上海天龍樓

Open Now

Now Closed

今日要去香港仔買野,貪方便去咗呢間所謂老字號,禮貌嗰啲5洗講喇,無鬧我地叫得小野就已經偷笑。佢嘅小籠包有分5個同10個,咁我地得2個人諗住叫5隻喇,仲想食吓其他野嘛,点知星期六又話要叫10個,都算,最慘係都幾難食,一咬落去成口油,舊肉又實,感覺好“漏”。個酸辣湯面仲恐怖,無味嘅,5酸又5辣,啲面仲係油面嚟,係車仔面啲油面,一夾起我O_晒咀。啲面5知浸咗幾耐,林到呢。。。我只能夠形容為慘劇。好彩只叫2樣,食完嗱嗱林走人。伏已中,無下次😡

作為土生土長既南區人又泥南區好推介😌😌😌 位於香港仔舊大街既上海天龍樓已經20幾30年歷史，鋪店裝修較陳舊，但菜式既味道一樣好食💕💕💕-1️⃣) 排骨擔擔麵💲6️⃣6️⃣非常正宗 佢地既擔擔麵係一卷野咁樣架，佢見我地係2️⃣個人食，所以已經幫我地剪成2份😌😌排骨極酥脆🤤🤤 肉極嫩 不得了🤤🤤🤤🤤-2️⃣) 上海小籠包(10隻)💲5️⃣8️⃣佢地最出名既就係小籠湯包 即叫即包👍🏻 皮既厚薄適中 唔會厚到成口粉 又唔會薄到一夾起就爛😌😌😌 湯同肉都好好食 真！係！好！好！食🤤🤤🤤🤤🤤-3️⃣)生煎包(5隻)💲3️⃣1️⃣生煎包比較普通，但都不錯👍🏻

終於等到星期日的來臨，但又沒有假日應有的心情，唯有找一些久違的味道刺激一下味蕾。上海天龍樓位於香港仔僻靜的內街，食客多是住在附近的舊街坊。上海菜吃的都是濃油赤醬，今日想食得清淡一點，所以叫了一碟三鮮湯年糕。湯年糕味道清淡中帶點咸肉鮮味，但相信重口味食客會想另作選擇。湯料還有蝦，雞肉和雜菜，是健康之選。窩貼煎得夠脆口，特別喜歡店家在甜醋中加入薑絲，配豬肉餡一流。清炒芥蘭夠火口，有鑊氣，夠醒神!隨著愈來愈多新式食肆進駐香港仔舊大街，要穩住陣腳，相信店家需要在傳統菜式之上再發揮創意。

一向都有食開lunch的客飯，都ok嘅，晚市該是第一次，店子小小，頗為旺場，8點去到，好彩都即時有位。點了我至愛的回鍋肉，賽磅蟹，黎多個上海店必點的小龍包，見隔離枱點了松鼠黄花魚和醉雞，我都來一客先，配個菜飯，豆漿汽水。第一味上碟就是醉雞，往往第一碟會覺得最好食，因為肚餓，但食到尾，只有醉雞食吾晒，例牌的食淨5，6 舊，酒味太濃，而且好似我廚房炒菜用的十元枝花雕，有點乸喉，完全蓋過晒雞味。好在再來的賽旁蟹和回鍋肉争分不少，回鍋肉野味，賽旁蟹香滑，餸菜飯一流。小龍包大路一般野，不過不失，而松鼠黄花炸得幾香口配甜酸汁都幾醒胃，但略覺貴了半格，要155元。三人前，埋單468元，人均約150 元，算是一般般喇。

今日趁好天去行山一直由柏架山行到過黎香港仔呢一邊咁就試下呢一間因為身邊既人係咁話好好食不過其實因為以前有謝記所以謝記永遠都係我既首選所以我都唔係好知香港仔有咩好食自從謝記唔做之後我都好少係香港仔食野所以今日真係要試下啦今日2點幾食所以已經係下午茶時間下午茶要咗酸辣湯拉麵咁仲包埋一杯豆漿一碟菜相比起連鎖式既上海店佢既下午茶真係算平另外仲點咗一籠小籠包首先講下個酸辣湯拉麵個麵做得唔錯但係個湯底我略嫌唔夠味相比起我就覺得連鎖式既好食d至於個小籠包5隻先29蚊其實都好抵皮都尚算薄不過5隻之中有1隻未夾已經穿咗如果d肉可以再滑dd就好咁既裝潢下午茶就真係好抵呢度既野唔係唔好食我覺得味道算唔錯只係我身邊既人好推薦呢間搞到我期望過高

同肥髀去剪髮前去食呢間上海菜，門面已經舊，好街坊式嘅餐廳，入內中式小菜館格局，地方舊，桌面又黏黏的，牆上貼咗好多餐牌！餐牌正常上海菜式都有！當時場內三枱客，都似係熟客，同住店員傾偈！落單之後，菜色唔係跟涼菜開始上菜！係完全無章法咁出，因為門口蒸點部同廚房無溝通！不過都唔要求太細緻嘅服務！以下係跟上菜次序排列：凍豆漿：夠凍，有豆味幾滑！唔太甜好味！上海粗炒：呢個又係好大碟，上海粗麵彈牙，椰菜淋淋地又有爽脆，白菜仔爽口，濃香醬油入味，好味！小籠包：即叫即蒸，皮彈牙，無漏湯，一個一啖，每個有1/3湯！豬肉唔乾！好好味！鎮江肴肉：好大碟，豬肉用足，咬落好香，點咗專用醋（店員特別講明無薑絲嘅比肴肉）酸酸地唔膩，好味！食物即叫即做，全都好味！店員豪爽型，好像落漏單即刻處理，有同我講下笑，眼闊肚窄食唔晒，攞盒都好爽手！有講有笑！街坊小廚！兩個人$170

傍晚6點左右2個人入去，人不多，但待應不停叫我地搭枱之後待應倒瀉熱茶係我地身上面叫佢拎紙巾又慢重要一句對唔住都無 只係抹枱🌚因為濕哂 所以我地坐左隔離枱佢又係咁叫我地調去另一張枱明明我地處理緊件衫佢不停叫令人倍反感之後叫左個排骨菜飯同排骨擔擔麵排骨好油，菜飯無味，擔擔麵一般不過佢送個湯好足料，不是味精

我之前曾經惠顧天龍樓的堂食。天龍樓的酸辣湯分量和味道都值回價錢，所以對餐廳的印象都不錯。今天剛好想買餐廳的外賣，就點了小酸辣湯（$50）、蔥爆牛肉飯和醉雞飯。在門口等待了10分鐘時，我們的外賣已經準備好了，但服務員就遲遲未有通知我取外賣。當接到外賣時，我對我期待已久的酸辣湯大感失望，湯的分量只有一碗糖水的分量。給了$50元，但只有堂食的一半分量，感覺像是給騙了一樣..幸好另外兩個飯味道還好。建議大家想飲酸辣湯，一定要堂食叫...

趁住港島南線開通和1月2日新年假期, 一行4人決定去出遊, 當日假期的港島南線沒有想像中的多人搭乘, 下午遊到利東站行行鴨脷洲大街, 見到人氣小食店'食記餐店'連外賣都大排長龍大家慌死執書係都試埋一份, 食了魚肉翅, 炸魚旦和炸燒賣, 老實說普普通通. 黃昏時坐街渡往香港仔, 再走到香港仔舊街的上海天龍樓, 6:30 已經全店爆滿 4人等了20分鐘才可入座, 店內四周環境絕對是70~80年代你我屋企附近總會有的街坊上海店格局. 4個大食怪點了: -油炆筍 - 筍嫩醬油香, 掂咸腎 - 普通, 咪就係唔夠咸香囉 !醉雞 - 花雕香撲鼻而至, 雞肉入口嫩滑充滿酒香, 好吃小籠包 - 絕對要食真係好好食, 需要包汁不太多但皮簿餡靚, 吃到豬肉的甜味, 我肯定店家不是用冰鮮肉炒鱔鰗 - 店員會問要韮王或是芽菜炒 ! 選了韮王炒, 老實講買相真係唔多靚, 但一入口就完全是上海老風味濃油赤醬, 絕對令我回憶起以前的街坊上海店的味道. 反而係現在的黃鱔都飼養到大大條粗到似條蛇, 但入口肉卻是腍的, 早已吃不回以前黃鱔的爽脆感京蔥爆羊肉 - 吃不到半點羊膻味, 而且羊肉可能用泡打粉醃製過, 入口鬆泡泡

當越來越多上海嫲嫲姑丈之類新派菜館，舊式上海菜館已逐漸少見。 雖然沒有時尚裝璜和精緻上菜，但吃到的是那風味。1. 炸鳳尾魚雖然不是即炸但少了油膩感，冷吃仍香脆可口。2. 煎窩貼及小籠包窩貼比小籠包内有更多肉汁，皮薄肉餡足。3. 上海粗湯麵湯底不太鹹，麵爽滑餸菜多，大大碗滿足。

今晚買外賣俾我老豆食買左個鱔糊客飯 六十蚊果個 加五蚊要杯豆漿雞絲粉皮 五隻鍋貼其實廚房超快好快就整好左個鱔糊客飯同雞絲粉皮有個員工去整鍋貼 過五分鐘後同我講燶晒要我等多十分鐘 冇問題 唔緊要 我會等到三盒野盒齊晒 豆漿出埋 我都急急腳走啦屋企有個老人家等飯食返到上屋企 打開晒三盒 發現鱔糊客飯冇飯 得一大堆鱔糊係度感我即刻落返去同佢講啦！落到間野度 溝通完冇飯得鱔糊之後 個職員大大聲問我:你知唔知個鱔糊小菜幾錢？ 我好大聲回應:幾錢呀？之後再問我知唔知個鱔糊客飯幾錢呀？我再大聲回應:幾錢呀？(心算 相差三十幾蚊！)之後仲問我係唔係要飯？再同我講:你賺左個鱔糊小菜喇嘩！咩意思呢？講到好似係我問題感你地包錯 俾錯野 又關我事呀？仲有，唔會再幫襯P.s:本人一向都覺得一間餐廳接到投訴或者被寫劣評呢啲野好大影響！做客人唔會有得益，但係我覺得今次我真係忍唔住，嬲到一個點，完全接受唔到被人感樣大聲又唔好禮貌嘅說話

呢間上海食店係香港仔已經好多年，唔好睇佢舖仔細細，食物既水準也不錯，經常有人等位，我食過好幾次了，次次都係呀以下食物：酸辣湯 － 佢地個酸辣湯入面既材料有好多，我食到有蝦仁，豆腐，木耳絲，蛋絲，豬肚絲．．．甚至青豆 ，又酸又辣好好味！必試~~~~另外一樣我次次都叫既係鱔糊抄粗面，鱔肉又肥又厚口感十足,加埋芽菜芹菜一齊抄口感更爽,同埋呢個抄完出黎唔會太多油太肥膩,而且獲氣十足!yummy~~~食上海菜叫鍋貼,小籠包是常識吧.......呢2樣食物的外皮厚薄適中,餡料新鮮,唯一缺點係小籠包入面冇咩湯汁,好似一個細小既豬肉包仔咁.......食清哂所有野再整杯冰涷豆漿,飽哂好滿足!!!

店名：上海天龍樓地址：香港仔舊大街58-62號C舖好味指數：8.8／10價錢：$42豆沙鍋餅外皮鬆脆，紅豆蓉餡料熱辣辣的溶在口中，非常出色。這間店優勝之處在於食物即叫即製，傳菜時間夠快，故能熱辣辣呈上客人桌上。店名：上海天龍樓地址：香港仔舊大街58-62號C舖好味指數：8.3／10價錢：$1xx(忘記了！？)雲吞雞雲吞雞用一個砂窩盛載，熱滾滾的呈上桌上。先說湯底，雞的鮮味香濃鮮甜，加入了金華火腿，湯是熱烘烘的，，好常好味。津白腍腍的，吸收了雞湯味道，非常鮮甜。雲吞內的餡料跟小籠包的差不多，很鮮味。雞“鞋“了一點。店名：上海天龍樓地址：香港仔舊大街58-62號C舖好味指數：8.5／10價錢：$40嫩雞煨麵配料有雞粒，青菜，竹筍等，配合濃郁的清雞湯和麵條。湯底結結地，好易入口。喜歡重口味的我，對於這個相對比較清淡的菜色也非常滿意，亦很喜歡吃。店名：上海天龍樓地址：香港仔舊大街58-62號C舖好味指數：9／10價錢：$54銀芽鱔糊客飯（包例湯和菜飯1碗／白飯2碗）這兒的蟮糊比外面吃到的是差不多，但我總覺得這兒比較好吃。首先，醬汁非夠多而且濃味，能滲透每一條銀芽每一條鱔糊，用來撈飯最好味。鱔糊

諗唔到有咩好食下，男朋友話提議食上海野，係後巷位，平時無咩為意。大排檔風格但好乾淨企理原本諗住散叫小菜，點知發覺有客飯，咁就叫左兩個客飯加小食好耐無食過咁足料既酸辣湯，豬紅，豬皮，木耳，豬肚...真係咩都齊，好味。唯獨是多左我唔中意食既綠色豆豆飲酸辣湯就梗係配銀絲卷啦，入面都好鬆軟，卷卷分明。小籠包就正正常常。客飯到，有得揀菜飯或者白飯。菜飯剛好，有菜又唔似出面果d 撈到好油，配鱔餬一流。鱔餬都好足料，醬油味夠，又唔會太油。仲有呢個，唔好睇輕佢既咸肉湯。d 咸肉真係好好食，好香，咸肉煮完湯之後味道剛好。要黎送飯都好好味。人少少想食中式野絕對可以再試。

上星期日一早同幾個朋友去了南丫島行山，之後乘街渡回到香港仔海傍，望望手錶，都只是4點左右，但肚皮卻響起訊號，Tea癮發作，可能行山活動多咗的緣故吧…遂和朋友一起在香港仔逛一下看看有甚麽好嘢食。在印象中，香港仔比較出名的都是海鮮，或以前的山窿魚蛋粉，但都已經不起歷史洪流沖擊而光榮結業了，現時剩下的大多是一些大型連鎖式餐飲食市，無甚特色。當我們都不寄予厚望之時，行到去香港仔舊大街那邊，忽爾眼睛不約而同被一間店舖吸引住，不是因為那是甚麼出色名店，也不是因為裝修得華麗堂皇，而是因為這小店在懷舊的裝潢下，一塊半身廚房大玻璃的透現中，我們看到一位赤膊上身的師傅在努力的搓緊小籠包皮，係呀，你沒有睇錯，是赤膊上身，相信現時的食市，就算是大排檔都好難見到如斯場面了。可能你會將此情此景定性為不專業，不衛生，但在我個人觀點是，這種視覺“風味“可能已“失傳”很久，是香港以前平民食堂風格的一個標誌，更何況衛生與否是在乎廚師的手法而不是佢嘅外觀。眼見師傅的熟練手藝，我們幾個的冒險精神忽然番哂嚟，決定入去試一下。甫入店內，濃烈的八十年代風格影入眼簾，一種舊式上海飯店的裝修風格，門口是一個透明廚房，讓客人盡覽師傅做麵