上海天龍樓

Open Now

Now Closed

已經有好多年歷史既上海菜小店，每次經過香港仔舊大街，都望住師傅整緊小籠包。最近依2年重新裝修，外觀同環境都變得光鮮整潔。間中都會幫襯。店鋪唔大，有約30個位，好多街坊都會黎食晚飯。以家庭式小店黎講，菜式同餐點選擇好多元化，小炒鑊氣夠，包點即叫即整，而且上菜速度都好快👍🏽。銀芽韭王炒鱔糊 $124鱔條肥美爽脆，份量足，同銀芽韭王一齊炒好惹味😋，唔會過咸，係全餐冠軍😆👍🏽。上海回鍋肉＄88微辣又惹味的一道餸，有住豆醬的香氣，同椰菜、西椒、豆干配搭炒，好啱送飯食。酸辣湯（例）＄80酸辣湯配料好多，有齊豬紅、木耳絲、豆腐、筍絲、蛋花，味道微酸微辣，淡淡豆瓣醬香，飲完好滿足又暖身志。三鮮炒年糕＄75三鮮以雞肉、火腿、蝦仁，配以大小白菜炒年糕，年糕軟硬度適中，黏糯口感，味道簡單清新。灌湯小籠包（5隻）＄36肉汁滿滿，皮厚左少少菜肉雲吞（8粒）＄54多肉少菜的餡料，配上簡單豉油湯底

We stumbled upon this restaurant after a hike from Aberdeen Reservoir on a Sunday afternoon. Outside the window you can see two chefs making dumplings! The staff were sharing fruits amongst each other so it seems like they are a big loving family! Upon being seated we were offered free hot tea, the menu looked very big for a small restaurant that properly seats 40ish pax! We order our usual Shanghainese favourites, including 小籠包，鍋貼，蒸素餃，饅頭，排骨麵，lastly, we ordered a 砂鍋津白.The flavour of the xiao lon

上星期去左呢間食晏, 上海菜一直係我至愛！ 屬小店經營坐位唔多但都坐得舒服！客飯有廿幾款, 我叫左回鍋肉客菜飯, 起菜較慢但味道唔錯, 可惜菜飯好似未熟透！六十幾蚊食晏唔算平但勝在冷氣充足, 坐位唔會太迫, 都算合格。

今日媽咪生日話想食上海野，就黎咗呢間近近地嘅餐廳。我哋三人揀咗四人套餐，再加一客鍋貼。食物方面只有兩個字就係鹹同油。小籠包係跟餐嘅，不過可惜一食就見到仲係紅紅地，有少少唔熟，所以要求更換。飯係要另外加錢先有，其實佢哋係唔係唔明套餐嘅意思。食到差唔多最後鍋貼仲未到，比起種種嘅缺點，漏單彷彿已經唔算甚麼。最後重點係明明餐牌寫全日免加一茶芥，最後都係要計錢。二人$7，四人$14，我哋三人都係要俾$14。其實服務方面有個年紀大啲嘅姐姐都幾nice，係個帶帽後生啲嘅女人態度衰。光顧得嘅都係客，唔需要太好服務，但基本對答嘅禮貌都唔該俾少少。

首先是味道一般的問題。上海菜作為一種中國傳統菜系，有著獨特的風味和口感，在制作和烹調上也有著獨特之處。如果餐廳的上海菜味道一般，那麼就需要餐廳加強菜品的烹調技巧和配料的選擇，讓菜品更加美味。價格太貴的問題。價格的高低取決於多個因素，包括菜品的種類、質量、製作難度、地理位置等等。如果餐廳的價格太貴，那麼就需要考慮是否物有所值，是否符合菜品的品質和烹調水平。總體來說，如果餐廳的上海菜味道一般且價格太貴，那麼就需要餐廳改進菜品的烹調技巧和配料的選擇，讓菜品更加美味，同時也需要考慮價格是否合理。

整體來講，小籠包同酸醋魚塊，兩款味道比較正常酸辣湯既敗點係佢嗰種辣，同個湯一d都唔夾雞絲粉皮又係衰响個醬汁度，本來一碟野好好地，搞到咁最失敗既係椒鹽豆腐，如果有黑色星星，會比足十個如果再去只會食小籠包

住香港仔十幾年，一直都聽過又經過呢間天龍樓。今日父母結婚30周年，突然心血來潮提出來試試佢。1. 回鍋肉 $8? - 9?正正常常無咩驚喜嘅回鍋肉，唔會辣適合大眾口味。2.九王銀芽炒鱔糊 $12x聽講係呢度招牌菜，爽口九王加銀芽，配上少少彈牙嘅鱔肉條，好送飯3.清炒河蝦仁 $12x店員落錯單，一開始嚟咗個清炒鱔片。再等咗10幾分鐘，個蝦一上菜我以為又落錯單，因為碟嘢根本就唔係河蝦仁，我地亦都三番四次搵店員確認，店員都好肯定咁話呢碟就係河蝦仁。當時係有種比人當水魚嘅感覺，真係當我傻的嗎，至於好唔好食？睇圖就明4.生炒三鮮 $10x炒三鮮係雞肉，蝦同埋魷魚，仲有d菇類。除咗魷魚有d硬之外，調味都相當唔錯，咸香味又唔會太重，今日MVP5.糖醋排骨 $8?-9?送到即食，外皮已經完全唔脆，好似d浸咗好長時間糖醋汁嘅生炒排骨，不過佢地係用豬扒條，會食到比較多肉，如果鍾意食脆口嘢可能會有d失望。6.灌湯小籠包如果你幻想緊吉開個包皮，慢慢吸佢d汁，咁你就真係去錯地方。因為當我嘗試咁做嘅時候係發現一滴湯汁都無漏出嚟埋單見到張單仲寫住個清炒鱔片$14x, 叫店員改返但個女店員話好麻煩唔改，直接打咗個9折

好多年無入南區，難得復活節入去行完山緊係要覓食一下。朋友介紹食上海野（不過網上話轉咗手之後伏伏聲。自己 try try 佢咪知乜料）一嚟整個酸辣湯，酸度同辣度都幾足，正正常常食食吓有啲咸🤣不過都算醒胃又唔會越食越口渴鱔糊炒拉麵反而做得唔錯，雖然真係好油但食落係唔覺（係食到尾聲見到個碟底就會嚇親🥹）鱔糊啖啖肉，爽口唔腥，拉麵都幾彈牙（不過明明係油麵啲fd子點解會係拉麵，好疑惑呢）不過有少少唔開心係佢話假日無得叫五隻小籠包，焗住叫咗十隻。食味正常傳統唔薄皮嗰種，又唔想浪費搞到食到勁飽。對人少少幫襯唔係咁friendly，食得多又開始頂唔近同埋都係啲老店無乜service 嗰種囉，你話好伏態度好差又未至於，性質比都合理，但又真係無乜吸引力會想特別誇區去

本身想食香港仔鮨政，但可惜摸門釘，點知另一間日本餐廳采彩都無開，就是是旦入間小店啦。裝修好平民，係一間好傳統比較簡陋嘅家庭式小店，環境尚算乾淨，鐘意佢每一張枱都有酒精搓手液仲係柚子味。整體來，食物比較清淡，帶有住家feel。先講百葉毛豆，味道偏淡而單一，份量多但不平均，期望可以多啲毛豆增加口感。失望係毛豆應該唔太新鮮，見到已經有芽仔出現。小龍包（細）一共有五大個，之所以「大個」係因為真係大隻，同乒乓波大細差不多。外型不太討好，表面好似月球凹凸不平，食落感覺就好似係中式麵包質地，厚而粉。而肉嘅質地係一pat pat，無口感亦無咩調味，可讚之處係用上鮮肉。最後係紅油抄手，味道好奇怪因為醬汁同食物嘅combination一啲都唔夾。正常嘅抄手應該係酸加辣，但哩個係甜。可取嘅係佢啲皮夠薄，似乎係用雲吞皮，肉餡同小龍包一樣，唔好食。事後先知原本係黃店，服務好、友善，但希望可以改善下食物質素啦！加油！

💬 灌湯小籠包(10隻) - $68因為係假日食, 所以冇得揀選少啲個份量😗 皮唔會太厚同太薄(易穿會好傷心) 灌入去既湯好正 飲少少再配埋肉餡食😛💬 雲吞雞(例) - $148佢有得揀選例牌同迷你, 我同家人四個人揀例就岩岩好🤗 有好味既上湯 雲吞 娃娃菜 仲有半隻雞(要自行解體) 俾你知係足料的 嘿嘿, 雞肉幾嫩唔會好乾柴😝 食完好滿足💬 鱔糊炒麵 - $86啲鱔幾爽口, 我鍾意依個口感, 唔會太梅太軟身, 而且份量仲要唔少; 而炒麵方面, 好夠色但唔會好咸好口渴☺️😂💬 豆沙鍋餅 - $56依個就有啲失望, 豆沙餡正常, 亦都唔會太甜, 不過佢個皮係新鮮熱辣時 都比較硬身, 如果再脆口啲會更加吸引 😆依間係係同屋企人食, 以上既食後感係加埋佢哋既意見 😋個人覺得不錯, 最鍾意係小籠包同雲吞雞😝 💛上海天龍樓💛香港仔舊大街58-62號C舖💛2873 6403

今次第一次試，比較少係香港仔食野所以比較吾到其他餐廳，但我覺得幾有特色，幾好食，點咗嗰擔擔麵佢嗰口感好好，調味濃香，但籠小包吾推薦，好大粒但吾夠肉汁，酸辣湯雲吞就好正十分推介

今日來食小籠包，皮厚，肉硬，無汁，非常難食，另外叫左一個回鍋肉粗炒，面硬，無味道，成碟都係油，好似食緊大量油炒麵甘，再叫過炒鱔糊，真搞笑，來左個炒鱔片，都算，個員工態度極差，仲話佢哋員工，四個人八隻眼聽到我叫炒鱔糊，由得佢啦 咪硬食囉，唔係點姐，點知個鱔片係生既，投訴又無道歉，攞番入去炒算數，然後攞番出來，當無事發生一樣，食到一肚氣，以後唔會來，香港仔最差食店。。。。餐廳又細又小，坐都坐得唔舒服！！

本來諗住入香港仔食羊腩煲，點知原來星期六冇卜位基本上係冇等食😅行行下見到呢間上海野門口有師傅即整小籠包，同埋唔洗等位，就入去試下佢啦！佢今次比左個廚房出入口我地（我估呢個位係平時員工食飯用）不過咁都好嘅～上菜快啲啊嘛🤣食上海野，小籠包一定係必食嘅～另外仲有鍋貼，雞絲粉皮，炸銀絲卷，京蔥爆羊肉，九皇銀芽炒膳糊。主食方面就有酸辣湯面同擔擔面。小籠包：食得出即叫即蒸嘅，因為黎再個陣熱辣辣，但係無咩湯，味道尚可，吾算好特別鍋貼：好失望，同食蒸餃冇咩分別，皮好厚，成隻餃有煎到轉左色嘅部分只有1/3，但係一啲都唔脆，最後我只好棄皮食肉雞絲粉皮：果然係無期待嘅野永遠會有驚喜。雖然上菜個陣我有諗點解碟野咁冷清（因為一般嘅都會有青瓜絲）不過賣相唔緊要啦，最緊要好食，麻醬好滑，濃濃嘅花生香味，同埋佢個麻醬有鹹味，吾會太油，粉皮都算彈牙，成個配搭係有90分，加左青瓜絲就會更清新炸銀絲卷：炸得唔夠脆，而且中間唔係好鬆軟，一般京蔥爆羊肉：好夠獲氣，調味岩岩好，雖然佢個羊都大陣騷味，不過配埋京蔥同埋佢個汁就岩岩好，用黎送飯一流九皇銀芽炒膳糊：一樣無期待過就有驚喜，一樣好有獲氣，個汁甜甜地，有啲似蒲燒鰻魚個汁（一開

以前不嬲食開，都覺幾好食，見裝修完都未食過諗住去食下，點知中曬伏，一開始落單好似逼您叫野食，叫野飲咁，我地4個人，叫阻两罐可樂，同佢講两個唔飲，係咁問您地要唔要，重要問阻3次，我都答阻3次，答都答到我嬲嬲地，到食個到，重痴線，叫阻兩籠小籠包有20隻得一隻有湯，其他未夾都已經見到穿曬，乾到食都食唔到，叫個口水雞，直情两回事，個汁都未識整，完成唔係口水雞個隻味，未試過食上海野食到咁嬲，食都唔食直接走，呢間野唔會再食

朋友仔今日帶我嚟呢間🤩老字號上海菜館食晚餐🥣，佢話裝修咗之後光猛咗同乾淨咗！餐廳唔算大，座位有少少🤏窄😂。朋友仔鍾意食🐑羊肉就揀咗呢個🌶水煮羊肉，味道十分之唔錯，夠香夠辣🌶，不過羊肉係好似打邊爐嗰啲肥羊片，但最吸引我哋🤩嘅係底下嗰啲吸晒汁嘅薯粉！我好耐都冇🤤食過鱔糊，所以我就揀咗呢個鱔糊炒粗面😋，味道唔錯，但最驚喜嘅係啲鱔好🤩爽口，唔會❌𣺉啤啤咁👍！另外我哋仲叫咗一籠小籠包🤤，啲小籠包都幾大粒，皮薄餡靚🤩豬肉🐖鮮味，不過入邊就唔算好多🥣湯汁。總結來講係附近幾高質抵食👍嘅上海菜餐廳，佢嘅鱔糊特別🤩出色，我覺得下次可以嚟淨係食鱔糊😂！