但想想政府派的一萬塊…吃！叫了鍋貼、生煎包、豆漿為自己加油打氣！謝謝波叔。《以食論食》鍋貼-（$33/5個）咬破有肉汁，好吃，湯汁亦夠熱。鍋貼底帶焦香，可惜鍋貼面皮呈蒼白色，好像營養不良。其實在煎鍋貼時，可在面皮澆些熱油，令它上色；或者索性把面皮也煎一煎，好讓鍋貼通體焦黃。生煎包-（$33/5個）沒味道且不夠熱，完全無湯汁、肉汁，包子太乾身。肉餡亦細，顯得皮厚，一個人吃半份有點吃力。豆漿-（$9）有豆味，夠凍，份量大，不錯。《用餐環境》-一般舊式上海小館陳設，沒裝潢-很闊落-冷氣夠涼快《清潔衛生》-枱面：很乾淨-地面：沒水漬、沒垃圾、不滑-餐具：很乾淨《服務》-很好，有禮貌，夠熱心《性價比》-客飯五十多元，有自選小菜、菜飯、例湯，價格可以接受。-包點較貴。但自家手工製作，也可理解。《抗疫》消毒-no探熱-

日前與家人去到香港仔，中午做完事情後，一行四人就在附近用餐。餐館的門面不起眼，內裡的位置也不多。坐下後做完一輪防疫措施後就點菜。我們要了醉雞(例牌)、小籠包(10隻)、蝦醬鮮魷炒飯、擔擔麵及雜錦豆腐煲，後來再加了一條炸銀絲卷。醉雞(例牌)份量也不少，花雕味濃郁，雞肉嫩滑，味道不錯。小籠包(10隻)皮薄肉鮮，肉質鮮美腍滑有肉汁，而且還很大隻，熱騰騰的端上來，要食也不能心急，小心燙嘴。之前未試過這個蝦醬鮮魷炒飯，蝦醬味香濃，稍嫌鮮魷較為細粒，飯也炒得乾身而不太油。我們要的擔擔麵是不辣的，味道適中，麵質也算爽滑。雜錦豆腐煲的材料除了豆腐外，就有一些如豬肝、豬肚、雞腎、蝦及冬菇等，味道還可以。後加的炸銀絲卷，熱呼呼的上來，一人一件就清碟了，也算皮脆內軟，可以蘸煉奶來食。整體來說質素不錯，埋單後還有抽獎，抽到一客豆沙鍋餅，雖然沒有時限，但也不知下次甚麼時候會再來。

黎到香港仔呢間小店上海天龍樓😉雞絲粉皮花生醬味濃😊粉皮滑 不過冷盤黎講唔夠凍🤔雞肉唔夠彈口唔夠爽😬每人枱頭都有一碟小籠包 到上海店都不得不試一試賣相唔錯 熱力十足小心燙口😝大部份都有湯汁肉汁係小籠包內小部份冇湯汁 🧐包內啖啖肉😎再黎碟鍋貼同樣啖啖肉 🥳鍋貼嘅皮有咬口 而且煎得唔錯 鍋貼底部煎得脆口😎擔擔面一般擔擔面嘅味道 🤗不過不失擔擔面可加配豬扒豬扒香脆可口😋野食唔算平🤑不過小店需要支持一下 最欣賞師傅自己搓面皮😍可以話第二度食唔到呢種風味喜歡試唔同面/餃子鍋貼皮嘅朋友可以去拜訪一下哦😆

公司因為特殊原因 (大家都明係咩一回事)，搞到今年的開年飯都遲咗食，檔次亦低咗很多，只去了香港仔的上海天龍樓吃午飯便算。這店子都幾細，我哋十幾人迫在廚房門口的一張大檯，總算坐得晒。不過衛生方面，絕對有改善空間，你知啦家下咩時勢。我哋點咗個合家歡套餐$798，有【三色拼盤】、【賽螃蟹】、【回鍋肉】、【砂鍋雲吞雞】、【宮保蝦仁】、【麻婆豆腐】、【火腿津白】，都幾抵食。不過，我哋咁多人又點會夠食，所以多點了廿隻小籠包、廿隻餃子、糖醋魚塊、砂鍋雲吞雞等食物，當然啤酒、豆漿、汽水亦唔少得啦。【三色拼盤】海蜇、燻魚、牛展。燻魚比較好味，最快俾人掃清。【回鍋肉】回鍋肉爆炒得好香。【砂鍋雲吞雞】兩鍋雲吞雞，一鍋明顯地淡味，即是烹調水準好唔穩定。【糖醋魚塊】魚塊有腥味，又多骨。【小籠包】皮厚、肉汁少。【餃子】皮厚，食咗會好飽。個個都食到飽晒，埋單前，店子老闆仲專登整10隻高力豆沙俾我哋去分。水準一般，勉強合格。

yes I am here to visit again this shop this evening, tried their signature fried dumpling, spicy soups and a pan fried spinach with chicken.

💛 #黃色經濟圈 香港仔黃店冇乜邊幾間~咁啱想食上海野就去左天龍樓食晚餐~餐廳晚市都幾多人而且需要人齊先入座~想去試嘅就要留意翻啦😉🍴小籠包($56/10隻)留意翻逢假期暫停售賣5隻~所以我地今次都叫左10隻😛小籠包水準好似冇以前咁好~入面都冇乜湯汁可以再改善翻😉🍴鮮肉鍋貼($30/5隻)我個人又鍾意食鍋貼~呢間嘅鍋貼除左個皮厚左啲之外都幾又食😋🍴雪菜百頁屋企人想試下所以就叫左，講真百頁除左打邊爐我都冇試過其他嘅烹調方法🤣雪菜咸咸地嘅味配合本來冇乜味嘅百頁出到黎嘅效果又出乎意料地OK🤣🤤🍴奶油菜心開頭以為係真係菜心~原本係白菜🥬🤣不過味道都ok嘅😋🍴上海粗炒都係正常水準但配料需要自己再撈匀😛總括嚟講~食物水平都合格💛大家可以去試吓😉

咁啱好耐冇食過小籠包同埋見到呢一間天龍樓嘅上海嘢就入去食啦, 我哋嗰日叫咗好多嘢以我嗰日最推薦嘅呢就係呢度嘅雲吞雞小籠包同埋鍋貼啦, 雲吞雞翼雞呢非常之入味啦而且入面嘅菜呀同埋其他嘢都非常之做料, 呢度嘅小籠包同埋鍋貼呢入面都好多汁好好食. 再加上呢個價錢其實呢一間嘅上海嘢真係幾抵食.

今日lunch time想食上海嘢，於是黎到香港仔嘅上海天龍樓。12點黎到，餐廳一個人都冇，唔洗排隊 (但大約12點9 lunch time時間，餐廳就full喇)。呢間小店冇咩豪華裝修，保留住傳統平價上海小店嘅感覺，所以都吸引到幾多人黎。如果想食上海小菜嘅話，可以揀小菜套餐，2人至8人套餐都有，都幾抵食。但我同朋友想食麵，所以我地兩個人叫左擔擔麵($43)同排骨麵($50)。擔擔麵還可以，麵條軟硬適中，加上濃濃嘅芝麻醬同肉碎，味道不錯。麵嘅份量亦比平時連鎖上海店多。但食到後期，可能一開始未有撈匀芝麻醬，湯底變得有啲淡，冇咁好味。至於排骨麵，湯底清清地，唔會太鹹。排骨亦剛剛炸至脆身，食嘅時候仍然係熱，排骨亦未淋，值得一讚。總括嚟講，呢間上海餐廳唔錯，價錢亦便宜，係lunch time嘅好選擇。

好耐無食過上海菜，今日由中環搭巴士去香港仔食晚餐，選了香港人小店：老字號上海菜。大排長龍呀！香港人真齊心雖然地方不是大，但老字號、家庭式、有人情味！有大師博出馬！食物選擇多，有上海小點（銀絲卷、小籠包子、窩貼等）小菜、鍋巴、煲仔、小炒、炒麵飯，各式各樣！點了5個菜餚，先來食前菜。咸脆花生及酸酸爽口蒜頭熱辣辣小籠包子上枱，剛蒸好香噴噴，一籠10粒！皮不會太厚及硬，質感好，入面少少肉汁及瘦豬肉餡，比較健康，配上酸醋汁及薑絲！正喔！醉雞（半隻）凍凍口感，但雞肉比較硬身，酒味可以更濃郁京蔥炒三樣好惹汁，醬汁濃郁可口，三樣：蝦仁、魷魚及雞肉，配上京蔥好爽口好開胃，配飯一流芙蓉蛋飯煎得好脆，蛋好靚配有冬菇、芽菜、火腿、紅蘿蔔絲等等，好好味；配上豉油飯，男朋友大讚！鱔糊炒拉麵又是大碟，比較油身；鱔糊好香好多塊鱔肉，好香軟口感；拉麵像烏冬，好有口感！