鳥良 (Closed)

呢晚同朋友仔散步到河畔的烏良食飯，順便欣賞晚上城門河既風光。　　去到簡野食，叫左個二人餐，有沙律小食燒物同壽司。　　好快上左沙律先！無放題店咁HEA，又比普通連鎖店定食餐新鮮，合格以上。　　食物陸續到齊。　　燒鯖魚（左上）：好香！夠入味！但……之後覺得幾口渴。　　鹽酥雞！？（左下）：和普通炸雞確係不同，只係我講唔清果種味叫咩，然而並無特別回味之處。　　壽司X8（中）：最好味係玻璃蝦，其他一般。記得上次火灸壽司極好味，可惜普通二人餐只有凍壽司簡。　　烏冬（右）：第一次食呢間野時並唔覺得佢Ｄ烏冬格外好味，第二次食更覺好一般，超市買稻庭烏冬比佢好。湯底似出前一丁麻油味。下次叫飯食。　　Overall都可以，始終一分錢一分貨，二百蚊兩個人食日本野食到好飽，有幾味好味，又可欣賞城門河風光，同好友享受河畔情調，良辰美景，所有野都美化了。會有下次。

今天要繼續清清淡淡，但又唔想太寡，所以揀左食烏冬。十二點二左右去到店前，可能時間尚早，只係得兩枱客，不過可能店員估計一陣會好多人，所以都安排我撘枱。咁我得一個人，都冇乜所謂。叫左蟹子沙律，照燒雞扒烏冬。等左都幾耐下（十分鐘左右吧），沙律先至上枱，都幾大碗，冇錯係，係用大碗裝的，份量都唔少，清瓜絲亦爽口。食到大半，烏冬亦來了，個湯清清地甜甜地，有D 海澡同粟米，都 ok。烏冬有咬口，但唔算彈牙，最可惜係件雞扒浸左喺湯裡面，浸到淋淋地，照燒醬嘅味流走左，雞肉仲要鞋鞋地，實在係敗筆。

今日係沙田行街,又唔知食咩好既時侯, 又要上OR 搵下有咩好食 .見近近地 就去河畔果邊 睇下有咩好野食 .之前去過果邊食雞煲 都見到有好野食.今日就去左鳥良試下 ~~自家制, 有蛋香 ,不夠JUICE . 尚算合格三文魚腩6片 不會太薄 有油香. 海膽沒有腥味 GOOD燒汁加上孜然粉 ,底部燒得香脆 . YUMMY呢個真係好味,好大條 簡簡單單用鹽燒再加上LEMON汁 就可以帶出鮮味 主菜到 ~~睇番之前有位食友推介這個 ,果然與內容相同 ! 第一口咬下去 同女朋友都不一敔認為有點"RUTH CHRIS"的味道,雖然肉質不可以相提而論.不過以70HKD 這個價 就真的比較難找到 個人口味 8/10

2013 年黎到第三個月喇 , 食家挑戰賽之後 , 我休息左三個月喇 , 由於實在太忙 , 相有影 .... 但連電腦都無開 , E mail 無收到 ,奬無領到直到早兩日得閒 d , 打電話去 openrice office 查問下, 終於約好時間今日過左側漁涌一趟 , 之後返屋企放低 d 野就落街搵媽媽同細佬食野 佢地過左黎河畔呢邊 , 食細佬話試過 d 烏冬唔錯o既鳥良 ~ 除左烏冬 , 呢度仲有刺身 , 壽司 , 手卷 , 串燒 , 定食等等 1. 炭燒雞扒軟蟹野菜沙律~ 沙律菜新鮮爽脆無苦味 , 配合青瓜絲同白蘿蔔絲 , 好清甜醬汁係帶有芝麻粒o既胡麻醬 , 相當惹味 , 雞扒亦軟滑得宜反而軟殼蟹有 d 失望 , 炸粉太厚 , 係香脆 , 但味道唔突出2. 鹽燒牛舌~ 牛舌厚身 , 肉汁豐富 , 口感爽軟不過韌 , 剛好七成熟 , 味道都調得唔錯 , 輕輕鹽燒加上鮮檸汁 , 水準甚佳3. 芝士焗生蠔 ~ 我無食到 , 見到唔算大隻 , 細佬話芝士味好重4. 串燒鰻魚~ 媽媽話幾好味 , 不過就淋得制5. 三文魚腩海膽飯~ 賣相唔錯 , 三文魚腩切得幾好 , 有六大片好香好

原來已經有好一段時間無黎過鳥良了，轉左人經營，門外開嘅枱多左，侍應多左，餐牌上午餐款式都多元化左，但係唔野差左，好失望。 十二點半去到，等左十分鐘就有位，室內室外都有枱走左，侍應安排坐門外，個位好迫，冬天居然都仲有蚊，食食下仲有其他飛蟲，大煞風景。 十二點四十五分落單，好快手卷已到左，但明明寫左三條三文魚，一條蟹籽，但最後每樣黎左兩條，算了。味道ok，新做起紫菜仲脆，但細條左。 等到十二點二，烏冬都仲未到，吹單，侍應話出單部機壞左已落返，等等等，再問，侍應係勁遠都撘話黎緊，再等等等… 吉列豬扒烏冬到了，豬扒細塊左，炸粉又厚左，好彩烏冬煙韌有咬口，粟米超甜好味。再三吹單，侍應態度超差，話又唔係我煮嘅，你追我都無用…咁點先？另一份雞扒烏冬終於都到，成碗野賣相勁差，啲雞扒又橫又直求奇放落去咁樣，粟米海帶烏冬兜亂…由於趕住返工，無乜點食就沖沖埋單了。 我對鳥良嘅良好印象大減，短時間內不會再去了。

公司附近食日本野嘅餐廳不多，鳥良算係首選，價錢合理份量多，美中不足是坐位不多，遲來了要坐外邊，大熱天時真係頂唔住。這裏出名烏冬，係咪手打就唔知啦，我見送貨全部都係冰鮮，不過真係幾好食。今次叫左吉烈豬扒湯烏冬加壽司三件，烏冬好食，吉烈豬好大塊，新鮮炸起無油膩感，壽司除機比，醋味夠，唔錯！朋友叫嘅吉烈豬扒掛烏冬加刺身三片，賣相幾靚，咖喱汁好味，撈埋啲蛋汁好正，不過搞到成碟野一堆亂，食到無哂儀態。三文魚刺身加魚子飯，大大碗，新鮮又多料，配埋手卷飽到爆，手卷有三款得揀，太愛食三文魚了，所以都係揀返三文魚手卷。仲有呢到個雜錦魚生飯又係好正，勁多料，咩都有啲，唔似得有啲店淨系有三文，呑拿同魚子就話自己雜錦。加上姜片同青瓜絲，好好味！不過太大碗，食唔哂好浪費。除左刺身壽司，仲可以配小丸子，汽水，沙律等，都幾多野揀。午餐由三十幾到五十幾蚊，無野飲，侍應針水都幾勤快，ok啦。

之前經過河畔見到餐廳門口幾旺場, 又主打我一向喜歡的手打烏冬, 心思思想一試今日約左my MR. 去食晚餐, 7點去到, 門口有幾個人等, 但場未滿座, 我地等左3.4分鐘就有位間舖好細, 大概有一半的座位都係室外,我地坐左係門口一個角落頭的二人枱位置有d摺, 坐左一陣都無人來倒茶,揀好食物想落單又舉左手一陣都無人應加上張枱好唔穩好unk, 我地就打算坐後面比較近門口的枱呢個時候終於有侍應行埋黎, 佢話唔得因為要拍埋隔離枱比9位坐,最多幫我zip返枱腳okok 順便落單斟茶我揀左吉列豬扒手打烏冬 $42MR.揀左軟殼蟹照燒雞扒飯 $52再加多個小食 盬燒魷魚筒 $45MR. 個軟殼蟹照燒雞扒飯, D 料都幾多, 仲有配菜: 粟米&雜菜絲雞扒幾滑, 汁甜甜地都幾好味, 不過略嫌煎得唔夠香個軟殼蟹好一般, 我試左一啖, 唔夠脆, 無咩蟹味我個手打烏冬, 清湯無特別, 有d粟米同湯帶,, 烏冬不過不失, 對辦既煙un口感,不過如果只係咁我係大昌買包急凍讚歧烏冬自己煮都一樣..仲可以整麵豉湯底.........吉列豬扒炸得幾靚, 不過食落豬扒有d乾, 無左juicy既感覺..最好味都係個魷魚

it's quite busy around lunch time. usually you will have to wait around 10 mins. so it's not really recommended if you are in a rush. i have been here since the day it was open. the menu has changed quite a lot. back then this place is focusing on only udon. but now it serves variety of jap food like japanese curry, sashimi and all that. for me i think it's kinda losing its character but i understand that they want to please their customers and they have to pay for rent afterall.they have tables

附近有三間日本店,之前試過那兩間,今次試埋最後呢間哎也也lunch time好多人,等左一陣位好多牛肉,滿足食肉狂好奇之下點了鳴門卷,結果食麵粉烏冬好夠煙un,本身湯底無咩味(好事黎架起碼味精唔多)我自己加d豉油,都好好味!;)好夠厚好有口感yeahyeah!^^中中地啦!多D醬會好D囉木魚好好味呀另外,無論係小食,定係烏冬,都有好多配料.例如菜絲﹑粟米增加鮮味環境方面,間野太細啦,有十幾張桌都係門外食,唔凍都ok既,如果好凍個日,記住唔好坐門口><

屋企下邊有好多食店..但有九成食店都超多味精..食完超口乾..好辛苦..最近發現仲有一間食得過..全因..價錢比較平..食物質數高..最重要食完唔會口乾..鹽燒鯖魚定食..大大條..好多肉汁..好好味..燒牛扒定食..開頭仲以為好一般..但係食過先知好味到不得了..好香牛味..值得提一提..服務細心..會不停加茶水..正..

試了:串燒鰻魚，抵食又出色。蟹子、三文魚(抵食)及腐皮，表現好過預期。照燒雞烏冬，抵食不過唔算好食。建議店方將燒雞扒另上，因浸於湯中，失了香味。烏冬平平，湯底有得揀就好。

星期五晚放工入沙田同朋友慶祝生日, 我們8個人, 點了很多食物:有壽司、沙律、串燒等等串燒好好味, 最愛黑豬腩、雞心、雞翼壽司最愛海膽、軟殼蟹反卷、朋友最愛辣味魷魚魚生沙律 -- 正!!下次要試下招牌菜 -- 手打烏冬, 還有很多串燒都想試=)

中秋佳節要同朋友聚下舊於是黎到朋友屋企附近的日本餐廳食個午餐首先叫左個加州卷食物賣相麻麻 加州卷面上的沙律醬似係勁求其唧落去而且味道亦好一般 壽司飯醋味未夠幸好飯粒軟硬適中再黎一個帆立貝手打烏冬帆立貝係分開上 而且係汁燒 夠大粒 味道不錯但個手打烏冬就出事喇湯底淡到不得了 同友人不停加七味粉(自問都算食得清淡)烏冬未算鞋 但亦唔夠滑 手打烏冬首要條件唔係要滑同彈牙咩？呢間兩樣都做唔到 而且成個烏冬亦唔夠熱!!另外亦叫左吉列豬扒定食所謂定食連前菜沙律都無 只有一碗白飯和面豉湯豬扒炸得未夠鬆脆 而且可能炸得過耐食落口硬崩崩!炸粉厚 更顯得豬扒薄白飯份量十足 見隔離枱既男人都食唔哂　總括黎講無下次同樣價錢可以係其他地方食到好味的手打烏冬了

魚生飯咁既價錢好抵食! 冇加一! 駕車pair友又多一個選擇.位少, 主要坐街, 若坐在近分體式冷氣機旁就慘. 不過2人多數要搭台, 若隔離果pair食煙就慘.

我叫咗個午餐「牛肉手打烏冬配三件壽司」$36！我好少食烏冬既配菜會有生菜絲，碗嘢睇落好豐富，但味道真係一般…佢最怪係明明話係肥牛，但我眼見係生既肥牛，佢又要用普通碗，我浸咗一陣都唔覺佢有熟既跡象囉！唯有叫侍應哥哥幫我再煮煮！因為係套餐先$36，如果要我食正價，我情願去「大門橫町」或「自家烏冬」都唔會食佢！